ខេត្តកំពង់ធំ ៖ ប្រភពព័ត៌មានប្រជាជនខេត្តកំពង់ធំបានឱ្យដឹងថា ដីមួយផ្នែកធំ របស់ចំណតរថយន្ត ដែលជាទ្រព្យសម្បត្តិរដ្ឋ ត្រូវបាន លោក សុខ សុផល ប្រធានមន្ទីរសេដ្ឋកិច្ចហិញ្ញវត្ថុខេត្តកំពង់ធំ, លោក ម៉ៅ ឡាំង អតីតប្រធានមន្ទីរសាធារណៈ និងដឹកជញ្ជូនខេត្ត, លោកអភិបាលស្រុកស្ទោង ព្រឹម រដ្ឋា និងលោក ឈុន ងួនហេង ដែលជាអ្នកម៉ៅការចំណត រថយន្តឃុបឃិតគ្នាលក់បាត់ហើយ ។
នៅឆ្នាំ ២០១៣ ដីចំណតរថយន្តដែលនៅសេសសល់ជាច្រើនត្រូវបានពួកគេនាំគ្នាលក់បន្ថែម ទៅអោយឈ្នោះ ជា សុគន្ធារី ដែលមានតំលៃរាប់សែនដុល្លា និងមានការឃុបខិតពីលោកប្រធានមន្ទីរសេដ្ឋកិច្ចនិងហិរញ្ញវត្ថុ លោក សុខ សុផល រួមមនិងមន្ត្រីពាក់ព័ន្ធជាច្រើនទៀត។
សូមបញ្ជាក់ថា ដីចំណតរថយន្តស្រុកស្ទោងមានផ្ទៃដី សរុប ០, ៩០៥ហិចតានៅមុនពេលដែល អ៊ាង អាន ធ្វើការវិនិយោគរយៈពេល ១៥ឆ្នាំពីថ្ងៃទី ០១ មករា ឆ្នាំ២០០០ ដល់ ថ្ងៃទី ៣១ ធ្នូ ឆ្នាំ ២០១៤។ ហើយក្រោយពីលោក អ៊ាង អានទទួលបានសិទ្ធិវិនិយោគមកគឺរូបគាត់បានប្រគល់ការងារវិនិយោគនេះ ទៅអោយ លោក ឈុន ងួនហេង គ្រប់គ្រងរហូតដល់ចប់កិច្ចសន្យា ១៥ឆ្នាំ។
នៅក្នុងរយៈពេលនៃការគ្រប់គ្រងចំណតរថយន្តដោយលោក ឈុន ងូនហេង ដីចំណតរថយន្តត្រូវបានគេពុះលក់និងជួលអោយសាងសង់ ស្ថានីយ៏ប្រេងឥន្ទនៈទៅវិញ។
នៅឆ្នាំ ២០១៣ ដីចំណតរថយន្តដែលនៅសេសសល់ជាច្រើនត្រូវបានពួកគេនាំគ្នាលក់បន្ថែម ទៅអោយឈ្នោះ ជា សុគន្ធារី ដែលមានតំលៃរាប់សែនដុល្លា និងដោយមានការឃុបខិតពីលោកប្រធានមន្ទីរសេដ្ឋកិច្ចនិងហិរញ្ញវត្ថុ លោក សុខ សុផល រួមមនិងមន្ត្រីពាក់ព័ន្ធជាច្រើនទៀត។
ខណៈពេលដែលចំណតរថយន្តត្រូវបានផុតកំណត់នៃការវិនិយោគនោះ លោក ឈុន ងួនហេង ក៏បានស្នើរសុំការវិនិយោគមន្តរយៈពេល២០ឆ្នាំ ដោយគិតពីថ្ងៃទី ០១ មករា ឆ្នាំ២០១៥ ដល់ថ្ងៃទី ៣១ ធ្នូ ឆ្នាំ ២០៣៤ ដោយដាក់ទន់ចំនូន ១០០លានរៀល និងបង់ថវិការចូលខេត្ត ១៥.៨លានរៀល ដោយមានការចូលរួមការគាំទ្រពីសំណាក់លោក សុខ សុផល ផងដែរ ។
មន្ត្រីនិងប្រជាពលរដ្ឋជាច្រើនរស់នៅស្រុកស្ទោងបានអំពាវនាវ ក្រសួង សេដ្ឋកិច្ចនិងហិរញ្ញវត្ថុ អង្គភាពប្រឆាំងអំពើពុករលួយ ក្រសួងមហាផ្ទៃ និងក្រសួងសាធារណៈការណ៏និងដឹកជញ្ជូនគួរបើកការសើបអង្កេតលើករណី ការឃុបខិតគ្នាលក់ដីមួយផ្នែកធំរបស់ចំណតរថយន្តស្រុកស្ទោងជាបន្ទាន់ និងដើម្បីមានវិធានការទៅតាមផ្លូវច្បាប់។
ជាមួយគ្នានោះដែរ ប្រជាពលរដ្ឋក៏ស្នើសុំឱ្យក្រសួងសេដ្ឋកិច្ចនិងហិរញ្ញវត្ថុលុបចោល ប្ញ បដិសេធនូវសំណើរសុំការវិនិយោគចំណតរថយន្តស្រុកស្ទោងពីសំណាក់លោក ឈុន ងួនហេង ព្រោះថាការស្នើរសុំវិនិយោគខាងលើនេះ គឺពោរពេញទៅដោយអំពើពុករលួយនិងបំបាត់នៅចំណូលរបស់រដ្ឋយ៉ាងច្រើន ដោយសារតែការឃុបខិតគ្នា។ លើសពីនោះទៅទៀតវាបានផ្ទុយទៅនិងលិខិតណែនាំរបស់ក្រសួងសេដ្ឋកិច្ច និងហិរញ្ញវត្ថុ លេខ ៤៩១៨ ស.ហ.រ.អ.ទ.ចចុះថ្ងៃទី ០៩ កក្កដា ឆ្នាំដ ២០១៤ ចុះហត្ថលេខាជួសរដ្ឋមន្ត្រី ដោយលោករដ្ឋលេខាធិការ ងី តាយីទៀតផង។
ពាក់ព័ន្ធនឹងការចោទប្រកាន់ខាងលើនេះ សារព័ត៌មានយើងមិនអាចធ្វើការទំនាក់ទំនងសុំការបំភ្លឺពីលោក ប្រធានមន្ទីរហិរញ្ញវត្ថុខេត្តកំពង់ធំបានទេ ៕
