ប្រភពធ្លាយចេញពីអ្នករកស៊ីទាំងតូច ទាំងធំ ទាំងស្របច្បាប់និងមិនស្របច្បាប់ដែលដឹកទំនិញគ្រប់សារពើពីខេត្តបន្ទាយមានជ័យ បាត់ដំបង ចូលមករាជធានីភ្នំពេញ តាមផ្លូវជាតិលេខ៥បានខ្សឹបប្រាប់អ្នកសារព័ត៌(ចាប់ដៃ)យើងថា ពេលកន្លងមកនិងបច្ចុប្បន្ន លោក កង ធឿន មេគយចល័តប្រចាំផ្លូវនេះកំពុងត្រូវប៉ាន់លុយក្រោមតុខ្លាំងណាស់ ក្រោមរូបភាពរឹតបន្តឹងយុទ្ធនាការ៦០ថ្ងៃរបស់គយ បើឈ្មួញណាឲ្យលុយតាមការទាមទារ គឺអូខេ! មិនចាប់តែបើឈ្មួញណាមិនបង់លុយ តាមការកំណត់ច្បាស់ជាចាប់ឲ្យបង់ពន្ធ១០០%មិនខានឡើយ។ នេះគេថា របៀបរកលុយស្របច្បាប់និងជាយុទ្ធសាស្រ្តរុញទូកបណ្តោយទឹករបស់លោកមេគយចល័តរូបនេះ។
អ្នករកស៊ីបានខ្សឹបថា ទំាងប្រធានសាខាគយខេត្តបាត់ដំបងនិងប្រធានច្រកអន្តរជាតិ ប្រធានច្រកទ្វារប៉ែកខាងលិច ទាំងអស់ សុទ្ធតែខ្លាចអំណាចលោក កង ធឿន ទាំងអស់ ព្រោះលោកមេគយចល័តផ្លូវជាតិលេខ៥ម្នាក់នេះ ពូកែដឹងណាស់ សូម្បីតែលាក់ទំនិញបន្តិចបន្តួចក៏ដឹងដែរ។ ដូចេ្នះហើយ មេគយតាមតំបន់នានា សុទ្ធតែ ញញើតលោក កង ធឿន ឫបើវ៉ៃពន្ធមិនគ្រប់ក៏ត្រូវប្រាប់លោក កង ធឿន ដែរ។ បើមិនដូច្នេះទេ ច្បាស់ជាទំនិញទាំងនោះ ត្រូវចាប់ឲ្យបង់ពន្ធ១០០%មិនខាន ឡើយ។ ចំណែកលោក លឹម សម្បត្តិ ប្រធានច្រកអន្តរជាតិ ព្រំដែនប៉ែកខាងលិចក៏ត្រូវជាសាច់ញតិ របស់លោក កង ធឿនដែរ។ ដូចេ្នះហើយបានជាទិញគេចពន្ធជាច្រើនប្រភេទមិនអាចលាក់បាំងពីភ្នែកច្រមុះលោក កង ធឿន និង កូនចៅរបស់គាត់បានទេ។ អឹចឹងហើយបានជាឈ្មួញធំតូច មិនហ៊ានមើលរំលង លោក មេគយចល័តម្នាក់នេះទេ។ បើលោក កង ធឿន ឲ្យបង់ប៉ុន្មានត្រូវតែបង់ បើមិនធ្វើតាមទេ គឺចាប់ឲ្យបង់ពន្ធ១០០% យកបុងមិនខាន។
អ្នករកស៊ីទាំងនោះ បានខ្សឹបទៀតថា កូនចៅលោក កង ធឿន ចងអង្រឹងដេកតាមផ្លូវជាតិលេខ៥ បណ្តាក់គ្នាដូចខ្យងចាំរាប់ក្បាលឡាន យកលុយមិនឲ្យរំលងមួយគ្រឿងណាទេ។ ក្រុមឈ្មួញបានដាក់ជាសំណូរតាម អ្នកយកព័ត៌មានយើងថា ចុះបើលោក កង ធឿន ដឹងរឿងឈ្មួញគេចពន្ធច្រើនបែបនេះ ហេតុអ្វីក៏មិនឃើញបង្រ្កាប? ហេតុអ្វីឃើញតែឡានដឹកទំនិញចេញពីខេត្តបន្ទាយមានជ័យ បាត់ដំបង រាប់រយគ្រឿងចូលមករាជធានីភ្នំពេញ មានទាំងគ្រឿងសំណង់ គ្រឿងទេស គ្រឿងអេឡិចត្រូនិច គ្រឿងហូបចុកជាដើម បានត្រឹមចូលបង់លុយឲ្យគយចល័តផ្លូវជាតិលេខ៥ រួចដឹកចេញប្រ៉ុយៗទៅវិញ?
ឈ្មួញដឹកទំនិញទាំងនោះ ខ្សឹបទៀតថា ជូនកាលគ្រឿងសំណង់ខ្លះ បង់ពន្ធចូលរដ្ឋមិនដល់៣០%ផងទេ គឹមេគយចល័ត ពូកែក្រូមេឯកសារណាស់ ប្រយោជន៏សល់លុយចែកគ្នាចាយធ្វើឲ្យបាត់ពន្ធចំណូលរដ្ឋមិនតិចទេក្នុង១ខែៗ។ ដូចេ្នះហើយទើបឈ្មួញគ្រប់ប្រភេទ បាននិយាយថា លោក កង ធឿន កំពុងត្រូវប៉ាន់លុយក្រោមតុនោះ។ អំណាចលោក កង ធឿន សូម្បីតែលោក អ៊ុក វណ្ណច័ន្ទ មេគយសាខាប៉ៃលិន ឫប្រធានការិយាល័យនានា តាមផ្លូវជាតិលេខ៥ សុទ្ធតែមិនហ៊ានក្អកជាមួយលោកមេគយចល័តនេះទេ។ និយាយរួមមន្រ្តីគយនៅខេត្តប៉ៃលិនខេត្តបន្ទាយមានជ័យ តាមព្រំដែនច្រកខាងលិច ទាំងអស់បើចង់ស៊ិសស៊ុសជាមួយអ្នកដឹកទំនិញតាមផ្លូវជាតិលេខ៥ ត្រូវសុំយោបល់លោក កង ធឿន ជាមុនសិនបើចង់លេងស្ងាត់ៗស៊ីដាច់តែឯងប្រាកដជារឿងធំមិនខាន។ ហេតុនេះ ហើយទើបទាំងឈ្មួញទាំងសមត្ថកិច្ចគយនានាសរសើរ ថា លោក មេគយចល័ត កង ធឿន ខ្លាំងពូកែខាងពុករលួយមែន!……។
