បន្ទាយមានជ័យ៖ប្រភពរាយការណ៍ពីមន្ត្រីតូចតាចបានឱ្យដឹងថា លោក យិន ប្រសិទ្ធ ត្រូវបានឲ្យដឹកនាំកម្លាំងនគរបាលសេដ្ឋកិច្ចក្រសួងមហាផ្ទៃឱ្យចុះធ្វើការស្រាវជ្រាវបទល្មើសសេដ្ឋកិច្ច ក្នុងខេត្តចំនួន៣ គឺ បន្ទាយមានជ័យ សៀមរាប និង ឧត្តរមានជ័យ។ ហើយលោក យិន ប្រសិទ្ធបានចាត់តាំងមន្ត្រីនគរបាលក្រោុមឱវាទរបស់ខ្លួន អោយធ្វើការគ្រប់គ្រង និង ដឹកនាំកម្លាំងចុះបំពេញភារកិច្ចជាច្រើនឆ្នាំទៅហើយពោលគឺឡើងដុះស្លែ សូម្បីតែអ្នកណាក៏មិនអាចធ្វើការប្រជែងយកតំណែងប៉ុស្តិ៏ខ្លាញ់នេះពី លោក យិន ប្រសិទ្ធ បានដែរ។
ប្រភពបាននិយាយថាលោកហុកចិន្ត្រាក៏បានបង្កើតប៉ុស្ដិ៍ជជុះនៅពេលយប់ជាច្រើនកន្លែងជាពិសេសគឺ នៅតាមបណ្តោយផ្លូវជាតិសំខាន់ៗមកកាន់រាជធានីភ្នំពេញនិងខេត្តសៀមរាបដើម្បីចាំកាក់រថយន្តដឹកទំនិញនិងរថយន្តដឹកឈើឆ្លងកាត់ឲ្យចូលបង់លុយតាមរបៀបពុករលួយ។
ហើយជាគោលការណ៍របស់ក្រសួងមហាផ្ទៃតួនាទីនគរបាលសេដ្ឋកិច្ចគឺចុះធ្វើការស្រាវជ្រាវបង្ការទប់ស្កាត់ និង បង្ក្រាបអំពើរត់គេចពន្ធគ្រប់ប្រភេទ។ ប៉ុន្តែ លោក យិន ប្រសិទ្ឋ បែរជាយកអំណាចលិខិតបេសកកម្មទៅធ្វើជាសែកសំរាប់បើកលុយពីពួកឈ្មួញរកស៊ីដឹកទំនិញនិងដឹកជួនឈើប្រណិតខុសច្បាប់ដែលឆ្លងកាត់ទឹកដីខេត្តបន្ទាយមានជ័យយ៉ាងកាក់កប់ទៅវិញជាការផ្ទុយទៅនិងបទបញ្ជាថ្នាក់លើ។
ពលរដ្ឋជាច្រើនបានសង្កេតឃើញថា ទំនិញនាំចូលពីប្រទេសថៃជាច្រើនមុខមាន ទាំងស្របច្បាប់ និង ខុសច្បាប់ត្រូវបានពួកឈ្មួញនាំចូលយ៉ាងគគ្រឹកគគ្រេងតាមច្រករបៀង និង ច្រកអន្តរជាតិជាច្រើនកន្លែងក្នុងខេត្តបន្ទាយមានជ័យរៀងរាល់យប់-ថ្ងៃដូចជាម៉ូតូគេចពន្ធគ្រឿងឧបភោគបរិភោគគ្រឿងទេសទំនិញចាប់ហួយគ្រឿងបន្លាស់រថយន្តគ្រឿងបន្លាស់ម៉ូតូគ្រឿងកំប៉ុងជ្រូកក្រហមមាន់ថៃ និង នៅមានទំនិញផ្សេងៗជាច្រើនមុខទៀតដែលទាំងនេះគឺជាប្រភពចំណូលដ៏ធំរបស់លោក យិន ប្្រសិទ្ធ សំរាប់ប្រមូលយកទៅធ្វើមានបានផ្ទាល់ខ្លួន និងសំរាប់ បង់ថ្លៃទិញប៉ុស្តិ៏ពី លោក យិន ប្រសិទ្ធិ ៕
ក្រុមអ្នករកស៊ីបានលួចបង្ហើបថាក្រុមប៉ូលីសសេដ្ឋកិច្ចដែលទទួលបន្ទុកនៅខេត្តទាំងពីរខាងលើគឺនៅក្រោមឱវាទរបស់លោក យិន ប្រសិទ្ធិមេប៉ូលិសសេដ្ឋកិច្ចទទួលផែនទប់ស្កាត់បទល្មើសសេដ្ឋកិច្ចថ្នាក់ក្រសួង។ ប្រភពបន្តថា ក្រុមប៉ូលីសសេដ្ឋកិច្ចខាងលើបានដាក់កុងត្រូលជជុះគ្រប់ច្រក ល្ហកក្នុងការដេញប្រមាញ់អ្នករកស៊ីខុសច្បាប់យកលុយដាក់ហោប៉ៅ និងសន្សំទុកបង់ជូនថ្នាក់លើផង ដើម្បីរក្សាតំណែងនិងទួនាទីរបស់ខ្លួន។
ក្រុមប្រជាពលរដ្ឋនៅខេត្តបន្ទាយមានជ័យ និងខេត្តបាត់ដំបងបានធ្វើការរិះគន់ធ្ងន់ៗថា ក្រុមលោក យិន ប្រសិទ្ធ ដាក់ កុង ត្រូល ជជុះជាច្រើនកន្លែងក្នុងខេត្តបន្ទាយមានជ័យ នេះមិនមែនចាំបង្រ្កាប បទល្មើសតាមផ្លូវច្បាប់នោះទេ គឺដាក់កុងត្រូវចាំគាបយកលុយចែកគ្នាចាយតែប៉ុណ្ណោះដែលជាហេតុធ្វើអោយអ្នករកស៊ីខុសច្បាប់កាន់តែកើនឡើងជារៀងរាល់ថ្ងៃដែលជាហេតុធ្វើអោយបាត់បង់ថវិការចំណូលរបស់រដ្ឋ។
ក្រុងប្រជាពលរដ្ឋសូមអោយលោក ស ខេង មេត្តត្រួតពិនិត្យមើលក្រុមប៉ូលីសសេដ្ឋកិច្ចខាងលើផងព្រោះហាក់ដូចជាកំពុងតែ បង្ករព្យុះភ្លៀងស្រេចតែអំពើចិត្តឥតមានការកោដក្រែងដល់ថ្នាក់ លើនោះទេ។
ពាក់ព័ន្ធនិងការចោទប្រកាន់ខាងលើនេះអ្នកយកព័ត៌មានយើងពុំទាន់អាចសុំការបំភ្លឺពីលោក យិន ប្រសិទ្ធ បានទេព្រោះមិនមានលេខទូរស័ព្ទសំរាប់ធ្វើការទំនាក់ទំនង៕ 
