មន្រ្តីរាជការខ្លះបាននិយាយថា ប៊ុយរ៉ូការិយាល័យអប់រំស្រុកកៀនស្វាយ ដែលគ្រប់គ្រងដោយលោក សោម ម៉ុល ក្លាយជាសំបុកល្បែងស៊ីសងខុសច្បាប់ ក្រោមការដឹកនាំលេងដោយ លោកប្រធានការិយាល័យនេះតែម្តង ។ វង់ល្បែងស៊ីសងជ្រកក្រោមដំបូលអប់រំស្រុកយ៉ាងដុះស្លែ ភាគច្រើន ជាមន្ត្រី អប់រំស្រុក និងមន្ត្រីរាជការជុំវិញស្រុក កៀន ស្វាយ តែម្តង ។
តាមភាពងប់ងុល និងល្បែងស៊ីសងពីសំណាក់មន្ត្រីអប់រំស្រុកកៀន ស្វាយសព្វថ្ងៃនេះ បានទុក ចោលការងារ មន្ត្រីរាជ ការជាច្រើនឱ្យស្ទះការងារ ទោះបីក្នុងពេលសម័យប្រឡងបាក់ឌុប ទើបតែ បញ្ចប់ ទៅថ្មីៗនេះក៏លោកប្រធាន ការិយា ល័យអប់រំស្រុកឈ្មោះ សោម ម៉ុល អត់ខ្ចីដើរត្រួតពិនិត្យ តាមមណ្ឌល ប្រឡងនោះ ទេ គឺគាត់ (សោម ម៉ុល)ជាប់មមា ញឹកសម្បើមណាស់ ការគៀងគង ប្រមែប្រមូល សមាជិកឱ្យទៅលេងល្បែងក្នុងកន្លែងធ្វើ ការយ៉ាងត្រជាក់ ល្ហឹមដើម្បី ប្រមូលលុយដឹក និងច្រកហោប៉ៅ ។
ដូចជា ថ្មីៗនេះប្រធានការិយាល័យស្រុកកៀនស្វាយ ប្រែក្លាយមុខតួនាទី ខ្លួន អប់រំសិស្ស មកគ្រប់គ្រងល្បែង ស៊ីសង ខុស ច្បាប់ទៅវិញ ដែលទង្វើបែបនេះ បានធ្វើឱ្យជះឥទ្ធិពល អាក្រក់ ចេញមកក្រៅជាបណ្តើរៗដល់ការបង្រៀន សិស្ស ទៀតផង ។ ហើយអាថ៌កំបាំងនេះ មិនត្រូវបាន បែកធ្លាយដល់ប្រធានមន្ទីរអប់រំខេត្តកណ្តាល នៅឡើយទេ ឬក៏ដឹងដែរ ជួយលាក់ ។
ពាក់ព័ន្ធបនល្បែងស៊ីសងមួយជ្រកក្រោមដំបូលការិយាល័យអប់រំស្រុកកៀនស្វាយ បើកលេងដុះស្លែ មកនេះ សូម្បីតែសមត្ថកិច្ចប៉ូលិសមូលដ្ឋានក៏បានដឹងដែរ តែមិនហ៊ានចូលបង្ក្រាបទេ ចាំទទួលតែ លុយទៅ ព្រោះជាក់ពាក់ព័ន្ធ មន្ត្រីរាជការក្នុងស្រុកកៀនស្វាយទាំងអស់ ។ ហើយសូម្បីចៅ ហ្វាយ ស្រុកកេនិស្វាយក៏ទំនងដឹងឮដែរ ៕
