ខេត្តបន្ទាយមានជ័យ ៖ ការនាំចូលផលិតផលនានាពីប្រទេសថៃចូលមកកម្ពុជា មិនបានបង់ពន្ធជូនរដ្ឋដែលគេហៅថា ទំនិញគេច ពន្ធនោះ បានធ្វើចរាចររៀងរាល់ថ្ងៃ ដោយមានការ ឃុបឃិតរវាង សមត្ថកិច្ចជំនាញដែលឈរជើង នៅតាមបណ្តាប៉ុស្តិ៍ច្រករបៀង នានា ជាមួយឈ្មួញធ្វើឱ្យរាជ រដ្ឋាភិបាលបានបាត់ចំណូល យ៉ាងច្រើនក្នុងមួយឆ្នាំៗរាប់ រយលានដុល្លារអាមេរិក ដោយសារតែមន្ត្រីរបស់រាជ រដ្ឋាភិបាលបានយកប្រាក់ទាំងអស់នោះដាក់ចូលហោប៉ៅ ផ្ទាល់ខ្លួនជាពិសេសគឺលោក សូរ ចាន់ណារី ពូកែពុករលួយរហូតក្លាយជាអ្នកមានស្តុកស្តម្ភ ។
លោក សូ ចាន់ណារី ជាមេបញ្ជាការវរៈសេនាតូច នគរបាលការពារព្រំដែន លេខ៩១១ ដែលមានទីតាំងឈរជើងចាប់ពី ការិយាល័យទំនាក់ទំនងព្រំដែនចាស់ រហូតដល់ច្រកបឹងសាគូ មានអំណាចបង្កើតច្រករបៀងខុសច្បាប់ចំនួន ១១កន្លែង ដើម្បីសម្របសម្រួលឲ្យក្រុមឈ្មួញ ដឹកជញ្ជូនទំនិញគេចពន្ធ និងទំនិញខុសច្បាប់ ឆ្លងកាត់ព្រំដែន និងជាតំបន់ក្តៅ សម្រាប់មេខ្យល់ លួចនាំពលករឆ្លងដែន ទៅរកការងារធ្វើនៅស្រុកថៃ ហើយគេឆ្ងល់ថា ស្នងការនគរបាលខេត្តបន្ទាយមានជ័យ សឹងគ្រប់ជំនាន់ មិនដែលហ៊ានហើបមាត់ ជាមួយលោក សូ ចាន់ណារី ម្តងណាឡើយ។
ដោយឡែកមានការនាំចូល ទំនិញគេចពន្ធ និងទំនិញខូចគុណភាព ខុសច្បាប់គ្រប់ប្រភេទ ពីស្រុកថៃ ចូលមកប្រទេសកម្ពុជា តាមបណ្តាច្រករបៀង ក្នុងភូមិសាស្ត្រ ខេត្តបន្ទាយមានជ័យ ពិសេសច្រកបៀងទាំង ១១ កន្លែង ដែលគ្រប់គ្រងដោយលោក សូ ចាន់ណារី បានឃុបឃិតជាមួយ ពួកឈ្មួញទុច្ចរិត ប្រព្រឹត្តអំពើពុករលួយ បើកដៃឲ្យមានការនាំចូល ទាំងយប់ទាំងថ្ងៃ ធ្វើឱ្យបាត់បង់ចំណូលរដ្ឋ យ៉ាងច្រើនសន្ធឹកសន្ធាប់។ ក្រៅពីនាំចូលទំនិញគេចពន្ធ ទំនិញខូចគុណភាព លោក សូ ចាន់ណារី បានបើកច្រកយុទ្ធសាស្ត្រ សម្រាប់នាំចេញ និងវិលត្រឡប់ នូវពលករខ្មែរ ដែលឆ្លងដែនខុសច្បាប់ ទៅធ្វើការនៅប្រទេសថៃ និយាយរួម ដូចទ្រូប្រើសពីរ ទាំងឡើងទាំងចុះ លោក សូ ចាន់ណារី ត្រូវប៉ាន់ដូចគ្នា ។
ប្រភពដដែលបានបន្តឱ្យដឹងទៀតថាដោយសារអំណាច លោក សូរ ចាន់ណារី ជាមេបញ្ជាការវរៈការពារព្រំដែន លេខ ៩១១ បានបើកដៃដោយចំហរ ឱ្យឈ្មួញនាំចូលទំនិញគេចពន្ធ សព្វសារពើចូលមកកម្ពុជា ដោយបង់ពន្ធចូលរដ្ឋប្រមាណ តែ ៥ ភាគរយស្របពេលដែលប្រទេសកំពុងជាប់គាំងខាងផ្នែកនយោបាយជាមួយបក្សប្រឆាំងដែលជាឱកាសដ៏គាប់ ប្រសើរ ចំពោះ សមត្ថកិច្ចជំនាញនានា ដែល នៅប្រចាំការតាមប៉ុស្តិ៍ទាំង ៩កន្លែងនោះ បង្កើតអំពើស៊ី សំណូកសូកប៉ាន់ពុករលួយ សម្រាប់ប្រមូលប្រាក់ចូលហោប៉ៅបុគ្គលនិងបក្ខពួក និងក្រុមគ្រួសារតែប៉ុណ្ណោះ រីឯថវិកាជាតិវិញបានត្រូវខាតបង់ជារៀងរាល់ថ្ងៃផង ដែរ ។
ថ្មីៗនេះរបបយោធាថៃ ដឹកបញ្ជូនពលករ មកស្រុកកំណើតវិញ តាមច្រកប៉ោយប៉ែត គួរឲ្យអាម៉ាស់បំផុតនោះ មន្ត្រីជាន់ខ្ពស់មួយចំនួន បានទទួលស្គាល់ថា បញ្ហាកើតឡើងដោយសារ គំនិតពុករលួយ របស់លោក សូ ចាន់ណារី ដែលឃុបឃិតឲ្យមេខ្យល់ នាំពលករឆ្លងដែនដោយខុសច្បាប់ យ៉ាងអនាធិបតេយ្យបំផុត ហើយកន្លងមកពលករខ្មែរជាច្រើន បានរងគ្រោះថ្នាក់ ឬត្រូវសមត្ថកិច្ចថៃ ចាប់ឃុំខ្លួន ធ្វើទារុណកម្ម រហូតដល់ពលករខ្លះទៀត ជាន់មីនផ្ទុះរងរបួស សុទ្ធតែលួចឆ្លងដែន តាមច្រករបៀង ដែលកាន់កាប់ដោយលោក សូ ចាន់ណារី។ ពោលគឺលោក សូ ចាន់ណារី មានអំណាចប្រព្រឹត្តអំពើពុករលួយ តាំងពីជំនាន់លោក ខេង ស៊ុម ធ្វើជាស្នងការ រហូតដល់ លោក អាត់ ខែម គេមិនដែលឃើញថ្នាក់លើ កោះហៅលោក សូ ចាន់ណារី ទៅដាក់ពិន័យម្តងណាឡើយ។ ពិតជាឡូយមែនលោកសូ ចាន់ណារី (សូមរង់ចាំអានភាគបន្តទៀត) ។
