មណ្ឌលគិរី៖កាលពីពេលថ្មីនេះរឿងបទល្មើសព្រៃឈើរបស់ ឧកញ៉ា សឹង្ហ សំអុលដែលព័ត៌មានបានចេញផ្សាយថាលោក ឧកញ៉ា ល្បីល្បាញខាងជំនួញព្រៃជាច្រេីនឆ្នាំមកនេះ បានប្រកាសក្តែងៗនៅចំពោះមុខក្រុមអ្នកឃ្លាំមេីលបទល្មេីសព្រៃឈេីនិងអ្នកសារព័ត៌ មានថា ខ្លួននឹងដឹកជញ្ជូនឈេីប្រមាណ២០រថយន្តវេអង ចេញពីក្រុមហ៊ុនម៉ាស្ទ័រខេសាន់ នៅព្រលប់ថ្ងៃទី២២ ខែកញ្ញា ឆ្នាំ២០១៨នេះ ដោយឈេីទាំងនោះជាឈេីស្របច្បាប់ ។
ក្រុមអ្នកឃ្លាំមេីលបទល្មេីសព្រៃឈេីលេីកឡេីងថា បេីឧកញ៉ា សឹង សំអុល ពិតជារកសុីត្រឹមត្រូវមែននោះ ហេតុអ្វីបានជាដាក់កម្លាំងប្រដាប់អាវុធឲ្យយាមការពារតាមដងផ្ល្លូវចូូល និងដាក់កម្លាំងសន្តិសុខច្រេីនសន្ធឹកបែបនេះ ។ ម៉្យាងទៀតបេីក្រុមហ៊ុនម៉ាស្ទ័រខេសាន់មិនរកសុីឈេីខុសច្បាប់ ដូចជាការប្រមូលទិញឈេីពីប្រជាពលរដ្ឋដែលចូលទៅកាប់ឈេីក្នុងដីដែនជម្រកសត្វភ្នំព្រេចចូលមកលក់ក្នុងក្រុមហ៊ុន ដោយឃុបឃិតជាមួយមន្ត្រីជំនាញពាក់ព័ន្ធ បម្លែងឲ្យទៅជាឈេីស្របច្បាប់ រឿងអីខ្លាចគេថតរូបយកទៅផ្សាយ ហេីយមិនបង្ហាញឯកសារច្បាប់ឲ្យអ្នកព័ត៌មានបានដឹងផងនោះ។
តាមការឲ្យដឹងពីមន្រ្តីខេត្តថា ក្នុងក្រុមហ៊ុនយូនីគ្រីន របស់ ឧកញ៉ា តុប វីរាដា ក្នុងភូមិសាស្រ្ត ស្រុកកោះញែក ខេត្តមណ្ឌលគិរី កំពង់ខ្លាំងរឿងបំផ្លាញ់ព្រៃឈើធម្មជាតិ។ហើយក្រុមហ៊ុននេះបានច្បាប់ឈូសឆាយត្រឹមតែ50ហិចតា តែស្នាក់ការក្រុមហ៊ុន តែមានឈើរាប់ពាន់ម៉ែត្រគូប។
មន្រ្តីបន្តថា បើតាមទៅមន្ទីរបរិស្ថាន មន្ទីរកសិកម្ម និងអភបាលខេត្តមណ្ឌលគិរីទំនង គ្រប់ទឹកហើយម្តងនេះ ។ចាំមើល! សម្តេចក្រឡាហោមគិតយ៉ាងម៉េចវិញ ដើម្បីការពារព្រៃឈើក្នុងដែនជំរកសត្វភ្នំព្រេចដែលទទួលបានលុយជំនួយរាប់សិបលានដុល្លាពីបរទេស ក្នុងមួយឆ្នាំៗ សំរាប់ប្រតិបត្តិការការពារព្រៃឈើមួយនេះ។
សកម្មជនការពាព្រៃឈើថា រដ្ឋាភិបាលកម្ពុជាគ្មានឆន្ទះពិតប្រកដក្នុងការ ការពារព្រៃឈើខ្មែរដែលនៅសេសសល់ ផ្ទុយពីប្រសាសន៍ សម្តេចតេជោ ហ៊ុន សែនដែលថា ព្រៃឈើគឺជាអាយុជីវិតរបស់ជាតិ។ មានតភាគ
