ខេត្តសៀមរាប៖ប្រភពព័ត៌មាន បានរាយការណ៍ថា ឈ្មួញដឹកឈើទាំងតូច ទាំងធំដែល ដឹកចូលខេត្តសៀមរាប និងឆ្លងកា ត់ខេត្តសៀមរាប គឺសុទ្ធតែ បានបង់លុយ ជូនមន្រ្តីជំនាញ និងសមត្ថកិច្ច គ្រប់ស្ថាប័នអស់ហើយ បានជាមិន មានអ្នកបង្ក្រាបដូច្នេះ ពលរដ្ឋខេត្តសៀមរាប គឺមានតែសង្ឃឹម ទៅលើស្ថាប័នតុលាការ តែប៉ុណ្ណោះដែលជា ជម្រើសចុង ក្រោយក្នុងការបង្ក្រាប ក្រុមឈ្មួញទុច្ចរិត ទាំងនោះប៉ុន្តែឥឡូវ សូម្បីតែស្ថាប័នតុលារ ការក៏លែង រវីរវល់ ជាមួយរឿង បង្រ្កាបបទល្មើស ព្រៃឈើទេហើយដែល នេះជាហេតុធ្វើមហា ជនឆ្ងល់ថាមិន ដឹងមកពី មូលហេតុអ្វី?ព្រោះ កាលពីលោក កើតវណ្ណរ៉េតឡើងជា ព្រះរាជអាជ្ញាដំបូងជំនួស លោកទីសុវិនថាល់គេ សង្កេតឃើញថា ហាក់មាន ការបង្រ្កាប យ៉ាងក្តៅគគុកមិនថា បទល្មើសតូចឬធំនោះទេ។
ការដឹកជញ្ជួនឈើខុសច្បាប់ពីបណ្តារខេត្តនានាឆ្លងកាត់ខេត្តសៀមរាបនៅតែជាបញ្ហា ក្តៅគគុកជារៀងរាល់ថ្ងៃតែមេព្រៃនៅខេត្តសៀមរាបពីលើដល់ក្រោមគ្មានការបង្ក្រាបមិនតែប៉ុណ្ណោះសូម្បី តែស្ថាប័នតុលាការដែលមានលោកកើតវណ្ណរ៉េតជាព្រះរាជអាជ្ញាក៏ហាក់ដូចជាមានការប្រងើយកន្តើយ ក្នុងការចូលរួមបង្ក្រាបបទល្មើសទាំងនេះផងដែរដែលធ្វើអោយមតិមហាជនរិះគន់ថាព្រះរាជអាជ្ញាថ្មីនេះ ធ្វើការបានតែមួយ ចំអិនកំពិសដំបូងតែប៉ុណ្ណោះ។
ជាក់ស្តែងកាលពីរសៀលថ្ងៃទី២៧ខែធ្នូឆ្នាំ២០១៤កន្លងទៅនេះមានរថយន្តសាន់យ៉ុងដឹកឈើប្រណិត ខុសច្បាប់២គ្រឿងដែលគេស្គាល់ថាជារបស់ចែញ៉ច(ឈ្មោះហៅក្រៅ)ប្រពន្ធលោកមិនចន្ថាអធិការ ស្រុកប្រាសាទបាគងបានដឹកឈើអត់ច្បាប់ពីស្រុកស្រយ៉ងខេត្តព្រះវិហារឆ្លងកាត់ស្រុកស្វាយលើមក កាន់ក្រុងសៀមរាបលុះដល់ចំណុចស្រុកប្រាសាទបាគងខេត្តសៀមរាប រហូតចូលទំលាក់ឈើអោយមេ ឈ្មួញទិញឈើនៅក្រោយសណ្ឋាគារអង្គរអេរា ដែលគេស្គាល់ថា ជាសណ្ឋាគាររបស់អ្នកធំម្នាក់។
តាំងពីស្រុកប្រាសាទបាគងរហូតដល់ក្រុងសៀមរាប អ្នកយកព័ត៌មានយើង បានព្យាយាមរាយការណ៍ ជូន លោក ទាគឹមសុទ្ធនាយខណ្ឌរដ្ឋបាលព្រៃឈើខេត្តតែទូរមិនចូលបន្ទាប់មកបានខលទូរស័ព្ទទៅលោកឯមមុន្នី អធិការខាងជើងបឹងទន្លេសាបជាច្រើនដងតែលោកមិនលើកទូរសព្ទសោះ។អ្នកយកព័ត៌មាន យើងបានរាយការណ៍ជូនលោកកើតវណ្ណរ៉េតព្រះរាជអាជ្ញាសាលាដំបូងខេត្តសៀមរាបអំពីរថយន្តដឹក ឈើខាងលើភ្លាមនោះលោកថាចាំលោកបញ្ជាអោយខាងមេព្រៃគេចុះធ្វើការបន្ទាប់ប្រហែល១៥នាទី ក្រោយមកលោកព្រះរាជអាជ្ញាប្រាប់តាមទូរស័ព្ទថាខលមេព្រៃមិនចូលប្រហែល១៥នាទីក្រោយមកទៀត លោកព្រះរាជអាជ្ញាលែងលើកទូរស័ព្ទរហូតទោះខលទៅជាច្រើនដងទៀតក៏ដោយរហូតដល់រថយន្ត ដឹកឈើទំលាក់ឈើអស់ពីរថយន្តបើកចេញទៅបាត់ដោយគ្មានការអន្តរាគមន៍ឬបង្រ្កាបរថយន្តដឹកឈើ ខាងលើនេះទេ។
អ្នកយកព័ត៌មានយើងបានអោយដឹងថាបន្ទាប់ពីចែញ៉ចទំលាក់ឈើនៅក្រោយសណ្ឋាគារអេរារួចបើក រថយន្តចេញក៏បានខលទូរស័ព្ទសុំជួបអ្នកយកព័ត៌មានយើងសុំធ្វើការសម្របសម្រួលចែកលុយកាក់ថ្លៃបាយទឹក តែអ្នកយកព័ត៌មានយើងមិនបានទទួលយកសំណើរនោះទេព្រោះករណីនេះវាជាអំពើពុករលួយ ឃុបឃិតជាមួយអ្នករកស៊ីខុសច្បាប់ស៊ីសំណូកសូកប៉ាន់។គួររំលឹកផងដែរថាកាលពីវេលាម៉ោងប្រហែល ១២ថ្ងៃត្រង់ថ្ងៃទី២៦ខែសីហាឆ្នាំ២០១៤រថយន្តដឹកឈើអត់ច្បាប់របស់ចែញ៉ចនេះត្រូវបាន អ្នកកាសែតម្នាក់រាយការណ៍ទៅលោកឯមមុន្នីអធិការខាងជើងបឹងទន្លេសាបនិងលោកកើតវណ្ណរ៉េត ព្រះរាជអាជ្ញាសាលាដំបូងខេត្តសៀមរាបអោយចាប់ទាំងរថយន្តទាំងឈើពេញរថយន្តដាក់ទុកនៅ សង្កាត់រដ្ឋបាលព្រៃឈើ ស្រុកស្វាយលើ ម្តងរួចទៅហើយ ខណៈរថយន្តនេះ កំពុងបែកកង់ នៅក្បែរសង្កាត់ ខាងលើនេះ។
តែមិនបានប៉ុន្មានថ្ងៃផងស្រាប់តែមេព្រៃបានដោះលែងរថយន្តធូរីសដឹកឈើអត់ច្បាប់របស់ចែញ៉ចនេះ អោយទៅគាត់វិញដែលបណ្តាលអោយចែញ៉ចបានរថយន្តមកដឹកឈើបន្តទៀតហើយថែមទាំងទិញ រថយន្តថែមមួយគ្រឿងទៀតដឹកកាន់តែច្រើនជាងមុនដើម្បីស្រង់ដើម។ពាក់ព័ន្ធករណីខាងលើនេះយើង ពុំទាន់អាចសុំការពន្យល់អំពីលោកកើតវណ្ណរ៉េព្រះរាជអាជ្ញាសាលាដំបូងខេត្តសៀមរាបបានទេព្រោះ ទូរស័ព្ទមិនចូល។ ចំណែកឯ ចែញ៉ច ក៏ពុំអាចសុំការបកស្រាយបានដែរ ព្រោះទូរស័ព្ទនៅក្រៅតំបន់សេវា៕
