សៀមរាប៖ ជំនួយការចៅហ្វាយខេត្តសៀមរាបកំពុងទទួលរងនូវការរិះគន់ដោយចំៗថាបាននិងកំពុងតែទទួលទិញឈើ ប្រណិតដោយខុសច្បាប់យ៉ាងអនាធិបតេយ្យបំផុតនៅខណះពេលដែលសកម្មភាពបទល្មើសព្រៃ ឈើនៅសៀមរាបបានកើតមានយ៉ាងផុសផុលនោះ។
លោកសុខថុល នាយករងរដ្ឋបាលនិងជាជំនួយការចៅហ្វាយខេត្តសៀមរាបលោកឃឹមប៊ុនសុង ដែលគេដឹងយ៉ាងច្បាស់ថាជាមនុស្សជំនិតរបស់អភិបាលខេត្តផងនោះបច្ចុប្បន្ននេះបានទិញឈើប្រណិតៗដោយខុសច្បាប់គ្មាននណាហ៊ានប៉ះពាល់នោះឡើយ ហើយកក្តានេះបាននិងកំពុងតែរុញច្រានប្រជាប្រិយភាព លោកឃឹម ប៊ុនសុង ឲ្យកាន់តែធ្លាក់ថែមទៀត៕
ជាក់ស្ដែងនៅម៉ោង៤និង៥០នាទីល្ងាចថ្ងៃទី០៩ខែកុម្ភៈឆ្នាំ២០១៤មានរថយន្ត១គ្រឿងម៉ាកប៉ាសារ៉ូពាក់ផ្លាកលេខ១.ឆ.៨៨២៥.ភព២បានដឹកឈើប្រណិតប្រភេទធ្នងជាច្រើនដុំបានទម្លាក់លក់ឲ្យលោកសុខថុលដែលមានទីតាំងតាមបណ្ដោយផ្លូវជាតិលេខ៦ស្ថិតក្នុងភូមិបន្ទាយចាស់ក្រុងសៀមរាប។
ពាក់ព័ន្ទទៅនិងការចោទប្រកាន់រិះគន់ពេញៗមាត់ពីសំណាក់ប្រជាពលរដ្ឋទៅលើជំនួយការចៅហ្វាយខេត្តសៀមរាបដែកគេនិយាយថាជាមន្ត្រីជំនិតរបស់អភិបាលខេត្តផងនោះលោកសុខថុលបានឆ្លើយបដិសេធចំពោះព័ត៌មាននេះថាមិនបានទិញឈើនោះទេហើយក៍មិនមែនផ្ទះលោកដែរ។
បើទោះបីជាជំនួយការជាន់ខ្ពស់រូបនេះមិនបានធ្វើការបកស្រាយឲ្យបានពិស្ដាយ៉ាងណាក្ដីឬឆ្លើយយករួចខ្លួនក៍ដោយក៍ម្ចាស់ឈើបាននិយាយថាឈើនេះប្រភេទធ្នងហើយអ្នកទិញជាលោកសុខថុល។ គួបញ្ជាក់ថាបច្ចុប្បន្ននេះសកម្មភាពកាប់បំផ្លាញព្រៃឈើនិងដឹកជញ្ជូនឈើគ្រប់ប្រភេទនៅអាណាចក្រសៀមរាបបាននិងកំពុងតែកើតមានយ៉ាងគគ្រឹកគគ្រេងបំផុតមិនត្រូវបានអាជ្ញាធនិងសមត្ថកិច្ចពាក់ធ្វើការបង្ក្រាបនោះទេធ្វើឲ្យព្រៃឈើនៅសៀមរាបបាននិងកំពុងទែទទួលរងនូវកាប់យ៉ាងរង្គាលពីសំណាក់ឈ្មួញទុច្ចរិតមួយចំនួនដែលរកស៊ីបទល្មើសផ្គើននិងសម្ដេចតេជោ។
គេនៅចាំបានថាកាលពីសម័យលោកសូភិរិន្ទជាចៅហ្វាយខេត្តសៀមរាបក្នុងនោះមានលោកម៉ឹងវុទ្ធីនាយរងខុទ្ធការរិយាល័យហើយជាជំនួយការផងនោះបើទោះបីជាការដឹកនាំគ្រប់គ្រង់របស់លោកសូភិរិន្ទនាពេលមានការរិះគន់និងកាកោតសសើរលាយឡំគ្នារយ៉ាងណាក្ដីក៍ប៉ុន្តែការដឹកនាំរដ្ឋបាលខេត្តជាមួយអ្នកកាសែតនិងមន្ត្រីថ្នាក់ក្រោមនាពេលកន្លងទៅនោះឃើញថាលោកម៉ឹងវុទ្ធីនិងលោកសូភិរិន្ទមិនមានប្រកាន់បក្សពួកនិយមនោះឡើយពោលគឺពួកគាត់ទាំងពីនាក់តែងតែមានការទំនាក់ទំនងល្អជាមួយអ្នកកាសែតរួមជាមួយមន្ត្រីក្រោមឧិវាទជានិច្ច។
ប៉ុន្តែស្របពេលលោកសូភិរិន្ទកំពុងតែមានការទំនាក់ទំនង់ល្អជាមួយមន្ត្រីរដ្ឋបាលថ្នាក់ក្រោមនិងក្រុមអ្នកកាសែតដែលជាប្រព័ន្ទផ្សព្វផ្សាយអំពីសកម្មភាពសង្គមពីមួយថ្ងៃទៅមួយថ្ងៃនោះនៅខណះពេលនោះដែរលោក ម៉ឹង វុទ្ធី ក៍ត្រូវបានផ្ទេភារកិច្ចឲ្យទៅកាន់តំណែងជាចៅហ្វាយស្រុកបន្ទាយស្រីហើយអ្នកដែលមកជំនួសជំនួយការលោកសូភិរិន្ទគឺលោកសុខថុលបច្ចុប្បន្ននេះ។
ចាប់ពីពេលលោកសុខថុលបានមកគាកលោកសូភិរិន្ទនោះមកឃើញថាអតីតការដឹកនាំចៅហ្វាយខេត្តបានធ្លាក់កូដ្ឋនិងមានបក្សពួកនិយមក៍ដោយសាតែជំនួយការលោកសុខថុលគិតតែពីអែមអបៗធ្វើឲ្យមន្ត្រីនៅក្នុងសាលាខេត្តមានការអាក់អន់ចិត្តចំពោះអភិបាលខេត្តហើយអ្នកកាសែតក៍មិនខុសពីមន្ត្រីសាលាខេត្តដែរពោលគឺការទំនាក់ទំនង់ព័ត៌មានបានធ្លាក់ចុះយ៉ាងគំហុកមិនដឹងថាលោកសុខថុលគាត់មានគំនិតអ្វីជាមួយអ្នកកាសែតទេទើបចាប់ពីពេលនោះមកអ្នកកាសែតមិនហ៊ានទៅក្បែរចៅហ្វាយខេត្តទេរហូតដល់សម័យលោកឃឹមប៊ុនសុងនេះ៕
