បែកធ្លាយអំពើស្អុយរលួយយ៉ាងគក្រុកចេញពីមេគុកខេត្តក្រចេះថា គ្រឿងញៀនកំពុងតែចរាចរយ៉ាងជិះ សេះលែងដៃយ៉ាងពេញបន្ទុកព្រមទាំងអំពើអមនុស្សធម៌ ស្ទើរ គ្រប់បែបយ៉ាងបានកើតមានទៅលើក្រុមអ្នកទោស ដែលក្រុម សិទ្ធិមនុស្សក្នុងប្រទេសកម្ពុជា និងមេគុកថ្នាក់ជាតិ គួយ ប៊ុនសន មិនគួរមើលរំលងបញ្ហាអសមត្ថភាព និង កំពូលពុក រលួយរបស់មេគុកខេត្តក្រចេះ ខ្វាម សារ៉ន ឡើយ ។
មិនតែប៉ុណ្ណោះភាពមិនប្រក្រតីជាច្រើនត្រូវបានបែកធ្លាយយ៉ាងអសកម្មជាច្រើនចំណុចដូចជា ៖
១-ឱ្យអ្នកទោសប្រើប្រាស់ គ្រឿងញៀនយ៉ាងអបាយមុខ ដើម្បីបានថ្នូរជាលុយកាក់ ។
២-បានឃុបឃិតឱ្យអ្នកទោសប្រើ ទូរស័ព្ទដល់ទៅប្រមាណ ៨០% ក្នុងចំណោមជាប់គុកជាង ២០០នាក់ ។
៣-ក្រុមឆ្មាំគុកដូចមានឈ្មោះនាយទិត្យ និងនាយឆាយ គឺជាជននាំភ្លើងទិញទូរស័ព្ទ ទំនើប និងមធ្យមអន់ និងគ្រឿងញៀននាំចូលទៅឱ្យ ក្រុមអ្នកទោសលក់ ចរាចរយ៉ាង ពេញទាំង ១៤បន្ទប់រួម (បន្ទប់ប្រុស ១២)និងបន្ទប់ស្រី ២។
៤-មេក្លោងជាមន្ត្រីប៉ូលិសទណ្ឌិត ហៅថា ជាឆ្មាំគុក ឬនាយគុក នាយទិត្យ និងនាយឆាយ នោះគឺជាមេក្លោងនាំចូលគ្រឿងញៀនពីខាងក្រៅមកឱ្យមេគ្រឿង ញៀន ៣នាក់ ក្នុងគុកជាអ្នកលក់បន្ត។
៥-មេគ្រឿងញៀន ៣នាក់ធំៗ ដែលគេហៅថា ជាមេក្លោងជាអ្នកទទួល គ្រឿងញៀនពីមន្ត្រីប៉ូលិស ជានាយគុកនោះ មានឈ្មោះ ណែម, សុនា, ឈ្មោះ សៀម ធាន និង ឈ្មោះ ហាក់ សុធិ ។
៦-មេគ្រឿងញៀនទាំង ៣នេះ មានកូនជឹង (កូនកញ្ច្រែង)ចែកចាយគ្រឿងញៀនលក់បន្ត និងប្រមូលលុយ ពីអ្នកជក់គ្រឿងញៀនទាំង ១៤បន្ទប់នេះ មានឈ្មោះ គង់ រិទ្ធ, ឃុត សុខឃ្លី, សយ ថា និងក្រូច សូ ។
ដូចជា ៧-ចំណោមអ្នកជក់គ្រឿងញៀនជាង ១០០នាក់ ស្មើឱ្យ ៨០% អ្នកគុកនោះស្នើនឹង (អ្នកទោស)ចំនួនជាង ២០០នាក់ នោះបានចំណាយលុយជក់ គ្រឿងញៀន ក្រោមលេសធ្វើទារុណកម្មឱ្យទិញជក់គ្រឿងញៀន ( អ្នកអត់ទិញត្រូវគេយក លេសវាយតប់រាល់ថ្ងៃ)ហើយឯអ្នកទិញវិញរួចខ្លួន ត្រូវចំណាយទឹកលុយ ១០០០-២០០០ដុល្លារ ជាមធ្យម ។
៨-ការចំណាយលុយទិញគ្រឿងញៀន និងការចំណាយលុយទាក់ទងតាមរយៈទូរស័ព្ទចេញក្រៅ (ទិញទូរ ស័ព្ទពីនាយគុកហើយ)គេប៉ាន់ប្រមាណអ្នកគុកចំណាយលុយ ស្រស់ៗដូចបោះលុយចោលចាប់ពី ២០០០-៤០០០ដុលារ ក្នុង១ថ្ងៃ ។
៩-ដូចជា ទារុណកម្មកើតចេញពីជម្លោះឆ្មាំគុកញុះញង់បញ្ជា និងនូវពីក្រោយ និងបង្កជម្លោះឱ្យអ្នកទោសមានក្រឈ្លោះគ្នានោះ កើតមានរាល់ថ្ងៃ នៅក្នុងគុកនោះដែលគេ ហៅថា ជាទីតាំងកែប្រែ នោះ ត្រូវបានអ្នកទោសហៅថា “ជាទីតាំងឧក្រិដ្ឋ បង្ហាត់បង្ហាញតែអំពើឃាតកម្មវាយទាត់ធាក់និទណ្ឌភាពយ៉ាងខ្មៅ ងងឹត” ដូចជំរុំចោរព្រៃគ្មាន ច្បាប់ទម្លាប់ និងប្រទេស ជាតិគ្រប់គ្រងសោះ ។
១០-ជាញឹកញាប់ គឺ នាយទិត្យ និង នាយឆាយ គឺជាមេក្លោងអុជអាលនាំអាទិ៍ និងចង្អុលបង្ហាញឱ្យក្រុមបងធំញៀនគ្រឿងញៀនជាប់គុកយូរឆ្នាំឡើងដុះស្លែគុក (ហៅថា បងធំ)ឱ្យវាយ តប់ធ្វើបាប យ៉ាងអមនុស្សធម៌ទៅលើក្រុមអ្នកទោសថ្មីចាស់ដោយមិនរើសមុខយ៉ាងសែនទារុណ និងឃោរឃៅបំផុត ។
១១-លោក ខ្វាម សារ៉ន ជិះសេះលែងដៃបង្កើតបក្ខពួកនិយមធ្វើបាប និងជញ្ជក់ឈាមក្រុមអ្នកទោសយ៉ាង ពេញបន្ទុកយូរឆ្នាំមកនេះ គេកោតតែគ្មានថ្នាក់លើដឹងសោះ ។
១២-ក្រៅពីបក្ខពួកនិយម និងធូរលុងលោក ខ្វាម សារ៉ន ក៏ត្រូវក្រុមអ្នកទោសចង្អុលមុខចោទប្រកាន់ថា ជាកំពូលជនកំហូច និងល្បិចកំពូលពុករលួយទទួលសំណូកពី ក្រុមឧក្រិដ្ឋជន គ្រឿងញៀន ជូញដូរផ្លូវភេទ និងឈ្មួញឧក្រិដ្ឋកម្មព្រៃឈើធ្វើជាខ្នងបង្អែកកាងឱ្យបទឧក្រិដ្ឋទាំងនោះ ជាថ្នូរនឹងលុយជួលរបស់ឈ្មួញឱ្យធ្វើទារុណកម្មមិន រើសមុខទៅ លើក្រុមអ្នកទោសជាយូរឆ្នាំមកហើយ ។
១៣-ក្រៅពីរឿងធ្វើទារុណកម្មនូវពីក្រោយក្រុមឧក្រិដ្ឋលោក ខ្វាម សារ៉ន ក៏ត្រូវប៉ាន់ពីការកាន់បញ្ជីបញ្ចោញបញ្ចូលឈ្មោះ អ្នកទោសយ៉ាងត្រូវបាន់បំផុតតាមរយៈ ការបន្ធូរបន្ថយទោសទណ្ឌ ទៅលើក្រុមទណ្ឌិតមាន ៣ខែ ៦ខែ គ្រួសារអ្នក ទោសត្រូវដាក់លុយចាប់ពី ១៥០-២០០ដុល្លារ, ៩ខែ ២៥០-៤០០ដុល្លារ, ១ឆ្នាំ ៧៥០-១០០០ដុល្លារ សម្រាប់បន្ធូរបន្ថយអ្នកទេសាតាមកាលៈទេសៈបុណ្យទានចំរើនព្រះជន្ម ៘របស់ព្រះមហាក្សត្រ និងទឹកលុយ របស់គ្រួសារអ្នកទោសដែលដាក់សូកប៉ាន់នោះ ហើយបើគ្មានទេ ជាប់យូរឆ្នាំតាមយថាកម្មទៅ ឬងាប់ចោលឆ្អឹងក្នុង គុកតែម្តងក៏គ្មានឈឺក្បាលលោក ខ្វាម សារ៉ន ដែរ ។
១៤-លោក ខ្វាម សារ៉ន ល្បីល្បាញហុតឈាមក្រុមទណ្ឌិតអ្នកទោសហើយ បែរជាបែកធ្លាយរឿងកឹបកេង លុយអាហារបឋមប្រចាំថ្ងៃ និងថ្នាំពេទ្យអ្នកទោសជាយូរឆ្នាំទៀត ព្រោះអ្នកទោសភាគច្រើនមិនធ្លាប់លំបាក និងការធ្វើ ទារុណកម្មដ៏ធ្ងន់ធ្ងរនោះ មិនអាចទទួលអាហារប្រចាំថ្ងៃរបស់គាត់បានទេ ដាក់ចូលពោះភ្លាមក្អួតចង្អោរ ភ្លាម ព្រោះថា មានតែក្លិនឆ្អាបស្អុយដូចជា គម្រង់។
១៥-ជាក់ស្តែងដែលលោក ខ្វាម សារ៉ន មិនអាចដោះសារបានថា នូវពីក្រោមបទល្មើសគ្រឿងញៀន និងការនាំចូលទូរស័ព្ទឱ្យអ្នកទោសប្រើពេញគុក នូវពីក្រោយនាយ ឆាយ និងនាយទិត្យ ធ្វើអំពើអនាចារធ្វើបាបអ្នក ទោសតាមតែទំនើងចិត្តនោះ គឺមានឆ្មាំទ្វារចាំត្រួតពិនិត្យិការនាំចូល តាមទ្វារដល់ទៅពីរជាន់សឹងថា រុយ១ក្បាល ក៏មិន អាចហើររំលងឆ្មាំទ្វារគុកបានឡើយ ។ ហេតុម្តេចក៏មានលុយខ្មៅ និងគ្រឿងញៀនទូរស័ព្ទគ្រប់ប្រភេទយកទៅ ឱ្យក្រុមអ្នកទោសប្រើប្រាស់យ៉ាងសេរីបង្កវិច្ឆេទកម្មក្នុងគុក ទៅកើត ។
១៦-ក្រុមអ្នកទោសឈឈឺល្មមៗជិតដាច់ខ្យល់ឱ្យតែគ្មានលុយ ឬគ្មានការឧបត្ថម្ភពីខាងក្រៅនោះ គឺលោក ខ្វាម សារ៉ន មិនខ្វល់យកទៅព្យាបាលទេ គឺទុកឱ្យដាច់ខ្យល់ ស្លាប់ទើបបញ្ជូនចេញពីគុកហើយទៅឃុបឃិត ធ្វើកោសល្យវិច្ច័យជាមួយក្រុមគ្រូពេទ្យ Lobby ថា គាំងបេះដូង ឬស្លាប់ដោយរោគា ៘ សែនអយុត្តិធម៌ខ្លាំង ណាស់ ។
១៧-អំពើអយុត្តិធម៌នៃការធ្វើទារុណកម្មនេះ គឺកើតចេញពីសំណូកពុករលួយជួលពីខាងក្រៅវាយតប់ទៅ លើក្រុមទណ្ឌិតដោយគ្មានការជួយឈឺឆ្អាល និងមានវិធានការ ណាមួយ ទៅពីអ្នកទោសដៃដល់បណ្តាលឱ្យជនរង គ្រោះនោះឡើយ ។ ហើយជនរងគ្រោះ ត្រូវស្លាប់ដោយសារការគ្រាំគ្រាក្អកក្អួតឈាម ៧-៨នាក់ ត្រឹមចូលមកក្នុង ពន្ធនាគារខេត្តក្រចេះនោះ មិនលើពីរបីថ្ងៃប៉ុណ្ណោះ ។
១៨-ក្រុមអ្នកទោសដែលស្លាប់ដោយអំពើមិនប្រក្រតីដូចឃាតកម្មនៃការធ្វើទារុណកម្មជាងសត្វដូចជា ការស្អប់ពីមេគុក និងឆ្មាំទ្វារជួលឬក៏ទទួលសំណូកឱ្យធ្វើទារុណពី ខាងក្រៅនោះ ចាប់ពីឆ្នាំ២០០៨ មកដល់ឆ្នាំ២០១៤ នេះមាន ១៣នាក់ ហើយត្រឹមលោក ខ្វាម សារ៉ន Lobby ជាមួយក្រុមពេទ្យខូចថា ឈឺស្លាប់ដោយរោគាប៉ុណ្ណោះ តែ គ្រួសារ ជនរងគ្រោះ និងទណ្ឌិតស្រែកថា មហាសែនអយុត្តិធម៌ណាស់ និង បានសូមអំពាវនាវដល់ក្រុមសិទ្ធិមនុស្ស ទាំងគ្រប់ផ្នែក និងរដ្ឋាភិបាលគួរមានវិធានការចុះ ពិនិត្យមើលភាពអសកម្មរបស់មេគុកខេត្តក្រចេះរបស់ ខ្វាម សារ៉ន នេះជាបន្ទាន់ផង ព្រោះថា មេគុកនេះបានប្រព្រឹត្តធ្វើមានបានពីលើញើសឈាមរបស់ទណ្ឌិតយ៉ាង ឃោរឃៅខ្លាំង ណាស់យូរឆ្នាំមកហើយ មិនអាចឱ្យទទួលយកបានទេ ! ។
១៩-រាល់ទណ្ឌិតដែលរួចទុក្ខទោសត្រូវបានដោះលែង គឺតែងតែបង់ទៅឱ្យគាត់មេគុក ខ្វាម សារ៉ន ក្នុងម្នាក់ៗ ៥០-១០០ និងអ្នកកាន់ត្រាកំពូលមុខលុយម្នាក់ៗ ៥០០០០-១០ម៉ឺនរៀលផងដែរ ។
២០-ថ្មីៗនេះកាលពីថ្ងៃអាទិត្យ ទី ៧ ខែធ្នូ ឆ្នាំ២០១៤ មកនេះ ដោយទប់អារម្មណ៍ និងនាយទិត្យ នាយឆាយឆ្មាំគុកនោះ មិនបាននោះ គឺមេគ្រឿងញៀនមួយរូបឈ្មោះ ហាក់ សុធិ (ហៅ ម៉ីនោះ)ក៏បានស្ទុះ ប្រវាយប្រតប់ជាមួយឆ្មាំគុកយ៉ាងគួរឱ្យញាក់សាច់ ហើយក៏ត្រូវបានលោកនាយទិត្យ ឆ្មាំទ្វារគុកនោះឱ្យជើងកាងព្រួត វាយតប់ស្ទើរស្លាប់ ថែមទាំងដកហូតយកទូរស័ព្ទ១ រយៈក្រោយមកនាយទិត្យនោះ ក៏ប៉ះសេឱ្យទូរស័ព្ទនេះទៅឈ្មោះ សុធិ វិញជាថ្នូរនិងលុយ ១០ដុល្លារ-១០ម៉ឺនរៀល ។
២១-ដូចកាលពីថ្ងៃ ១១ ដូចជាល្បែង Lobby លេងដឹងក្រោយ ពេលបន្ធូរយកទូរស័ព្ទមកឱ្យទណ្ឌិតប្រើហើយនោះ បែរជាឃើញក្រុមនាយគុកចុះចាប់ប្រមូលទូរស័ព្ទពី អ្នកទោសបាន ដល់ទៅជិត ១០០គ្រឿង ហើយល្បែងនោះក៏ឱ្យមកអ្នកទោសវិញ ព្រោះថា នេះជាការធ្វើអាជីវកម្មជម្រិតលើខ្នង អ្នកទោសអាចឱ្យក្រុមមេគុក និងបក្ខពួក ងាយស្រួលធ្វើមានបានលើញើសឈាមអ្នកទោសយ៉ាងក្រអឺតក្រទមបំផុត (មិនគួរមើលរំលងនោះទេ) ។
ព្រឹកម៉ិញនេះដែរ សេចក្តីរាយការណ៍តាមទូរស័ព្ទចេញពីមន្ត្រីអនុរក្សគុកឱ្យដឹងថា គឺឈ្មោះ សុធិ ដែលជាមេ គ្រឿងញៀនក្នុងគុកនោះបានជួលឈ្មោះ សាយ ថា ដែលជា កូនជឹងអ្នកទោសឱ្យទៅវាយតប់លើអ្នកទោសឈ្មោះ ហាក់ លីឆេង ទក់សាច់ដូចឆ្កែ ឡើងសន្លប់រឿងគំនុំបទសងលុយទិញគ្រឿងញៀនជក់ក្នុងគុកនោះ ។ អ៊ីចឹងហើយ បាន ជាសម្លេងអ្នកទោសថ្កោលទោសលោក ខ្វាម សារ៉ន ថា ការចរាចរគ្រឿងញៀនលក់យ៉ាងសេរីក្នុងគុកបាននោះ ក៏ដោយសារមេគុកនោះឯង ។
ពាក់ព័ន្ធនឹងបញ្ហានេះ ការិយាល័យរបស់យើងបានព្យាយាមជួបលោកនាយៗឆ្មាំគុកតាមទូរស័ព្ទសុទ្ធតែមិន អាចទំនាក់ទំនងបានឯលោកមេគុកដ៏មហិមា ខ្វាម សារ៉ន វិញ ពេលទទួលទូរស័ព្ទសូរនាំជុំវិញព័ត៌មានអាស្រូវនេះ គាត់ឆ្លើយកំបុតៗថា ជាប់កាច់ចង្កូតរថយន្ត ជាមួយ និងចំរៀងដ៏ត្រជាក់ចិត្តបំផុត ៕
