សព្វថ្ងៃនេះគេសង្កេតឃើញ មានឈើគ្រញូង ខុសច្បាប់ ពលករ និងទំនិញខុសច្បាប់ ត្រូវក្រុមឈ្មួញខិលខូច នៅតែបន្តលួចនាំពីថៃ ចូលមកក្នុងទឹកដី ខេត្តបន្ទាយមានជ័យដោយគ្មានស្ថាប័នសមត្ថកិច្ចពាក់ព័ន្ធនិងអ្នកមានអំណាច ដែលឈរជើងនៅតាមក្រវាត់ព្រំដែនកម្ពុជា ថៃ បង្ក្រាបឡើយគឺនៅតែបន្តសកម្មភាពបើកភ្លើងខៀវ ឲ្យក្រុមឈ្មួញខិលខូចលួចនាំឈើគ្រញូងពីថៃ ចូលមកកម្ពុជា តាមច្រករបៀងដោយខុសច្បាប់ ក្នុងទឹកដីខេត្តបន្ទាយមានជ័យ យ៉ាងគគ្រឹកគគ្រេងដដែររហូតដល់លោក ឈិត លីនិងសាច់ញ្ញតិរបស់គាត់លោក អឿម ប៊ុនធឿន ហៅម៉ាប់មេប៉ុស្តិ៍៩៣ប្រមូលលុយពីល្មើសទាំងនោះក្លាយជាអ្នកមានស្តុកស្តម្ភ ។
តាមប្រភពបានឲ្យដឹងថា ឈើគ្រញូងនាពេលបច្ចុប្បន្ន ត្រូវបានក្រុមឈ្មួញលួចនាំឆ្លងដែន តាមច្រករបៀងដោយខុសច្បាប់ពីថៃ ចូលមកក្នុងស្រុកយ៉ាងគគ្រឹកគ្រេង ស្ទើររាល់យប់នោះ មានដូចជា.១ច្រករបៀងទន្សាយអើត .២ច្រកខ្លាងាប់ .៣ច្រកអូរសំព័រ .៤ច្រក៩៣ នេះតែម្តង។ ច្រករបៀង ខាងលើនេះស្ថិតក្នុងទឹកដីស្រុកម៉ាឡៃ ខេត្តបន្ទាយមានជ័យ និងមានការគ្រប់គ្រងដោយ លោក ឈិត លី ជាមេបញ្ជាការ វរការពារព្រំដែនគោកលេខ៨១៥ ។
តាមប្រភពខាងលើបានបញ្ជាក់ឲ្យដឹងយ៉ាងច្បាស់ថា ច្រករបៀងខុសច្បាប់ទាំងអស់ខាងលើ ត្រូវបានក្រុមសមត្ថកិច្ចស្ថាប័នពាក់ព័ន្ធ ដែលឈរជើងនៅតាមក្រវាត់ព្រំដែនគោក មានព្រំប្រទល់ជាប់ព្រំដែនកម្ពុជា ថៃ នោះបានឃុបឃិតគ្នា ជាមួយក្រុមឈ្មួញ ខិលខូចជាច្រើននាក់ បានបើកភ្លើងខៀវ ឲ្យពួកគេលួចនាំទំនិញគេចពន្ធសព្វសារពើ និងរួមទាំងឈើគ្រញូងខុសច្បាប់ពី ស្រុកថៃ ចូលមកកម្ពុជាផងដែរ ពលករ ទូរទស្សន៍ ហ្កាសធុងតូច ធំ ។ល។ មិនតែប៉ុណ្ណោះ ពួកគេបានអនុញ្ញាតឲ្យក្រុមមេខ្យល់ លួចនាំមនុស្សឆ្លងដែន ទៅលក់កម្លាំងពលកម្មនៅក្នុងទឹកដីថៃ ដោយខុសច្បាប់ថែមទៀតផង ដោយមិនគិតពីសុវត្ថិភាពរបស់ ពួកគាត់ ដែរជាពលរដ្ឋខ្មែរ ។
ដូចជាករណីជាក់ស្តែងនៅថ្ងៃទី២៨ ខែសីហា នៅចំណុចប៉ុស្តិ៍៩៣ ក្នុងស្រុកម៉ាឡៃ ខេត្តបន្ទាយមានជ័យ មានករណីលួចនាំពលករទាំងយប់ ហាក់បីដូចជាចោរលួចឆ្លងដែន ការនាំទំនិញខោអាវគីប កន្លងមកក៏ធ្លាប់ នាំលួចចេញឈើគ្រញូងផងដែរ ដោយបើកភ្លើងខៀវ ពីលោកមេប៉ុស្តិ៍៩៣ ចំណុចវរការពារព្រំដែនគោកលេខ៨១៥ គ្រប់គ្រោងដោយលោក អឿម ប៊ុនធឿន ហៅម៉ាប់ ជាបុគ្គល ម្នាក់ត្រូវជាបងប្អូនជីដូនមួយ របស់លោក ឈិត លី ជាមេបញ្ជាការវរការពារព្រំដែនគោក លេខ៨១៥ ផងដែរ ធ្វើមានអំណួតអួត អាងមិនខ្លាចក្រែងអ្នកណា ។
លោកមេប៉ុស្តិ៍៩៣ អឿម ប៊ុនធឿន ហៅ ម៉ាប់ នេះ ក៏ធ្លាប់ស្រែកគម្រាមអ្នកសារព័ត៌មាន មិនអនុញ្ញាតចូលទៅចំណុច កន្លែង មាត់ព្រំដែនផងដែរ តែបើចង់ចូលមើល ទាល់តែទុកកាមេរ៉ា នៅកន្លែងប៉ុស្តិ៍ ចំណែកឯកូនចៅរបស់លោក អឿន ប៊ុនធឿន វិញ គឺជាក្មេងៗទំនើង ស្រែកដាក់អ្នកសារព័ត៌មានចាស់ដៃផងដែរ។
សកម្មភាពបទល្មើស ដែលកើតមានយ៉ាងអនាធិបតេយ្យទាំងអស់ខាងលើនោះ គ្មានអ្នកបង្ក្រាបឡើយ ពីព្រោះទង្វើខាងលើនេះ ជាឆ្នាំងបាយរបស់ពួកគេ ដូច្នេះសូមថ្នាក់ដឹកនាំ គួរចាត់វិធានការទប់ស្កាត់ ឲ្យបានទាន់ពេលវេលាផង ។
ជុំវិញបញ្ហាទាំងអស់នេះ សមត្ថកិច្ចពាក់ព័ន្ធ ដែលឈរជើងនៅតាមក្រវាត់ព្រំដែនគោក ជាប់ព្រំដែនកម្ពុជា ថៃ ក្នុងភូមិសាស្ត្រ ខាងលើនោះ មិនអាចសុំការបំភ្លឺបានទេ ពីព្រោះមិនមានលេខទូរស័ព្ទ ទំនាក់ទំនងជាមួយមេបញ្ជាកា៕
