អតីតតារាសម្តែង និងបង្ហាញម៉ូត នាងលី ម៉ារីណា បានសម្រេចចិត្តរៀបការមែនទែនហើយ គឺប្រព្រឹត្តទៅនៅថ្ងៃទី២៧ ខែឧសភា ឆ្នាំ២០១៣ ដោយអញ្ជើញភ្ញៀវចូលរួមពិធីនោះចំនួនតែ២៥តុប៉ុណ្ណោះ ហើយទីកន្លែងទទួលទាននៅភោជនីយដ្ឋានក្បែរវត្តភ្នំ ។
ការទន្ទឹងរង់ចាំថ្ងៃសិរីមង្គលរបស់តារាសម្ដែង និងបង្ហាញម៉ូដ នាង ម៉ារីណា ដែលមជ្ឈដ្ឋានជាច្រើនបានកោតសរសើរនៅសម្រស់ដ៏ស្រស់ស្អាត រួមទាំងស្បែកសគួរឲ្យគយគន់ ធ្វើឲ្យបុរសជាច្រើនលួចស្រឡាញ់នៅសម្រស់របស់នាង ។ ប៉ុន្តែគួរឲ្យសោកស្ដាយនាង ម៉ារីណា ពិតមែនតែមានឈ្មោះជាស្រីម៉េម៉ាយក្ដីតែរយៈពេលនាងនៅទំនេរ គឺមិនយូរប៉ុន្មានត្រូវបុរសខ្មែរអនីតិជនបានចូលស្តីដណ្ដឹង ប៉ុន្តែថ្ងៃចូលរោងការបានបង្អូសពេលវេលាជាច្រើន ធ្វើឲ្យអ្នកផងទាំងឡាយ លេចឮព័ត៌មានថា បុរសជាគូដណ្ដឹងនោះ បានផ្ដាច់ពាក្យទៅវិញ ។ ព្រោះតែមានព័ត៌មានថា អ្នកនាង ម៉ារីណា បានសំងំលាក់ខ្លួនមួយរយៈ ព្រោះតែមានទំនាក់ទំនងស្នេហាជាមួយមន្ត្រីថ្នាក់ធំម្នាក់ ហើយទំនាក់ទំនងលាក់កំបាំងនេះបានគំរាមកំហែងដល់អាយុជីវិតរបស់នាងថែម ទៀតផង ។ ប៉ុន្តែព័ត៌មានអាស្រូវដែលព្យុះបោកមកលើរូបនាង ម៉ារីណា បានរសាយបាត់ ដោយក្នុងខណៈពេលនេះ នាងបានចេញមុខចែកធៀបការអោយមិត្តភ័ក្ត្រ ដែលមានវត្តមាននៅព្រឹកថ្ងៃទី២៤នេះ ដោយនាំមកជាមួយគូដណ្តឹងរបស់នាងគឺលោក សាត ចាន់ថន ។
ជាចុងក្រោយនាងបានបញ្ចាក់ថា ក្រោយពីនាងរៀបការហើយ នាងវិលទៅរស់នៅអាមេរិកជាមួយ ប្ដីនាងហើយឈប់ពីសិល្បៈ ដោយចាប់អាជីពថ្មីជាអ្នកជំនួញ ៕
