បុគ្គលិកអ្នកយកព័ត៌មានឱ្យកាសែតមនសិការខ្មែរម្នាក់ គ្រោងដាក់ពាក្យបណ្តឹងទៅតុលាការខេត្តបន្ទាយមាន ជ័យ ប្តឹង ចោទ ប្រកាន់ម្ចាស់បនល្បែងខុសច្បាប់ម្នាក់ នៅក្រុងប៉ោយប៉ែត ពីបទគំរាមកំហែង និងអំពើហិង្សា និងប៉ុនប៉ងធ្វើឃាតទៅលើអ្នកសារព័ត៌មាន ។
គួររំលឹកថា ម្ចាស់បទល្បែងនោះ ត្រូវគេស្គាល់ឈ្មោះថា អ៊ឹង ឈី ដែលជាស្តេចល្បែងយ៉ាងធំដុះស្លែមាន អំណាចខាង បិទមាត់សមត្ថកិច្ច ។ ជាក់ស្តែង កាលពីថ្ងៃទី១២កុម្ភៈ កន្លងមកនេះពេលដែលភ្នាក់ងារកាសែតខាងលើ បានបើករថ យន្តរបស់ខ្លួនទៅថតរូប និងយកព័ត៌មានត្រូវបានមេបនល្បែង និងបក្ខពួកបានកាក់មុខរថយន្តអ្នក កាសែត ហើយចុះ ទៅចាប់ក្របួចកអាវអ្នកកាសែត ទាញចេញពីក្នុងរថយន្ត និងគំរាមកំហែងដោយពាក្យសម្តីយ៉ាង ធ្ងន់ធ្ងរ និងប៉ុនប៉ង សម្លាប់អាយុជីវិតទៀតផង ដោយសារតែខ្លួន អ៊ឹង ឈី គឺជាស្តេចល្បែងយ៉ាងធំដុះស្លែប្រចាំប៉ោយ ប៉ែត ក្តៅក្រហាយ យ៉ាងខ្លាំងចំពោះអ្នកកាសែត ព្រោះខ្លួនបានចំណាយលុយបិទមាត់ក្រុមសមត្ថកិច្ចជាច្រើននាក់ គ្រប់ជាន់ថ្នាក់អស់ហើយ មិនគួរណាអ្នកកាសែតមកថតរូបបំបែកព័ត៌មានសោះ ។
ផ្ទុយទៅវិញការប្រើហិង្សាយ៉ាងកម្រោលពីសំណាក់ម្ចាស់បនល្បែងនៅក្រុង ប៉ោយប៉ែតប៉ុនប៉ងធ្វើឃាត បំបិទមាត់ ទៅ លើអ្នកយកព័ត៌មាននេះ កើតមានឡើងកាលពីព្រឹកថ្ងៃទី១២ខែកុម្ភៈ ឆ្នាំ២០១៤នៅលើកំណាត់ផ្លូវមួយកន្លែង កណ្តាល ក្រុងប៉ោយប៉ែត ខេត្តបន្ទាយមានជ័យ។
លោក អ៊ុង ថាប់រាំង ហៅ បារាំង ភ្នាក់ងារកាសែតមនសិការខ្មែរ បញ្ជាក់ថា នៅថ្ងៃទី១៤ កុម្ភៈ ថា កន្លងទៅថ្មីៗនេះ លោក បានសរសេរអត្ថបទព័ត៌មានមួយចុះផ្សាយពីការបើកបនល្បែងស៊ីសង ខុសច្បាប់ នៅក្នុងលំនៅឋានរបស់ បុគ្គល ឈ្មោះ អ៊ឹង ឈីៈ «ខ្ញុំមាន បំណងទៅជួបចៅសង្កាត់ផ្សារកណ្តាល ទេ ប៉ុន្តែពេលនោះខ្ញុំក៏បានទៅឈប់កន្លែង បទល្មើស របស់ លោក អ៊ឹង ឈី ហើយខ្លួនខ្ញុំហ្នឹងអត់បានទៅថតរូបភាពអីទេ នៅកន្លែងត្រង់នោះ គឺលោក សែម ចិន្តា ជាអ្នកថត ទេ ។ ហើយមិនដឹងជាមូលហេតុស្អីបានជាមេបនល្បែង អ៊ឹង ឈី គាត់ខឹង ព្រោះតែកន្លងមកខ្ញុំធ្លាប់ចុះផ្សាយគាត់ពីបទ ល្មើសហ្នឹង។ ទើបឃើញខ្ញុំ គាត់ក៏បើកឡានមកពាំងពីមុខខ្ញុំ។ ខ្ញុំចុចកញ្ចក់ចុះសួរគាត់ថា មានការអី? ស្រាប់តែគាត់ថា ហ៊ឺអញឈាមពេញភ្នែកអាបារាំង ស្រាប់តែក្របួចកអាវខ្ញុំ គាត់ថា ហ្អែងហ៊ានចុះផ្សាយអីហ្អែងរឿងជាមួយអញ»។
ពាក់ព័ន្ធនិងបញ្ហានេះជាការប្រើហិង្សា និងជាការគំរាមកំហែង និងបំបិទសិទ្ធិទាំងកម្រោលទៅលើអ្នកសារ ព័ត៌មាន ដែល ក្រុមអាជ្ញាធរ និងក្រសួងមហាផ្ទៃ មិនគួរមើលរំលងឡើយ។ តាមលោកបារាំង បានថ្លែងបន្តថា នៅដើមសប្តាហ៍ក្រោយនេះ លោកនឹងដាក់ពាក្យបណ្តឹងទៅតុលាការខេត្ត បន្ទាយ មានជ័យ ប្រឆាំងនឹងបុគ្គលឈ្មោះ អ៊ឹង ឈី នេះពីបទប៉ុនប៉ងធ្វើឃាត។
យោងតាមការឆ្លើយតបរបស់មេបនល្បែងជើងខ្លាំងតាមរយៈវិទ្យុអាស៊ីសេរី បានទូរស័ព្ទសុំការបញ្ជាក់ពី លោក អ៊ឹង ឈី ជុំវិញការប្រើអំពើហិង្សា និងគំរាមទៅលើអ្នកកាសែតនេះ ប៉ុន្តែបុគ្គលនេះបានបដិសេធថា ពុំបានប្រព្រឹត្តនោះឡើយ ។
ដោយឡែក ចាងហ្វាងកាសែតមនសិការខ្មែរ លោក ដាំ សិទ្ធិ ថ្លែងថា ក្រោយពីកើតហេតុភ្លាមៗ លោកបានអន្តរា គមន៍ ទៅសមត្ថកិច្ចកងរាជអាវុធហត្ថ អោយជួយចាត់ការតាមផ្លូវច្បាប់ ចំពោះបុគ្គលឈ្មោះ អ៊ឹង ឈី ដែលបានប្រើអំពើហិង្សា និងគំរាមទៅលើអ្នកកាសែត។ ប៉ុន្តែ សមត្ថកិច្ចកងរាជអាវុធហត្ថហាក់មានចេតនាការពារ ឈ្មួញល្បែងនោះ និងពុំបាន ចាត់វិធានការនោះឡើយៈ «រឿងនេះ ខ្ញុំសូមថ្កោលទោសយ៉ាងខ្លាំងទៅលើបុគ្គលឈ្មោះ អ៊ឹង ឈី យកតួនាទីខ្លួនឯង ទៅ ប្រើផ្ទុយពីផ្លូវច្បាប់នៅតាមទីធ្លាសាធារណៈ មកលើអ្នកសារព័ត៌មាន ប្រើអំពើកម្រោលចូលជួជាតិហ្នឹង អំពើឃោរ ឃៅ ព្រៃផ្សៃរបៀបហ្នឹងនៅតាមទីសាធារណៈ»។
បើតាមប្រភពពីប្រជាពលរដ្ឋនៅក្រុងប៉ោយប៉ែត បញ្ជាក់ថា លំនៅឋានរបស់ឈ្មោះ អ៊ឹង ឈី ជាកន្លែងបើកបន ល្បែងស៊ី សងយ៉ាងធំ នៅក្រុងប៉ោយប៉ែត។ បនល្បែងនេះត្រូវបានអ្នកក្រុងប៉ោយប៉ែតអះអាងថា មានជាប់ពាក់ព័ន្ធជាមួយមន្ត្រីសាលាក្រុងប៉ោយប៉ែត ថែមទៀតផង ជាខ្នងបង្អែក ទើបបានជាក្រាំងដុះស្លែបើកលេងធ្វើអាជីវកម្មយ៉ាងទ្រង់ទ្រាយធំដុះស្លែបែបនេះ ។
ឯចំណែកក្រុមអ្នកចូលទៅលេងល្បែងនៅទីនោះ មានទាំងមន្ត្រីសាលាក្រុងប៉ោយប៉ែត និងសមត្ថកិច្ចពាក់ព័ន្ធមួយចំនួន ទៀតផង ៖ «គោលដៅហ្នឹងជាកន្លែងប្រមូល ផ្គុំទៅដោយល្បែងស៊ីសងគ្រប់ប្រភេទ ដែលលេងភ្នាល់យ៉ាងខុសច្បាប់ ដូច គេចរាចរលាងលុយខ្មៅ និងលុយ គ្រឿងញៀនស៊ីសងចាញ់ឈ្មោះ ចាប់ពី ៥០-១០០ទៅ ១០០០ដុល្លារ មិនចាញ់ សម្បុកកាស៊ីណូ ស្របច្បាប់នូវក្រុងប៉ោយប៉ែតដែលបង់ពន្ធនោះទេ ! ។
ជាការគួរឱ្យភ្ញាក់ផ្អើលខ្លាំងនោះ គឺអាចពាក់ ព័ន្ ធធ្វើ មិនដឹងមិនឮពីចៅហ្វាយក្រុងផង ក៏អាចថា បានព្រោះរឿងអីដែលថា ក្រុងមិនដឹងនោះ បើទីទាំងល្បែងដ៏ធំ របស់ អ៊ឹង ឈី វានៅទល់មុខនឹងសាលាសង្កាត់ ហើយវាមានចម្ការមួយដែលសម្បូរទៅដោយក្រុមអ្នកមានអំណាច មាន លុយ ហើយ អ៊ឹង ឈី ហ្នឹងធ្លាប់អះអាងថា ខ្លួនជាមន្ត្រីកងរាជអាវុធហត្ថ ប៉ុន្តែមិនដឹងជានៅអង្គភាពណាទេ។ ជាពិសេស គឺនៅកន្លែងហ្នឹងអត់មានអ្នកណាហ៊ាន បង្ក្រាបទេ ដោយសារល្បែងអ្នកធំ ហើយមួយដៃចាប់ពី ៣ពាន់បាត ទៅ ៤ពាន់ បាតយ៉ាងតិច »។ ផ្ទុយទៅវិញលោកមេបញ្ជាការកងរាជអាវុធហត្ថខេត្តបន្ទាយមានជ័យ លោក ឱ បូរិន បានបដិសេធថា បុគ្គលឈ្មោះ អ៊ឹង ឈី ពុំមែនជាមន្ត្រីកងរាជអាវុធហត្ថនៅក្នុងខេត្តបន្ទាយមានជ័យ នោះឡើយ។
លោកបន្តថា ករណីបើកល្បែងស៊ីសងនៅលំនៅឋានរបស់បុគ្គលឈ្មោះ អ៊ឹង ឈី កន្លងមក លោកពុំបាន ទទួលព័ត៌មាន រាយការណ៍ឡើយ។ ទោះយ៉ាងនេះក្តី អ្នករស់នៅក្រុងប៉ោយប៉ែត បញ្ជាក់ថា លំនៅឋានរបស់ឈ្មោះ អ៊ឹង ឈី នេះបាន បើកបនល្បែងស៊ីសងយ៉ាងដុះស្លែយូរយារណាស់មកហើយពុំមាននរណាប៉ះពាល់ទេ ព្រោះតែ បុគ្គលឈ្មោះ អ៊ឹង ឈី ក៏មានទំនាក់ទំនងយ៉ាងជិតស្និទ្ធជាមួយមន្ត្រីសាលាក្រុងប៉ោយប៉ែត និងខ្នងធំពីក្រោយ។
អ្វីជាចម្ងល់នោះ គេឆ្ងល់ថា បើលោក ង៉ោ ម៉េងជ្រួន អភិបាលក្រុងប៉ោយប៉ែតអួតអាងពីខ្លួនស្អាតស្អំ និងមានកសែត កាងថា មិនពុករលួយហេតុម្តេចក៏ទុកសំបុកបទល្មើសរាប់ភ្លេចមានទាំងបនល្បែង របស់ អ៊ឹង ឈី នេះ ស្តែងប្រឆាំងទៅ និងគោលការណ៍របស់ក្រសួងមហាផ្ទៃ ទៅកើត ឬមួយក៏ អ៊ឺង ឈី ផ្តល់លាបសក្ការៈធំ ។
