តាមប្រភពជាច្រើនបានរៀបរាប់ថា ចាប់តាំងពីលោកវរសេនីយ៍ត្រី ឯម សុវណ្ណារ៉ា ហៅ(សុកកំពិត) មានតួនាទីជាប្រធានក្រុមបង្ក្រាបបទល្មើសក្នុងឆ្នាំ២០១៣ និងឆ្នាំ២០១៤នេះមក បានយកតួនាទីរបស់ខ្លួនជាប៉ូលីសទៅរកស៊ីនាំរថយន្តចង្កូតស្តាំពីថៃចូលមកកម្ពុជាច្រើនដងមកហើយ ដែលរថយន្តចង្កូតស្តាំនេះ ត្រូវបានរាជរដ្ឋាភិបាលហាមឃាត់យ៉ាងតឹងរ៉ឹងបំផុតក្នុងការនាំចូលពីប្រទេសជិតខាង ។ ហើយបែរជាលោកវរសេនីយ៍ត្រី ឯម សុវណ្ណរ៉ា ថ្លើមធំហ៊ាន លួចនាំចូលតាមតំបន់ក្បែរៗ មាត់ច្រកទ្វារអន្តរជាតិអូរស្មាច់ជាច្រើនគ្រឿង ដោយមិនខ្លាចញញើតនឺងច្បាប់ ហើយធ្វើឲ្យចំណូលថវិកាជាតិត្រូវខាតបង់ដោយការប្រព្រឹត្តល្មើសច្បាប់របស់លោក ឯម សុវណ្ណារ៉ា។
ឯម សុវណ្ណរ៉ា ហៅ(សុខកំពិត) មានតួនាទីជានាយរងការិយាល័យសន្តិសុខផ្ទៃក្នុងស្នងការដ្ឋាននគរ បាលខេត្ត ឧត្តរមាន ជ័យ កំពុងទទួលរងការចោទប្រកាន់ពីមជ្ឈដ្ឋានមន្ត្រីរាជការ កងកម្លាំងក្រោមឱវាទថា មន្ត្រីរូបនេះបានយកតួនាទីរបស់ខ្លួនជាប៉ូលិសបង្ក្រាបបទល្មើស ទៅរកស៊ីនាំរថយន្តចង្កូតស្តាំចូលមកកម្ពុជាតាមតែអំពើចិត្ត ដោយពុំឃើញមានមន្រ្តីជំនាញស្ថាប័នពាក់ព័ន្ធណាហ៊ានប៉ះពាល់ឡើយ ។
ប្រភពមន្ត្រីម្នាក់សុំមិនបញ្ចោញឈ្មោះបានអោយដឺងថា លោក ឯម សុវណ្ណរ៉ា ចាប់តាំងពីខ្លួនមានតួនាទីជាប្រធានក្រុមបង្រ្កាបបទល្មើសមិនបានធ្វើការបង្ក្រាបបទល្មើសទេមានតែយកលុយពីបទល្មើស។ ហើយចាប់តាំងពី មានតួនាទីជាប្រធានក្រុមបង្រ្កាបបទល្មើសក្នុងខេត្តឧត្តរមានជ័យពេលណាមកបាន រកស៊ីនាំរថយន្តចង្កូតស្តាំចូលជាបន្តបន្ទាប់ ដោយមានជនជាតិថៃម្នាក់សម្រាប់នាំយកមកលក់ឱ្យ។ ដូចជា ពេលលោក ឯម សុវណ្ណរ៉ា លក់ចេញរួច ក៏មានការនាំចូលបន្តទៀត ដោយដោះស្លាកលេខថៃចេញ ហើយបំពាក់ស្លាកលេខកម្ពុជាវិញ ដើម្បីបំភាន់ភ្នែកមហាជន ។
ជាក់ស្តែងកាលពីពេលថ្មីៗកន្លងទៅនេះ គឺ ឯម សុវណ្ណារ៉ា បាននាំចូលរថយន្តចង្កូតស្តាំមួយគ្រឿងម៉ាក TOYOTAVIGO ពណ៌ទឹកប្រាក់ ស៊េរីឆ្នាំ២០០៩ ពាក់ស្លាកលេខ ០០/៥៦ កំពុងតែជិះបណ្តើរ លក់បណ្តើរនាពេលសព្វថ្ងៃនេះ ដោយពុំទាន់បានលក់ចេញនៅឡើយទេ ! ។
បើតាមទម្លាប់កន្លងមក កាលណានាំរថយន្តចង្កូតស្តាំចូលមក តែងតែលក់ចេញទៅវិញទើបនាំចូលថ្មីទៀត ហើយប្រហែល ជាដោយសារចំណេញលើគោកពេក ទើបធ្វើឱ្យលោក ឯម សុវណ្ណរ៉ា ជក់ចិត្តដិតអារម្មណ៍លែងខ្លាចច្បាប់អ្វីទាំងអស់ ។
ថ្មីៗនេះប៉ូលិសព្រំដែនមួយក្រុមបាននិយាយថា រថយន្តចង្កូតស្តាំដែលយកមកលក់នៅព្រំដែនកម្ពុជា ច្រើនតែជារថយន្ត ចោរប្លន់ ដែលគេហៅថា រថយន្តក្តៅ ។ ហើយមជ្ឈដ្ឋានខ្លះរិះគន់ថា បើធ្វើសមត្ថកិច្ចកាន់អំណាចធំ ហើយមានមុខរបរនាំរថយន្ត ចង្កូតស្តាំចូលហូរហែបែបនេះ គួរជួយដំឡើងបុណ្យស័ក្តិឱ្យគាត់ធំជាងនេះទៀត ទៅទើបសមនឹងមុខរបររបស់គាត់ ។
ដោយឡែកពាក់ព័ន្ធបញ្ហានេះ អគ្គស្នងការនគរបាលជាតិនិង អភិបាលខេត្តឧត្តរមានជ័យដឺងដែររឺទេ ហើយបញ្ហា នេះមិនគួរបើក្រសួងមហាផ្ទៃនិងអគ្គស្នងការនគរបាលជាតិមើលរំលងពីសកម្មភាព របស់ លោក ឯម សុវណ្ណារ៉ា នោះទេ ៕
