កោះកុង ៖ នៅពេលបច្ចុប្បន្នរាជរដ្ឋាភិបាលជាប់គាំងអាណត្តិថ្មីកំពុង ប្រយុទ្ធក្នុងការកែទម្រង់យ៉ាងស៊ីជម្រៅ ផ្តោតជាសំខាន់ទៅលើវិស័យធំៗជាចម្បងក្នុងនោះការបាត់បង់ពន្ធគយ គឺជាកត្តាសំខាន់បំផុតដែលធ្វើឱ្យប្រទេសជាតិ ខាតបង់ប្រាក់ចំណូលយ៉ាងច្រើនសន្ធឹកសន្ធាប់ ។
យោងកត្តាសំខាន់នោះបណ្តាល មកពីការរត់ការក្រៅប្រព័ន្ធមិនបានបង់លុយចំណូលពន្ធទាំងនោះ ឱ្យចូលរដ្ឋឱ្យបានគ្រប់១០០ ភាគរយ តាមច្បាប់នោះទេ ! ។ ប្រភពអះអាងថា ជាក់ស្តែង លោក ជា នី គឺជាមេស្នាក់ការកាំកុងត្រូលនៃច្រកទ្វារអន្តរជាតិចាំយាម ខេត្តកោះកុងដែលមានសិទ្ធិចាប់ និងបង្ក្រាបគ្រប់យ៉ាងរាល់ទំនិញបទល្មើសសាច់ និងជង្គង់មាន់ប្រហិតខុសច្បាប់ដែលឆ្លងកាត់ព្រំដែន ។
ក៏ប៉ុន្តែផ្ទុយ ទៅ វិញគេបែរជាឃើញមេឈ្មួញឈ្មោះ ម៉ែអាម៉េង និងតាគ្រួច ដែលមានខ្នងបង្អែកក្រាស់នោះ តែងតែនាំចូលនូវ ជង្គង់ និងសាច់មាន់ ខុសច្បាប់នោះក្នុង១យប់ៗចាប់ពី ១៥តោន ទៅ ២០តោន យ៉ាងអនាធិបតេយ្យបំផុតជ្រកក្រោម រទេះរុញរបស់ប្រជាពលរដ្ឋរកស៊ីក្នុងខេត្តក្រោមរូបភាពបង្កប់ក្រោមប្រហិតក្តាមបន្លែបង្កា និងពីតាមច្រករបៀង ក្នុងខេត្តកោះកុងទាំងមូលយ៉ាងគ្រប់ទឹកបំផុតជាប្រចាំខែ ដែលក្រុមឈ្មួញបង់ឱ្យ ។ ហើយមិនដឹងថា ជា នី យកលុយពុករលួយទាំងនោះទៅញាត់ក្នុងហោប៉ៅណាខ្លះទេ ក្រៅពីច្រកហោប៉ៅខ្លួនឯងធ្វើមានធ្វើបានហើយនោះ ។
បើតាមក្រុមអាជ្ញាធរបានខ្សឹបទម្លាយឱ្យយើងដឹងថា ក្រៅពីមានការឃុបឃិត ពីកាំកុងត្រូល ទៅមេប៉ូលិស សេដ្ឋកិច្ចដែនក្រសួងផ្លូវជាតិកោះកុង ឈ្មោះ ម៉ៅ ចាន់វិជ្ជា ដែលមានភារកិច្ចជាអ្នកទប់ស្កាត់ និងប្រមូលសេដ្ឋកិច្ចនោះ ។ ក៏បែរជាឃុបឃិត បណ្តោយខ្លួនឱ្យក្លាយទៅជាអ្នកការពារឱ្យឈ្មួញ ម៉ែអាម៉េង និងតាគ្រួច ថ្នូរជាលុយ បង់ក្នុងមួយជើងៗរាប់សិបលានរៀលឯណោះ និងថែមទាំងមានបង់ប្រចាំខែទៀតផងយ៉ាងត្រូវប៉ាន់បំផុត ។
បើតាមមន្ត្រីអាជ្ញាធរ និងអ្នករកស៊ីតូចតាចបានបញ្ជាក់ទៀតថា លោក ជា នី មេកាំកុងត្រូលច្រកទ្វារចាំយាម និងម៉ៅ ចាន់វិជ្ជាហាក់ពុំបានអនុវត្តកំណែទម្រង់ស៊ី ជម្រៅរបស់រដ្ឋា ភិបាល សូម្បីបន្តិចទេ ហើយដែលបញ្ហានេះមិន គួរថ្នាក់លើទាំង ពីរស្ថាប័ននោះ មើលរំលងបញ្ហាពុករលួយនេះទេ។
តាមប្រភពក្រុមប្រជាពលរដ្ឋដែលរកស៊ីតូចតាចបានលើកឡើងថា ជានី និងម៉ៅ ចាន់វិជ្ជា គឺសុទ្ធតែមន្ត្រីថ្នាក់ក្បាល ម៉ាស៊ីនជំនាញដែលតំណាងឱ្យក្រសួង និងស្ថាប័នប្រមូលទប់ស្កាត់ និងប្រឆាំងបទល្មើស ប៉ុន្តែបែរជាយកតួនាទី និងអំណាចទៅកាងមុខជំនួញខុសច្បាប់របស់ក្រុមឈ្មួញយ៉ាងព្រហើនបំផុត ថែមទាំងជាន់ឈ្លីកំណែទម្រង់ស៊ីជម្រៅ របស់រដ្ឋាភិបាលដាក់ចុះយ៉ាងគឃ្លើនបំផុតមិនគួរបើគេមើលរំលងនោះទេ ។
មិនតែប៉ុណ្ណោះក្នុងនាមជាមន្ត្រីជំនាញ គឺជា នី បានឃុបឃិតជាមួយមេឈ្មួញហៅ ម៉ែអាម៉េង និងតាគ្រួច ជាឆ្នាំងបាយនាំចូលទំនិញបទល្មើសលោតឆត្រ និងនាំជង្គង់មាន់ សាច់មាន់ខុសច្បាប់យ៉ាងគ្រប់ទឹកជាយូរមកហើយ។ ជាពិសេសគឺសកម្មភាពរបស់ ម៉ៅ ចាន់វិជ្ជា តែម្តង ដែលហាឡើងអួតអាងពីការអាងខ្នងបង្អែក និងថែមទាំងអួត ប្រើឈ្មោះនាយឧត្តមសេនីយ៍ថ្នាក់លើយកមកកាង ទង្វើខុសច្បាប់អនុវត្តខុសតួនាទី និងគោលការថ្នាក់លើទៅឃុប ឃិតជាមួយ និងក្រុមឈ្មួញនិងកាងទំនិញគេចពន្ធ ហើយដែលពេលថ្មីៗនេះគេឃើញតែទំនិញគេចនាំចូលប្រដេញគ្នា យ៉ាងអនាធិបតេយ្យ ហើយដែលជារឿយៗក្រុមមន្ត្រីជំនាញទាំងនោះ តែងតែមានទំនាស់ជុំវិញអំណាច និងបែងចែក លុយពុករលួយមិនស្មើគ្នាដែរ គេឃើញតែគយ កាំកុងត្រូល និងជំនាញអនុញ្ញាតឱ្យទំនិញខុសច្បាប់ចូលតែជំនាញ ចល័តនិងសាខាគយជាអ្នកចាប់បង្ក្រាបជាញឹកញាប់ហើយដែលបញ្ហានេះបានសម្តែងពីការបែកបាក់ផ្ទៃក្នុងជំនាញ ប្រមូលពន្ធរបស់ក្រុមគយច្រកទ្វារកាំកុងត្រូល ប្រព្រឹត្តអំពើពុករលួយយ៉ាងទ្រង់ទ្រាយធំបំផុត មិនគួរបើគេមើល រំលងបញ្ហានេះទេ ។
ជាងនេះទៅទៀតការបណ្តោយឱ្យទំនិញគេចពន្ធបង្ហូរចូលតាមតែអំពេចិត្តិ បែបនេះបានបង្ហាញពីការអសមត្ថភាព របស់មេប៉ូលិសសេដ្ឋកិច្ចទទួលផែន ម៉ៅ ចាន់វិជ្ជា យ៉ាងខ្លាំងបំផុត ដែលមានជំនាញខាងគោះ និងជម្រិតឱ្យឈ្មួញបង់ លុយតាមតែទំនើងចិត្ត ។ ហើយដែលបញ្ហានេះហើយទើបមានមន្ត្រី និងប្រជាពលរដ្ឋរិះគន់ស្នើសុំឱ្យក្រសួងមហាផ្ទៃ ត្រួតពិនិត្យពីភាពអសកម្មរបស់ក្រុមប៉ូលិសសេដ្ឋកិច្ច និងច្រកទ្វារអន្តរជាតិចាំយាមផង ។ ដូចជា ថ្មីៗនេះគេពុំទាន់ដឹងពីមូលហេតុពិតប្រាកដណាមួយទេ ដែលក្រុមសមត្ថកិច្ចទាំងនោះ បែរជាហ៊ានបើកដៃឱ្យ មានការដឹកសាច់មាន់ពី ប្រទេសថៃយ៉ាងគក្រឹកគគ្រេងយ៉ាងនេះ ។ ជាពិសេសគឺមេប៉ូលិសសេដ្ឋកិច្ចម៉ៅ ចាន់វិជ្ជា នោះតែ ម្តងបានសម្របខ្លួននិងក្លាយខ្លួនទៅជាអ្នកមើលផ្លូវនិងការពារឱ្យ ឈ្មួញធ្វើអាជីវកម្មនាំទំនិញខុសច្បាប់ចូល ស្រុកនិងនាំទៅកាន់ ទីផ្សារ ភ្នំពេញយ៉ាងសុវត្ថិភាពបំផុត ។
ពាក់ព័ន្ធ នឹងការឃុបឃិតជាមួយក្រុមឈ្មួញនេះ ក្រុមមន្ត្រីក៏បានតិះទៀនចោទប្រកាន់ ម៉ៅ ចាន់វិជ្ជាគឺមានចំណែកគៃបំបាត់ពន្ធរដ្ឋជាមួយឈ្មួញកិបកេងការបង់ពីការមិនបង់ពន្ធចូលរដ្ឋ ថែមទៀតដែលក្នុងនោះ មានប្រធាន ស្នាក់ការច្រកព្រំ ដែន ចាំយាម ឈ្មោះ សុវណ្ណ ប៊ុនធឿន ធូររលុងឱ្យមានចូលទំនិញក្តៅក្នុងការនាំចូល សម្ភារៈទាំងនោះមកកាន់ ប្រទេសកម្ពុជា ។
ផ្ទុយទៅវិញពាក់ព័ន្ធនឹងបញ្ហានេះ គួរតែអាជ្ញាធរកាំកុងត្រូល និងក្រសួងមហាផ្ទៃមានវិធានការស្រាវជ្រាវទប់ស្កាត់ជាបន្ទាន់ផង ។
