លោករដ្ឋលេខាធិការក្រសួងសុខាភិបាលមួយរូបដែលមានរហស្សនាមថា កុង ហួត ហើយដែលមន្ត្រីរាជការនិយមហៅទូទៅថា “កុងហួត” បានពាក់ព័ន្ធទៅនឹងការកិបកេងគម្រោងថវិការបស់រដ្ឋនិងថវិកាជំនួយ ព្រមទាំងបង្កើតបញ្ហាបក្ខពួកនិយម មកទល់នឹងពេលនេះ៣អាណត្តិហើយដែល “កុងហួត”នៅតែមានឱកាសប្រព្រឹត្តអំពើពុករលួយបាន ។
មន្ត្រី បានខ្សឹបខ្សៀវគ្នាថា ការកិបកេងប្រាក់គម្រោងដែលប្រព្រឹត្តឡើងដោយលោករដ្ឋលេខារូបនេះ ថែមទាំងក្តោបត្រាអគ្គនាយក ចៀសវាងបែកទឹកប្រាក់ មានន័យថា ទាំងគម្រោងថវិកាធំៗគាត់បានបំបែកឲ្យទៅជាគម្រោងតូចៗ ដើម្បីឲ្យប្រធាននាយកដ្ឋានដែលជាមនុស្សរបស់គាត់កាន់កាប់ សុទ្ធតែជាការកិបកេងមានលក្ខណៈអំពើពុករលួយជាប្រព័ន្ធ ។
មន្ត្រីបានបន្តថា សូម្បីជំទាវរង(ភរិយាបន្ទាប់)របស់គាត់ដែលត្រូវចូលនិវត្តន៍ក៏ យកមកឲ្យធ្វើការនៅមជ្ឈមណ្ឌលគាំពារមាតានិងទារកដើម្បីទាញប្រយោជន៍ ពីបុគ្គលិកពេទ្យ ដែលត្រូវធ្វើលិខិតបេសកកម្មនានាត្រូវបានជំទាវរងរបស់គាត់ជាអ្នក ចាត់ចែងទៀតផង ។ មិនតែប៉ុណ្ណោះលើកបន្តុបកូនប្រុសរបស់ខ្លួនឲ្យធ្វើជាអនុប្រធាន មជ្ឈមណ្ឌលជំងឺគ្រុនចាញ់ និងកូនស្រីឲ្យធ្វើនៅមន្ទីរពេទ្យកុមារជាតិ ។
មន្ត្រីបានចំអកថា កន្លងទៅការកិបកេងគម្រោងដោយរដ្ឋលេខារូបនេះត្រូវបានថ្នាក់ដឹកនាំ ក្នុងក្រសួង សុខាភិបាលមិនសូវប្រតិកម្មដោយសារគាត់ជាមិត្តភក្តិរបស់លោក រដ្ឋមន្ត្រី ប៉ុន្តែអំពើពុករលួយកំពុងក្លាយទៅជាផ្ទាំងស៊ីបមួយដែលមន្ត្រី ពាក់ព័ន្ធនឹងទម្លាយរាល់គម្រោងទាំងតូចទាំងធំប្រាក់ជំនួយរបស់ បរទេស និងគម្រោងថវិការបស់រដ្ឋចៀសមិនផុតពីការកិបកេងពីលោក រដ្ឋលេខាធិការរូបនេះឡើយ ៕
