ប៉ោយប៉ែត៖ផ្លូវដែលពលរដ្ឋបានអះអាងថាលក់នោះចំណុចពីផ្សាររ៉ាចាស់ក្បែរភូមិអង្គការគ្រួសារថ្មីស្ថិតក្នុងភូមិក្បាលស្ពាន១សង្កាត់និង ក្រុងប៉ោយប៉ែតខេត្តបន្ទាយមានជ័យ ។ភាពស្មុកស្មាញមួយចំនួននៅក្រុងប៉ោយប៉ែតបានកើតមានជាបន្តបន្ទាប់ដោយសារពួកមន្ត្រីមុខលុយឃុបឃិតគ្នាជាលក្ខណៈប្រពន្ធ័យកផ្លូវសាធារណៈរបស់រដ្ឋទៅលក់ឲ្យពួកឈ្មួញដើម្បីធើ្វអាជីវ កម្ម។
ប្រភពពីអតិតមន្ត្រីសុរិយោដីស្រុកអូរជ្រៅម្នាក់បានឲ្យដឹងថាពាក់ពន្ធ័និងករណីខាងលើថាផ្លូវចំណុចអង្គការគ្រួសារថ្មីក្រុងប៉ោយប៉ែតយោង បើតាមប្លង់មេដែលមានទទឹងទំហំ២០ម៉ែត្រហើយផ្លូវខាងលើត្រូវបានគេរំលោភយកជាបន្តបន្ទាប់បច្ចុប្បន្នធើ្វជាលំនៅដ្ឋានជួលអស់ហើយ។ ជាការពិតណាស់កំឡុងពេលថ្មីៗនេះដីនៅចំណុចផ្លូវខាងលើមានតម្លៃកប់ពពកបញ្ហានេះបានជាត្រូវក្រុមឈ្មួញមានឳកាសលួចសហការជាមួយមន្ត្រីមូលដ្ឋានដែលបានឃុបឃិតជាមួយគ្នាក៏ធើ្វអាជីវកម្មកេងចំណេញលើសម្បត្តិសាធារណរបស់រដ្ឋបង្កឲ្យបាត់បង់ផលប្រយោជន៏រួមយ៉ាងច្រើន ។
ជាក់ស្តែងម្ចាស់សំណង់អាងទឹកដែលបានអភិវឌ្ឍន៏ប៉ះចំដីផ្លូវខាងលើធ្លាប់បានឲ្យដឹងថាកាលពីកន្លងទៅពួកគាត់ពិតជាធើ្វអាងហែលទឹកមែនទំហំបណ្តោយ៤០ម៉ែត្រនិងទទឹង១៥ម៉ែត្រអាងនោះបានប៉ះពាល់ដីចំណីផ្លូវចំនួនតែ០២ម៉ែត្រ។ ប្រភពបានបន្តទៀតថាដីដែលលោកធើ្វអាងទឹកនោះគឺបានទិញតពីប្រជាពលរដ្ឋដែលរស់នៅលើដីផ្លូវម្ចាស់ សំណង់ដដែលបានបញ្ជាក់ថាការ ធើ្វអាងទឹកនេះបានដោយ ប្រើរូបនម្តខ្ចីដីរដ្ឋបណ្តោះអាសន្នលោកថា៖ពេលណារដ្ឋត្រូវការគឺកាត់ដីនោះប្រគល់ឲ្យទៅរដ្ឋវិញនេះជាការលើកឡើងរបស់ម្ចាស់សំណង់ខាងលើ។បើទោះជាបែបនេះក្តីពលរដ្ឋជុំវិញផ្លូវដើមពុទ្រាបានចោទអាជ្ញាធរថាឃុបឃិតជាមួយមន្ត្រីជំនាញប្រើរូបមន្តបណ្តោះអាសន្នដើម្បីបន្លំភ្នែកពួកគាត់តែប៉ុណ្ណោះ។
ជាការពិតណាស់ប្រជាពលរដ្ឋមួយ ចំនួនធំនៅក្រុងប៉ោយប៉ែតបានអស់ ជំនឿលើមន្ត្រីអាជ្ញាធរក្រុងជា ពិសេសប្រធាន ការិយាល័យសុរិយោ ដីតែម្តងព្រោះមន្ត្រីទាំងនេះមិនគិតគួរពីផលប្រយោជន៏រួមនោះទេ។ប្រជាពលរដ្ឋបានលើកឡើងទៀតថាសូម្បីតែដីផ្លូវសាធារណៈក៏សាលាក្រុងអនុញាតិឲ្យក្រុមហ៊ុនធើ្វអាងទឹក និងសង់លំនៅដ្ឋានធើ្វបន្ទប់ជួលបិទផ្លូវជិត មិនឲ្យពលរដ្ឋធើ្វចររាចរ ទៅមកបាន។ ជាការកត់សម្គាល់ក្រៅតែពីដីចំណុចផ្លូវដើម ពុទ្រានោះអាជ្ញាធរបានឃុបឃិត គ្នាជាមួយមន្ត្រីយោធាម្នាក់ ចំណុះឲ្យការិយាល័យទំនាក់ទំនង ព្រំដែនកម្ពុជាថៃបានចាក់ដីរំលោភយកអូរផ្លូវទឹកនៅចំណុចភូមិអូរជ្រៅខាងក្រោយអាហារដ្ឋានអង្គរជាយដែនរបស់លោកទៀចាងកាលពីថ្មីៗនេះផងដែរ ។
លោកអភិបាលក្រុងប៉ោយប៉ែតង៉ោម៉េងជ្រួនដែលគេឯងដាក់ងារថាជាឈ្មួញដីនោះលោកធ្លាប់ប្រាប់ថារឿងគេធើ្វអាងទឹកនៅក្បែរអង្គការគ្រួសារថ្មីនោះសាលាក្រុងពិតជាមិនបានដឹងទេលោកបន្តទៀតថារឿងនេះប្រហែលជាម្ចាស់សំណង់គេមិនទាន់បានសុំច្បាប់ទេដឹងឬថាលិខិតនោះពុំទាន់ធ្លាក់លើដៃលោក ។
