ព្រះវិហារៈ ពេលថ្មីៗនេះប្រជាពលរដ្ឋនិងប្រជាសហគមន៏ជាច្រើនក្នុងខេត្តព្រះវិហារបានប្រត្តិកម្មជាខ្លាំងចំពោះឈ្មោះ ឈឿន សំណាង ដែលគេដឹងថាជាមេឈ្មួញឈើដ៏មហិមាដែលអាងអំណាចលោក ឧកញ៉ា ទ្រី ភាព ទៅគំរាមសមត្ថកិច្ចមិនឲ្យបង្រ្កាបឡើយ។
ជាក់ស្តែងជាងនេះទៅទៀត លោក ឈឿន សំណាង កំពុងឲ្យប្រជាពលរដ្ឋរស់នៅស្រុកឆែប ស្រុកជ័យសែន ស្រុករវៀង និងស្រុកត្បែងមានជ័យ សម្រុកកាប់ឈើគ្រប់ប្រភេទដូចជា ឈើសុក្រម ផ្ចិត នាងនួន បេង ធ្នង់។ល។
តាមការសាកសួរពីប្រជាពលរដ្ឋនៅជិតតំបន់នោះបានប្រាប់ថា ពិតជាមានការកាប់បំផ្លាញព្រៃឈើនៅក្នុងទឹកដីខេត្តព្រះវិហារខ្លាំងមែន ដោយមានមេការនឹងមេឈ្មួញឈ្មោះ ឈឿន សំណាង បានបញ្ជាឲ្យពួកគាត់ចូលព្រៃដើម្បីកាប់ឈើយកមកលក់ឲ្យដែលធ្វើឲ្យព្រៃឈើវិនាសមហន្តរាយស្ទើររលាយទាំងស្រុង។
ប្រជាពលរដ្ឋដែលជាសហគមន៏សូមសំណូមពរឲ្យលោក អភិបាលខេត្តក៏ដូចជាជំនាញព្រៃឈើខេត្តព្រះវិហារជួយទប់ស្កាត់បទល្មើសព្រៃឈើផង។ ហើយកុំបិទបាំងឲ្យឈ្មោះ ឈឿន សំណាងនេះធ្វើស្រេចតែចិត្តនោះ ហើយសូមឲ្យឯកឧត្តមទេសរដ្ឋមន្រ្តី ប្រធានអង្គភាពប្រឆាំងអំពើពុករលួយតាមដានមើលសមត្ថកិច្ចពាក់ពន្ធ័ផងចំពោះការមិនបង្រ្កាបបទល្មើសព្រៃឈើ ចំពោះលោក ឈឿន សំណាង ដែលយកឈ្មោះ ឧកញ៉ា ទ្រី ភាព ទៅប្រើ។
ប្រជាពលរដ្ឋសង្ឃឹមថា បន្ទាប់ពីសារព័ត៌មានចាប់ដៃចេញផ្សាយហើយមុខជាសមត្ថកិច្ចជំនាញនិងលោកអភិបាលខេត្តចាត់វិធានការទប់ស្កាត់ហើយ។ តែបើមិនទប់ស្កាត់ទេប្រាកដជាត្រូវវិនាសព្រៃឈើហិនហោចអស់ហើយឫមួយក៏សមត្ថកិច្ចគ្រប់ផ្នែកបានលាភសក្ការៈពីលោក ឈឿន សំណាង ហើយមើលទៅ។
