កាលពីថ្ងៃទី២៦ ខែ វិច្ឆិកា ឆ្នាំ ២០១៤ វេលាម៉ោង ៤. ៣០ រសៀល នៅឯទីស្នាក់ការក្លឹបអ្នកកាសែតឯករាជ្យដឹកនាំដោយលោក ប្រធាន ហ៊ុន សុខា នឹង គណៈកម្មាធិការនាយក បានរៀបចំធ្វើពិធីជួយឧបត្ថម្ភលុយជូនដល់លោក ជា ម៉ាប់ អ្នកយកព័ត៌មាន ឲ្យសមាគមសារព័ត៌មានឃ្លាំមើលកម្ពុជា ចំនួន ៣០០ ដុល្លា សំរាប់យកទៅជួយផ្គត់ផ្តង់ជីវភាពគ្រួសារក្រោយពី លោក ជា ម៉ាប់ ត្រូវអាជ្ញាធរខេត្តក្រចេះបានដោះលែង ពីការចោទប្រកាន់នឹងទំលាក់កំហុសពីសមត្ថកិច្ចរកស៊ីកាងបទល្មើសព្រៃឈើក្នុងស្រុកស្នូលខេត្តក្រចេះ ហើយត្រូវជួបប្រទះ នូវ ការរងទុក្ខលំបាកវេទនា ក្នុងក្រុមគ្រួសារ។
លោក ហ៊ុន សុខា ប្រធានក្លឹបអ្នកកាសែតឯករាជ្យ តែងតែមានទឹកចិត្តសន្តាសប្រណីមេត្តាជួយដល់អ្នកដែលជួបការរងទុក្ខលំបាក នឹងរងនូវអំពើអយុត្តិធម៌ក្នុងសង្គមផ្សេងៗ លោកប្រធាន តែងតែចុះជួយដល់ប្រជាពលរដ្ឋក្រីក្រលំបាកលំបិន ជួយសាងសង់ផ្ទះជូនដល់អ្នកក្រីក្រ ចាស់ជរា នឹងជួយចូលរួមចំណែកក្នុងការកាត់បន្ថយភាពក្រីក្រជាមួយរាជរដ្ឋាភិបាលផងដែរ។
លោក ជា ម៉ាប់ មានទឹកចិត្តរំភើបនឹងសប្បាយរីករាយយ៉ាងខ្លាំងក្រោយពីបាន ទទួលអំណាយជួយឧបត្ថម្ភ ពី លោកប្រធានក្លឹបអ្នកកាសែតឯករាជ្យហើយគាត់ថ្លែងអំណរគុណយ៉ាងជ្រាលជ្រៅដល់ លោកប្រធាន ដែលមានទឹកចិត្តស្រឡាញ់អាណិតមេត្តាដល់គ្រួសារ របស់គាត់ ដែលកំពុងជួបការលំបាកនេះ។
