នៅក្នុងដែនដីខេត្តមណ្ឌលគីរី កំពុងរងការកាប់រំលំព្រៃឈើប្រភេទឈើធ្នង់ដែលជាឈើប្រណិតស្ថិតនៅតំបន់ព្រៃការពារស្ទើរអស់ទៅ ហើយដោយ សារតែក្រុមឈ្មួញដែលមានខ្នងបង្អែករឹងមាំបានជម្រុញឱ្យអ្នកស្រុកចូលកាប់ យកមកលក់ឱ្យពួកគេ ដោយមិនខ្វល់ពី ការហិនហោចធនធានធម្មជាតិក្នុងខេត្តនេះឡើយ ហើយក្រុមអាជ្ញាធររបស់ខេត្តនេះមួយចំនួន ដែលជាមន្ត្រីជំនាញ ទំនង ងាប់ត្រគាក។
បច្ចុប្បន្ននេះគំនរឈើរាប់រយកំណាត់ត្រូវដឹកចេញពីព្រៃការពារមណ្ឌលគីរី WWF មកតម្រៀបគរលើគ្នា ដែលអាច និយាយបានថា ក្លាយជាទីតាំងដេប៉ូទិញលក់ឈើយ៉ាងស្របច្បាប់របស់ក្រុមហ៊ុនមេឈ្មួញទ្រី ភាព និងឈ្មួញទៅហើយ ។
ក្នុងការកាប់បំផ្លាញធនធានធម្មជាតិខាងលើនេះ ក្រុមអ្នកសង្កេតការណ៍យល់ថា កំពុងក្លាយជាឧក្រិដ្ឋកម្ម ព្រៃឈើ ដ៏ធំ មួយក្នុងព្រៃការពារ តើជាកំហុសរបស់អ្នកស្រុកទៅកាប់បំផ្លាញ ឬជាកំហុសរបស់ក្រុមឈ្មួញ ដែលជាអ្នកញុះ ញង់ឱ្យ ប្រជាពលរដ្ឋចូលទៅកាប់ព្រៃឈើ ? ឬមួយក៏ជាកំហុសរបស់ក្រុមមន្ត្រីអភិរក្សនោះ ?
ប្រជាពលរដ្ឋជាច្រើនបាននិយាយថាបើគ្មានអ្នកជម្រុញញុះញង់ បំផុសឱ្យទៅកាប់លក់ឱ្យពួកគេទេ គេមិនជឿថា អាចមាន ការ កាប់យ៉ាងរង្គាលបែបនេះដែរ ។ ឯគំនរឈើទាំងនេះ បានកាប់ដឹកជញ្ជូនចេញពីតំបន់អភិរក្សខាងលើ ក្នុងខេត្តមណ្ឌល គីរី មានដូចជា ស្រុកកោះញែក ស្រុកពេជ្រដា និងស្រុកអូររាំង ជាដើម ។
ប្រភពពីប្រជាពលរដ្ឋទាំងនោះបានអះអាងថា មានមេការរបស់ក្រុមហ៊ុនទ្រីភាព ម្នាក់ដែលគេស្គាល់ច្បាស់ថា ឈ្មោះ គា ដែល មានកេរ្តិ៍ឈ្មោះដ៏ល្បីល្បាញគ្រន់បើដែរ គឺជាមេក្លោងអុជអាលប្រជាពលរដ្ឋឱ្យមានការចូលទៅកាប់ ក្នុងតំបន់ព្រៃ ការពារ ។ ហើយក៏គ្មានមន្ត្រីជំនាញណាហ៊ានក្អកឡើយ ។
មេការក្រុមហ៊ុនមេឈ្មួញទី្រ ភាព រូបនោះ ក៏បានជម្រុញឱ្យមន្ត្រី សមត្ថកិច្ចជាច្រើនងងឹតភ្នែកអស់ មើលលែងឃើញពីភាពមហន្តរាយព្រៃ ឈើ ដែលគេសង្ស័យថា ដោយសារតែផល ប្រយោជន៍របស់ខ្លួនធំជាងការកាប់បំផ្លាញឈើនោះ ។ នៅក្នុងព្រៃការពារនាពេលបច្ចុប្បន្នដើមធ្នង់ នាងនួន បេង ស្ទើរតែអស់ទៅ ហើយ ក្លាយជាព្រៃរិចរិល សូម្បីឈើច្បោះដងជ័រចុងរបស់អ្នកស្រុកដែលពួកគាត់តែងទទួលបាន ចំណូលខ្លះ សម្រាប់ ចិញ្ចឹមជីវិតពីការលក់ជ័រ ក៏ត្រូវពួកឈ្មួញជម្រុញឱ្យកាប់ផ្តួលរំលំដោយគ្មានសំណងអ្វីទាំងអស់ ។
ផ្ទុយទៅវិញចំណែកក្រុមរដ្ឋបាលព្រៃឈើ ដែលមានមូលដ្ឋានក្នុងឃុំ-ស្រុកខាងលើ ពេលសួរនាំម្តងៗអស់លោកនិយាយ ថា មន្ត្រីរដ្ឋបាលព្រៃឈើមានគ្នាតិច ចំណែកទីតាំងធ្វើសកម្មភាពកាប់បំផ្លាញព្រៃឈើរបស់ក្រុមឈ្មួញ មានច្រើនកន្លែង ។ មន្ត្រីទាំងនោះ និយាយថា ទម្រាំទៅដល់ត្រូវបែកការណ៍អស់ទៅហើយ ។ ម៉្យាងវិញទៀត បើទៅដល់ភាគច្រើន ជួប តែអ្នកស្រុកក្នុងភូមិកំពុងអារឈើបីបួនដុំប៉ុណ្ណោះឯទ្រង់ទ្រាយធំ គឺគ្មានទេ ។ ប៉ុន្តែបែរជាវាលព្រៃដែលការពារ ដោយ ព្រះ រាជក្រឹត្យអស់ ។
ប្រភពខាងលើបានបញ្ជាក់ទៀតថា គេឃើញតែមេការ ទ្រី ភាព ដើរប្រមូលឈរចាំទិញយកឈើ ពីបទល្មើសព្រៃឈើ យ៉ាងច្រើនសន្ធឹកសន្ធាប់ដោយ ដឹកយកធ្វើអាជីវកម្ម ទៅលក់នៅព្រំដែនវៀតណាម យ៉ាងមមាញឹកបំផុត ។ ហើយដែល បញ្ហានេះក៏ទាមទារឱ្យមេរដ្ឋបាលព្រៃឈើ ភ្នំពេញ ឆេង គឹមស៊ុន គួរតែចុះពិនិត្យពីលើជំនាញផង ព្រោះទំនងបែបពួកនោះ ងងឹត ភ្នែកដោយសារមេការដ៏មានអំណាច របស់ឧកញ៉ា ទ្រី ភាព ឈ្មោះ គា ធ្វើឱ្យពុលអស់ហើយ ។ ឯក្រុម អាជ្ញាធរវិញ ទំនង ស៊ីឡាក់សកម្មភាពកំណែទម្រង់ ប្រយោលនេះដែរ ហើយមិនគួររដ្ឋមន្រ្តីក្រសួងកសិកម្ម អ៊ុក រ៉ាប៊ុន មើលរំលងបញ្ហា នេះទេ។
