ខេត្តកំពង់ចាម: មេឈ្មួញអ៊ុកសារុំ និង មេឈ្មួញពុធសុភ័ក្រដែល គេបានដឹងថា ជាមេឈ្មួញ ដ៏ធំ ជាងគេនៅក្នុង ទឹក ដី ស្រុក មេមត់ មានការលួចដឹកជញ្ជូន ឈើប្រណិត យកទៅ លក់នៅ ស្រុកយួន។និងមានមេឈ្មួញឈើប្រណីត ជើងខ្លាំង២នាក់ ទៀត ឈ្មោះ ប៉ាង និង ពក បាន លួច ដឹកជញ្ជូនប្រភេទឈើធ្នុង និងឈើនាងនួនជា ច្រើន ប្រភេទ ឈើប្រណីតបន្ទាប់ពីឈើ ក្រញូងនិងឈើធ្នុងកំពុងតែត្រូវប៉ាន។
មេឈ្មួញ ប៉ាង និង មេឈ្មួញ ពក ការលួចដឹកជញ្ចូនឈើ ប្រណិតគឺបានលួច ដឹកជញ្ជូនចេញពីតំបន់ កន្ទួតជាប់ ព្រំប្រទល់ ខេត្តរតនះគិរី ដើម្បីយកមក ឱ្យ មេឈ្មួញអ៊ុក សារុំ និងមេឈ្មួញពុធ សុភក្រ័ ដែលពុំខ្លាចរអានូវអំណាច សំដីរបស់សម្តេចតេជោ ហ៊ុនសែន ដែលបានមានប្រសាសន៏កន្លងមកទេ ។ ពួកគេបានកំពុងតែរកស៊ីខុសច្បាប់ដោយ សេរីស្របពេលស្ថានភាពសង្គម ហាក់បីដួចជាអំណោយផលល្អនោះ។ ពោលគឺពួកគេបាន រកស៊ីបែបនេះ តំាងពីឆ្នាំ២០១០។
សូមបញ្ជាក់ថាមេឈ្មួញទាំង២នាក់ ដែលបានប្រើប្រាស់រថយន្តម៉ាក កាម៉ារីគូថប៉ោងនិង រថយន្តម៉ាកបាឡែន រឺរថយន្តម៉ាក់ឡង់គ្រីស័រ សំរាប់ដឹកជញ្ជូនឈើប្រណីតចាប់ពីម៉ោង ៩យប់ រហូតដល់ម៉ោង៦ព្រឹកដោយ ឆ្លងកាត់មុខប៉ុស្តិ៏មេព្រៃ ឃ្សឹម ដែលគ្រប់គ្រងដោយ លោទៀបកុលដោយមេឈ្មួញពកនិងមេឈ្មួញ ប៉ាងបានបង់លុយឱ្យខ្ទង់៦០ដុល្លារអាមេរិក ឯសមត្ថកិច្ចផ្សេងៗទៀត ដូចជា ប៉េអឹម,ប៉ូលីស២០ដុល្លារសរុបក្នុង១ឡានៗក្នុងការលួច ដឹកជញ្ជូនឈើអស់សរុបប្រហែល៨០ដុល្លារអាមេរិក ក្នុង១ជើងៗ ។
ពួកគេតែប្រមូលលុយយកទៅបង់ឱ្យមេ ព្រៃសង្កាត់ស្នួល ឈ្មោះកែវចំណាន ចំនួន៣០ដុល្លារ អាមេរិកក្នុង ១ឡាន សុភក្រ័ចាំទទួលនាំផ្លូវយក ទើបចេញផុតទៅដល់ ស្ពានជ្រាវផ្លូវចូល ប៉ុស្តិ៍អូរលាវដែលនៅទីនោះ មេឈ្មួញអ៊ុកសារុំនិងឈ្មួញ ពុធ សុភ័ក្រ ទៅស្តុកទុកដាក់នៅក្នុងភូមិក្តុល ឃុំទន្លូងដើម្បីត្រៀមលួចដឹកជញ្ជូនទៅលក់នៅ ស្រុកយួនយ៉ាងគគ្រឹកគ ។
បើតាមមន្រី្ត នៅតំបន់នោះបានបញ្ជាក់ថាមេឈ្មួញឈើប្រណិត អ៊ុកសារុំ និង មេឈ្មួញពុធ សុភ័ក្របានអួតថាពួកគេរកស៊ីបាន គឺដោយសារតែគេបានយកលុយ បង់ឱ្យលោកមេបញ្ជារ ការសឹករងខេត្តកំពង់ចាម ឈ្មោះហ៊ូ ពៅរួចអស់ទៅហើយ។ការពិត ក្រៅពីការលួចដឹកជញ្ជូន ឈើប្រណីតយកទៅលក់នៅស្រុកយួន ដោយខ្លួនឯងនោះមេឈ្មួញអ៊ុកសារុំនិង មេឈ្មួញ ពុធសុភ័ក្រ ក៏ជាអ្នកជើងខ្លាំងកាងឈើប្រណិតឧ្យឈ្មួ្ផញដ៏ទៃផ្សេងទៀតសម្រាប់លួច ដឹកជញ្ជូនឈើប្រណិតយកទៅលក់ នៅស្រុកយួនដោយគ្មាន ញញីតច្បាប់នៃ ការហាមឃាត់អី្វទើ្បយ អោយតែអញកំពុងតែ រកស៊ីបាននឹង បន្តដំណើរការអោយ រលូនវាបាន ណាស់ ហើយ។
តាមការឲ្យដឹងថាមេកើយដែលជាជើងខ្លាំងអាចឲ្យមេឈ្មួញ អ៊ុក សារុំ និង ពុក សុភ័ក្ររកស៊ីដឹកឈើខុសច្បាប់បានដោយរលូននោះ គឺ លោក អ៊ុក ទ្រា ជាមេបញ្ជាការសឹងរងយោធាស្រុកមេមត់ខេត្តកំពង់ចាម។ នៅក្នុងស្រុកមេមត់នេះអ្នកណាក៏ខ្លាចអំណាចលោកអ៊ុក ទ្រា ដែរ ហេតុដូចនេះហើយទើបធ្វើឲ្យលោក អ៊ុក ទ្រាក្លាយជាសេដ្ឋីនិងមានស្រីច្រើនរកថ្លែងពុំបានបើនិយាយពីប្រពន្ចចេញមុខមាន២នាក់និងមានទ្រព្យសម្បត្តិយ៉ាងសំបូរបែបទៀតផង។ ប្រភពនោះបញ្ជាក់ទៀតថា កាលដែលលោក អ៊ុក ទ្រា មានបាននេះគឺគាត់រកស៊ីជូញដូរឈើប្រណិតនិងទិញឈើក្រញូងយកទៅលក់នៅវៀតណាមទើបបានធ្វើឲ្យគាត់ក្លាយជាសេដ្ឋីបាន បើរំពឹងប្រាក់ខែមន្រ្តីយោធាមិនអាចធ្វើឲ្យគាត់មានបានដូច្នេះទេ។ សូមបញ្ជាក់ថា ឈ្មោះ អ៊ុក សារុំ និង ឈ្មោះពុធ សុភគ្រ័ ជាដៃស្តាំក្នុងការធ្វើ សកម្មភាពជួញដូរដឹកជញ្ចូនឈើ ប្រណីត ដោយមានលោក អ៊ុក ទ្រា ការពារ ក្នុង អាណាចក្រស្រុកមេមត់ សំរាប់នាំចេញទៅស្រុកយួន ។
តែគេមិនដឹងថាៈតើលោកហ៊ូ ពៅ មេសឹករងខេត្តកំពង់ចាមមាន ការពាក់ព័ន្ធជំនួញ ឈើប្រណីត ជាមួយនិង មេឈ្មួញ អ៊ុក ទ្រា មេឈ្មួញ អ៊ុក សារុំ និងមេឈ្មួញ ពុធ សុភ័ក្រ នេះដែលឬអត់នោះទេ?។ ហើយគេក៏មិនដឹងថា លោក ហ៊ូ ពៅ បាន ទទួល លាភសក្ការៈប៉ុន្មានពីឈ្មោះ អ៊ុក ទ្រា នោះទេ បានជាបណ្តោយឱ្យ កូនចៅប្រព្រឹត្តបទល្មើស រាប់ឆ្នាំបែប នេះ? ។
តើមានអ្នកណាហ៊ានអនុវត្តបទ បញ្ជាសម្តេចតេជោ ហ៊ុន សែន ក្នុងការ បង្ក្រាបបទល្មើសឈើប្រណីត ដែល ប្រព្រឹត្តដោយឈ្មោះ អ៊ុក ទ្រា ដែលប្រើប្រាស់អំណាចរដ្ឋធ្វើសកម្ម ភាពល្មើសច្បាប់បែបនេះទេ?។ បើគេ នៅចាំមិនភ្លេចទេ គឺសម្តេចតេជោ ធ្លាប់ បានប្រកាសព្រមាន ដល់មន្ត្រីកងកម្លាំង ប្រដាប់អាវុធគ្រប់ប្រភេទ ឱ្យដកខ្លួន ចេញឱ្យឆ្ងាយពីបទល្មើសព្រៃឈើ។
សូមអំពាវនាវ អោយរដ្ឋមន្រី្តក្រសួងកសិកម្មនិងអង្គភាពប្រឆាំងអំពើពុករលួយ មេត្តាចុះត្រួតពិនិត្យ វែកមុខអ្នកប្រព្រឹត្តបទ ល្មើសពុករលួយ យ៉ាងក្តៅគគុកតាម បណ្តាខេត្តនានាក្នុងពេលថ្មីៗនេះ មេត្តាចុះបើកការស៊ើប អង្កេតស្រាវ ជ្រាវ និង ចាត់វិធានការបង្ក្រាប ទប់ស្កាត់សកម្ម ភាព របស់ក្រុមឈ្មួញទុច្ចរិត បំផ្លាញ ធនធានធម្មជាតិព្រៃឈើដោយសំអាងថាមានខ្នងបង្អែក អាចពឹង ពាក់បានដួចចិត្ត នោះ។ ផង ទាន!។ យើងនឹងសិក្សាស្រាវជ្រាវជាបន្តទៀត។
