បន្ទាយមានជ័យ៖ថ្មីៗនេះប្រធានមន្ទីររៀបចំដែនដី នគរូបនីយកម្ម និងសំណង់សុរិយោដីខេត្តបន្ទាយមានជ័យ ឈ្មោះ លី សារី កំពុងជាប់ឈ្មោះជាមន្ត្រីល្បីឈ្មោះខាងប្រព្រឹត្តអំពើពុករលួយ យ៉ាងខ្លាំងជាងគេ ក្រោយពេលដែលអង្គភាពប្រឆាំង អំពើពុករលួយបានកោះហៅមន្ត្រី ៧-៨នាក់ មកសាកសួរស៊ើបអង្កេតពាក់ព័ន្ធនឹងការប្រព្រឹត្ត អំពើពុករលូយរួចមក ថ្មីៗនេះ ។ ខណៈនោះដែរលោក គោ ស៊ុំសារឿត ជាអភិបាលខេត្តថ្មីនៃខេត្តបន្ទាយមានជ័យ ក៍បានធ្វើលិខិតផ្លូវការមួយ ចេញសេចក្តី ណែនាំឱ្យប្រជាពលរដ្ឋទាំងឡាយ ដែលបាននិងកំពុង ធ្វើសំណង់ខុសច្បាប់ តាមបែបអនាធិបតេយ្យទាំងអស់ ត្រូវតែធ្វើការរុះរើសំណង់ដោយខ្លួនឯងជាបន្ទាន់ ដោយមិននិយាយពីការគ្មានប្លង់ ឬក៏មានប្លង់ដែលចុះហត្ថលេខាដោយប្រធានសុរិយោដី លី សារី ឡើយ ។បើមិនអនុវត្តន៍តាមទេ អាជ្ញាធរមូលដ្ឋាននឹងបង្ខំចិត្ត ចុះទៅធ្វើការរុះរើដោយគ្មានសំណងឡើយ ។
ហើយម្ចាស់សំណង់ខុសច្បាប់ទាំងនោះដាច់ខាត ត្រូវតែទទួលរងនូវការផាកពិន័យ តាមរយៈការតម្រូវឱ្យចេញលុយ ថ្លៃ ពលកម្មដល់អាជ្ញាធរ ដែលចុះទៅរុះរើ សំណង់ទាំងនោះថែមទៀតផង ។ ពាក់ព័ន្ធជុំវិញរឿងសំណង់ខុសច្បាប់ធ្វើឱ្យប្រជាពលរដ្ឋជាអ្នករងថ្មីបាក់នេះដែរ ក្រុមប្រជាពលរដ្ឋ ក្នុងខេត្តបន្ទាយមានជ័យក៏បាននិយាយរិះគន់ធ្ងន់ៗទៅលើបុគ្គល លី សារី ថាកាលពីអាណត្តិប្រធានមន្ទីរមុនៗខេត្តបន្ទាយមានជ័យ មិនមានសំណង់ខុសច្បាប់ និងចុះហត្ថលេខាយ៉ាងអនាធិបតេយ្យនោះទេ ។
ផ្ទុយទៅវិញតាំងពី លី សារី ធ្វើជាប្រធានមន្ទីរ រៀបចំដែនដី នគរូបនីយកម្ម និងសំណង់ ខេត្តបន្ទាយមានជ័យ កាលណាមក បាននិងកំពុងធ្វើឱ្យខេត្តនោះ កើតមានសំណង់ខុសច្បាប់អនាធិបតេយ្យ ច្រើនឡើងៗរីកដូចផ្សិតព្រោងព្រាតដូចជានៅក្រុងប៉ោយប៉ែតក៍គេសង្កេតឃើញសំណង់អណាធិបតេយ្យរាប់មិនអស់មានរហូតដល់សំណង់ខ្លះសង់បិតផ្លូវថែមទៀតបញ្ហារនេះប្រជាពលរដ្ឋបាននិយាយថាការកើតឡើងនូវសំណង់ខុសច្បាប់វាចរឿងមេសុរិយោដីខេត្តក្រុងក្នុងនោះក៍មានការចូលរួមពីលោកប្រាក់ប៉ូលីដែលជាប្រធានសុរិយោដីក្រុងប៉ោយប៉ែតផងដែរ មិនតែប៉ុណ្ណោះ គឺសំណង់ខុសច្បាប់អនាធិបតេយ្យទាំងនេះ ក៏ធ្វើឱ្យប៉ះពាល់ធ្ងន់ធ្ងរដល់មុខមាត់ ខេត្តបន្ទាយមានជ័យ ទាំងមូល ដែលជាច្រកហូរចូលនៃអ្នកទេសចរណ៍បរទេស អន្តរជាតិរាប់សែននាក់ តែងឆ្លងកាត់រាល់ថ្ងៃ តាមច្រកទ្វារអន្តរជាតិ-ប៉ោយប៉េត ព្រំដែនកម្ពុជា-ថៃ ។ ហើយមិនគួរបើ លោកលី សារីហ៊ានប្រព្រឹត្តអំពើពុករលួយ ធ្វើមានបានដោយការកេងប្រវ៉ាញ់ដើម្បីប្រាក់ដាក់ហោប៉ាវមិនគិតគូរពីប្រយោជន៍ជាតិបែបនោះទេ ។
ដោយឡែក អង្គភាពប្រឆាំងអំពើពុករលួយ លោក ឱម យ៉ិនទៀង ធ្លាប់បានកោះហៅមន្ត្រី ៧-៨នាក់ នៅខេត្តបន្ទាយមានជ័យ មកធ្វើការស៊ើបសួរកាលពីចុងសប្តាហ៍ទី១ និងដើមសប្តាហ៍ទី២ ខែមករា ឆ្នាំ២០១៤កន្លងមកនេះ ពាក់ព័ន្ធនឹងការប្រព្រឹត្ត អំពើពុករលូយរួចមកហើយ ។ ហើយគេចាំមើល តើអង្គភាពប្រឆាំងអំពើពុករលួយ ដឹកនាំដោយលោក ឱម យ៉ិនទៀង អាចនឹងធ្វើអី ឬក៍ដាក់ទោសអ្វី ទៅលើមន្ត្រីទាំងនោះព្រមទាំង លី សារី ទៅកើតបើគាត់មានលុយក្រាស់ និងខ្នងបង្អែកធំថ្នាក់ក្រសួងរៀបចំដែនដីនគរូបនីយ៍កម្មសំណង់និងសុរិយោដី ជុំវិញបញ្ហានេះដែរក្រុមប្រជាពលរដ្ឋអ្នកខេត្តបន្ទាយមានជ័យសង្ស័យថា អង្គភាពប្រឆាំងអំពើពុករលួយ បានត្រឹមតែកោះហៅលោក លី សារី មកធ្វើការសាកសួរប៉ុណ្ណោះ មិនអាចនិងដកហូតមុខតំណែង និងចាប់ខ្លួន លោក លី សារី យកទៅឃុំឃាំងក្នុងពន្ធនាគារ ដូចលោក អ៊ុក កែវរតនៈ អតីតនាយករងខុទ្ទកាល័យនោះ បានទេ ព្រោះតែលោកលីសារីមានខ្នងធំហើយក្រាស់ និងជាអ្នកមានលុយពីអំពើរពុករលួយយ៉ាងក្រាស់ឃ្មឺកគួររំលឹកថា ក្នុងចំណោមមន្ត្រី ៧-៨នាក់ នៅខេត្តបន្ទាយមានជ័យ ដែលអង្គភាពប្រឆាំងអំពើពុករលួយ កោះហៅទៅសាកសួរពាក់ព័ន្ធនឹងការប្រព្រឹត្ត អំពើពុករលូយនោះរួមមាន អ៊ុក កែវរតនៈ អតីតនាយករងខុទ្ទកាល័យ សាលាខេត្តបន្ទាយមានជ័យខ្សែលោក អ៊ុង អឿន អតីតអភិបាលខេត្ត និង លោក សោម សុខេន អតីតនាយក រដ្ឋបាលសាលាខេត្តបន្ទាយមានជ័យ, លោកលី សារី ប្រធានមន្ទីររៀបចំដែនដី នគរូបនីយកម្ម និងសំណង់ខេត្តបន្ទាយមានជ័យ លោក ឃូ ពៅ អភិបាល ស្រុកស្វាយចេកលោកមេឃុំស្លក្រាម ស្រុកស្វាយចេក និងមន្ត្រីសុរិយោដីចំនួន ០៣នាក់ទៀត ។
ហើយករណី គឺមានតែ លោកអ៊ុក កែវរតនៈ ម្នាក់ប៉ុណ្ណោះ ដែលត្រូវអង្គភាពប្រឆាំងអំពើពុករលួយ បញ្ជូនខ្លួនទៅកាន់សាលាដំបូង ខេត្តបន្ទាយមានជ័យ កាលពីយប់ថ្ងៃទី៩ ខែមករា ឆ្នាំ២០១៤ ឯប៉ុន្មាននាក់ដូចមានឈ្មោះ ស្ថិតក្នុងបញ្ជីស្រាវជ្រាវបន្តចាំប្រជាពលរដ្ឋប្តឹងបន្ថែមទៀតហើយអង្គភាពប្រឆាំងអំពើរពុករលួយកំពុងបន្តរស្រាវជ្រាវ បើតាមប្រធានសាលាដំបូង ខេត្តបន្ទាយមានជ័យ លោក អាំងមាលតី បាននិយាយថា លោក អ៊ុក កែវ រតនៈ ត្រូវបានឃាត់ខ្លួនបញ្ជូនទៅ ពន្ធនាគារខេត្តរួចហើយ ដោយជាប់ពីបទក្លែងបន្លំឯកសារសាធារណៈជាច្រើន ។ ជុំវិញការឃាត់ខ្លួនលោក អ៊ុក កែវរតនៈនិង ការកោះហៅមន្ត្រីខាងលើ ត្រូវបានប្រភពព័ត៌មាន បង្ហើបឱ្យដឹងថា រឿងរ៉ាវនោះអាចជាប់ពាក់ព័ន្ធ នឹងអំពើពុករលួយ ករណីកើតមានវិវាទដីធ្លីជាច្រើន នៅក្នុងខេត្តបន្ទាយមានជ័យ ដែលត្រូវប្រជាពលរដ្ឋរងគ្រោះ ដាក់ពាក្យបណ្តឹងជាបន្តបន្ទាប់ផង និងមានករណីក្លែងបន្លំឯកសារធារណៈ ពាក់ព័ន្ធដីធ្លីចំនួន ២ពាន់ហិកតា នៅឃុំស្លក្រាម ស្រុកស្វាយចេក ខេត្តបន្ទាយមានជ័យ ជាមួយក្រុមហ៊ុន IGEដែលមានម្ចាស់ជា ជនជាតិបរទេសផង ។ ហើយដើមចមនៃការស៊ើប អង្កេតជាបន្តនោះ គឺលោក លី សារី ក៏គេចមិនផុតពីជាប់អង្កេតពីអង្គភាពប្រឆាំងអំពើពុករលួយរបស់លោក ឱម យ៉ិនទៀង នោះទេ ព្រោះតែតាមមេភូមិបាល ស្រុក ខណ្ឌ ក្រុងមួយចំនួន ឆ្លើយយករួចខ្លួនថា លី សារី គឺជាមេក្លោងធំ ៕
