ខេត្តរតនគិរីៈអនាគត់សត្វព្រៃគ្រប់ប្រភេទផុតពូជដោយការបាញ់ដាក់អន្ទាក់ជួញដូរទៅប្រទេសជិតខាងនិងលក់សាច់ធ្វើជាម្ហូប។សព្វថ្ងៃនេះគេសង្គេតឃើញមានក្រុមជួញដូរសត្វព្រៃជាច្រើនក្រុមរួមទាំងក្រុមឈ្មួញជនជាតិវៀតណាមផងបានប្រមូលទិញសត្វព្រៃគ្រប់ប្រភេទពីទឹកដីខេត្តរតនគិរីទៅលក់ អោយប្រទេសជិតខាងវៀតណាមជាហូរហែរនិងបាញ់យកសាច់លក់យ៉ាងអនាធិបតេយ្យ ដោយសារសមត្ថកិច្ចពាក់ព័ន្ធមានភាពធូររលុងមិនជួយការពារសម្បត្តិធនធានធម្មជាតិរបស់ប្រទេសខ្លួនឯង។
ជាក់ស្តែងនៅថ្ងៃទី២៥ ខែមេសា ឆ្នាំ២០១៥ វេលាម៉ោង៥ល្ងាចអ្នកសារពត៌មានយើងថតបានរូបសត្វព្រៃចំនួន២ប្រភេទសត្វជ្រូកព្រៃចំនួន៧ក្បាលសត្វកាំប្រម៉ា៦ក្បាលដែលក្រុមព្រានព្រៃដាក់អន្ទាក់បាននៅចំណុចព្រំដែនប្រទេសប្រទេសវៀតណាមក្នុងស្រុកអណ្តូងមាសក្រុមឈ្មួញខ្មែរយកមកលាក់ទុកបំរុងដោះដូរអោយក្រុមឈ្មួញវៀតណាមបន្តទៀត។
ហើយជាពិសេសនោះទៀតសាច់សត្វព្រៃគ្រប់ប្រភេទលក់តាមទីផ្សារនិងតាមភោជនីយដ្ឋានធ្វើគ្រឿងក្លែមតំរូវការភ្ញៀវ។ចំណុចនេះហើយដែលប្រជាពលរដ្ឋស្តូតត្រង់ដែលស្រលាញ់ធនធានធម្មជាតិរបស់ប្រទេសខ្លួនធ្វើការរិៈគន់យ៉ាងធ្ងន់ធ្ងរដល់សមត្ថកិច្ចពាក់ព័ន្ធដែលមានតួនាទីការពារធនធានធម្មជាតិគ្រប់ប្រភេទជួនប្រទេសជាតិអោយក្មេងៗជំនាន់ក្រោយបានស្គាល់។ប្រជាពលរដ្ឋទូទាំងខេត្តបានធ្វើការរិៈគន់ថាការដាក់អន្ទាក់វាមិនសូវរលាយទេតែការប្រើប្រាស់អាវុធបរបាញ់សត្វព្រៃវាឆាប់រលាយហិនហោចណាស់។ហើយប្រជាពលរដ្ឋគ្មានកាំភ្លើងទេមានតែកងកម្លាំងប្រដាប់អាវុធមួយផ្នែកតែប៉ុណ្ណោះ។ប្រជាពលរដ្ឋធ្វើការរិៈគន់មិនមែនផលប្រយោជន៍បុគ្គលទេគឺផលប្រយោជន៍រួម៕
