ខេត្តកំពត ៖ក្រុមមន្ត្រីច្បាប់ភូមិ បាលបាននិយាយថា ពលរដ្ឋគ្រប់ រូប ដែលទទួលដីសម្បទានសង្គម កិច្ចសម្រាប់បង្កបង្កើនផលនោះ ហាមធ្វើការលក់ដូរជួលបញ្ចាំ ឬធ្វើប្លង់កម្មសិទ្ធិបើសិនពលរដ្ឋ រស់នៅមិនបាន៥ឆ្នាំនោះ ។ ប៉ុន្តែដោយឡែក វាជារឿងភ្ញាក់ផ្អើល បំផុតដែលប្រជាពលរដ្ឋនៅខេត្ត កំពត បានទទួលដីសង្គមកិច្ច ហើយបែរជាមានឈ្មួញមហា អំណាចមកសម្លុតគំរាមកំហែង វាយធ្វើបាបដើម្បីឱ្យពួកគាត់លក់ ដីនេះឱ្យទៅក្រុមហ៊ុនអា.ម៉ា.វី.អូ ក្រុមហ៊ុនរបស់ប្រទេសជប៉ុនទៅ វិញ ។
តាមប្រជាពលរដ្ឋសុំមិន បញ្ចោញឈ្មោះបានប្រាប់ឱ្យ សារព័ត៌មានយើងដឹងថា អ្នកដែលមានអំណាចមកទីញដីសង្គមកិច្ចដែលនាយករដ្ឋមន្ត្រី ចែកជូនពួកគាត់នោះគឺជាឈ្មោះ អាំ ផល្លីន និងលោកស្រី ហ៊ាង គន្ធី ។
មិនតែប៉ុណ្ណោះបើតាមមន្ត្រី រាជការក្នុងខេត្តកំពតបានបង្ហើប ឱ្យដឹងថា ឈ្មោះ អាំ ផល្លីន ហៅ (ឯកឧត្តម អាំ ផល្លីន) គ្រាន់តែជាកូនជឹងអ្នកទទួល ថវិកាពីក្រុមហ៊ុនមកចាត់ចែង ទេតែបុគ្គលជាមេក្លោងអ្នករៀប ចំដីធ្លីនេះ គឺឈ្មោះ ជឹង ផល្លា អំណាចជាអភិបាលរងខេត្តកំពត និងលោក ហុក ទ្រី អភិបាលរង ស្រុកឈូកនោះឯង ។
គួររំលឹកថា ដោយសារអាង អំណាចជាថ្នាក់ដឹកនាំខេត្ត ថ្នាក់ដឹកនាំស្រុកទទួលបន្ទុកខាង ដីធ្លីនោះហើយ ទើបធ្វើឱ្យលោក ជឹង ផល្លា និងលោក ហុក ទ្រី ភ្លេចគិតពីតួនាទីការពារប្រជា- ពលរដ្ឋក្លាយទៅជាឈ្មួញដីធ្លី ប្រើអំណាចខុសនីតិវិធី ។ ហើយ បានចេញលិខិតមួយច្បាប់គំរាម ផ្ញើជូនគ្រប់ឃុំដោយមិនឱ្យចេញ ឈ្មោះថាខ្លួនជាមេក្លោងគំរាម ទិញដីប្រជាពលរដ្ឋឱ្យខូចផល ប្រយោជន៍ និងប៉ះពាល់មុខមាត់ ថ្នាក់ដឹកនាំខេត្តទៀតផង ។
ផ្ទុយទៅវិញ លោក ជឹង ផល្លា ភ្លេចបិទមាត់ឈ្មោះ មាស ម៉ាតៈ(ហៅធឿន,ហៅឪអាដូច) ដែលរស់នៅភូមិថ្មី ឃុំថ្មី ស្រុក ទឹកឈូ ខេត្តកំពត និងឈ្មោះ កែវ សេន មន្ត្រីប៉ុស្តិ៍រដ្ឋបាលឃុំថ្មី ដែលជាសេនាស្លាប់រស់របស់ លោកឈ្មោះ មាស ម៉ាតៈ(ហៅ ធឿន)និងឈ្មោះ ទូច សារុម នោះបានដើរអួតក្អេងក្អាងគំរាម ដាក់ប្រជាពលរដ្ឋដែលរស់នៅឃុំ ព្រៃថ្នង់ ឃុំថ្មី ឃុំស្ទឹងកែវ និង ប្រជាពលរដ្ឋដែលរងគ្រោះ ។
មិនតែប៉ុណ្ណោះ ក្រុមដៃជើងរបស់លោកអភិបាលរងខេត្តបាន សំឡុតគំរាមវាយដំ ដុតចំការ គំរាមចាប់ដាក់គុករឿងមិនលក់ ដីកម្មសិទ្ធិឱ្យពួកខ្លួនថា “ពួកឯង ធ្វើមិនឈ្នះមេអញទេ ព្រោះមេ អញជាថ្នាក់ដឹកនាំខេត្តបន្តិច ទៀតឬក្រោយចូលឆ្នាំខ្មែរហើយ មេអញ៎ចាប់ពួកឯង និងអ្នក កាសែតទាំងអស់នោះដាក់គុក មិនខានឡើយប្រយ័ត្នឱ្យមែន ទែនទៅ !” ។
ដោយឡែក ទាក់ទងនឹងសំដី ដ៏កាចសាហាវគំរាមសម្លាប់ជីវិត មនុស្សនេះ លោក ហ៊ុន សុខា ប្រធានក្លឹបអ្នកកាសែតឯករាជ្យ បានថ្លែងថា ចំពោះពាក្យគំរាម នេះ គឺលោកធ្លាប់ទទួលហើយ ព្រោះនៅថ្ងៃទី ២៤ ខែមីនា ឆ្នាំ ២០១៥ គឺលោកក៏បានដឹកនាំ ក្រុមអ្នកសារព័ត៌មានមួយក្រុម ចុះទៅយកព័ត៌មាននៅតំបន់នោះ ដែរ ហើយត្រូវបានក្រុមលោក មាស ម៉ាតៈ, កែវ សេន, ទូច សារុម ស្ទាក់បាញ់គំរាម និងជំ- ពាមកៅស៊ូគ្រាប់ដែកមានកាំបិត ពូថៅ ទៀតផង ។
ជាងនេះ ដោយអាងអំណាច អភិបាលខេត្តរងឈ្មោះ ជឹង ផល្លា នោះ គឺឈ្មោះ មាស ម៉ាតៈ នេះ ក៏បានបញ្ជាឱ្យឈ្មោះ ចេក ដុត ឡានក្រុមការងារអ្នកកាសែត ចោលឱ្យអស់ទៀតផង ព្រោះ ព្រោះតែអាងអំណាចមេគេជា អភិបាលរងខេត្តនោះ ។
ឯលោក ទូច ណូរ៉ា ប្រធាន សមាគមសារព័ត៌មានឃ្លាំមើល កម្ពុជាបានថ្លែងថា លោកធ្វើដំ ណើរជាមួយដែរថ្ងៃនោះលោក រន្ធត់ខ្លាំងណាស់ ព្រោះលោកជិះ គោយន្តមុខគេពេលទៅដល់ ឃើញមនុស្សជាច្រើនពាក់ម៉ាស មុខទាញកាំបិត ពូថៅ បាញ់ជំ- ពាមកៅស៊ូសម្លុត ព្រមទាំង ស្រែកគំរាមកំហែងដុតគោយន្ត ចោលនិងមានម្នាក់ស្រែកខ្លាំងៗ បញ្ជាថា កាប់និងបាញ់ងាប់ឱ្យ អស់ព្រោះមេយើងទទួលខុសត្រូវ ទេ ។
គួររំលឹកថា ក្នុងចំណោមជន បិទមុខគំរាមបាញ់សម្លាប់ប្រជាពលរដ្ឋនិងអ្នកកាសែតចុះទៅ យកព័ត៌មាននោះ គឺត្រូវបាន ស្គាល់មុខនិងខ្សឹបឱ្យយើងដឹងថា ពួកគាត់ គឺគេជួលអោយមកទេ ដោយឱ្យ៣០០០០រៀល ម្នាក់ ដើម្បីឱ្យវាយសម្លាប់អ្នកកាសែត។
បញ្ហានោះលោក ទូច ណូរ៉ា ឱ្យដឹងទៀតថាលោកធ្វើកាសែត ជិត ២០ឆ្នាំហើយ មិនដែលជួប រឿងគំរាមបាញ់សម្លាប់មនុស្ស ស្រស់ៗបែបនោះទេ ហើយលោក បានធើរបាយការណ៍ជូនលោក ព្រះរាជអាជ្ញាខេត្តកំពត ក៏ដូច អភិបាលខេត្តអោយស៊ើបអង្កេត រឿងនេះហើយ ។
លោក ណូរ៉ា បន្តថា យើង ជឿជាក់ថា លោក ហ៊ុន សែន ក្នុងនាមជានាយករដ្ឋមន្ត្រីប្រាកដ ជាមិនព្រងើយកន្តើយឱ្យមន្ត្រី ថ្នាក់ខេត្តទៅបាញ់គំរាមសម្លាប់ ប្រជាពលរដ្ឋក្រោមការដឹកនាំ របស់គាត់ដោយគ្មានហេតុផល នោះទេ ! ។ ជាពិសេសទង្វើ របស់ មាស ម៉ាតៈ, កែវ សេន, ទូច សារ៉ុម ដែលជាក្រុមជើង កាងប៉ុនប៉ងសម្លាប់ជីវិតប្រជា- ពលរដ្ឋ និងអ្នកកាសែតយ៉ាង ស្រស់ៗហើយស្រែកគំរាមអួត អាងខ្នងកាងទទួលខុសត្រូវជា អភិបាលរងខេត្តនេះយ៉ាងក្តែងៗ ដោយគ្មានញញើតច្បាប់មិន អាចឱ្យយើងទទួលយកបានឡើយ ប្រៀបដូចជា ក្រុមចោរព្រៃ ។
ផ្ទុយទៅវិញ លោក បឿង រដ្ឋា ចាងហ្វាងកាសែតយុវជន តេជោឱ្យដឹងដែរថា កាលពីថ្ងៃ ទី ១៣ ខែមេសា ឆ្នាំ ២០១៥ លោកស្រី ហ៊ាង គន្ធី និងលោក អាំ ផល្លីន បានធ្វើពិធីជប់លៀង មួយនៅក្រុងកំពត ហើយយាយ ធី បាននិយាយគំរាមប្រាប់អ្នក ចូលរួមថាចូលឆ្នាំខ្មែរហើយគាត់ និងឱ្យតុលាការចាប់ពួកអ្នកកា- សែតនិងប្រជាពលរដ្ឋដាក់គុកឱ្យ អស់ ក្នុងនោះមានលោក ហ៊ុន សុខា ប្រធានក្លឹបអ្នកកាសែត ឯករាជ្យ, លោក ទូច ណូរ៉ា ប្រធានសមាគមសារព័ត៌មាន ឃ្លាំមើលកម្ពុជា, លោក បឿង រដ្ឋា ចាងហ្វាងកាសែត យុវជន តេជោ, លោក ពេជ គឿន ប្រធានស្នាក់ការអង្គការអភិរក្ស ព្រៃឈើអភិវឌ្ឍន៍ធនធានធម្ម ជាតិ ប្រចាំខេត្តកំពត និងអ្នកចុះ ទៅយកព័ត៌មានទាំងអស់ក្នុងថ្ងៃ ទី ២៤ ខែមីនា ឆ្នាំ២០១៥ នោះ។
ពាក់ព័ន្ធការគំរាមសម្លាប់ បំបាក់ស្មារតីក្រុមសហភាតរៈនិង ប្រជាពលរដ្ឋគំរាមទៅលើស្ថាប័ន ក្រុមអ្នកកាសែតយ៉ាងចេញមុខ បែបនេះ លោក ហ៊ុន សុខា បានចាត់ទុកថា គឺជាការគំរាម ប្រមាថទៅលើស្ថាប័នព័ត៌មាន ជាតិនិងក្រសួងព័ត៌មានយ៉ាងធ្ងន់ ធ្ងរបំផុតដែលការពារដោយរដ្ឋ ធម្មនុញ្ញជាតិរបស់ប្រទេសកម្ពុជា ចុះហត្ថលេខានិងឡាយព្រះហស្ថ លេខាដោយព្រះមហាក្សត្រនិង នាយករដ្ឋមន្ត្រី ហ៊ុន សែន របស់ ប្រទេសកម្ពុជា ។ ហើយដែល ទង្វើបែបនេះលោក ហ៊ុន សុខា និងចាងហ្វាងក្រុមសហភាតរៈក៏ បានសំណូមពរឱ្យក្រសួងមហា ផ្ទៃមានវិធានការចំពោះពាក្យ គំរាមរបស់យាយធីនេះផង ។
បញ្ហានេះ យើងគិតថា អ្នកសារព័ត៌មាននិងត្រៀមខ្លួនជា ស្រេច ចំពោះចំណាត់ការផ្លូវ ច្បាប់ ហើយក៏យើងដឹងដែរថា លោក ឯក ឆេងហួត ជាព្រះ- រាជអាជ្ញាយុត្តិធម៌ម្នាក់ដែល ប្រជាជនទូទៅទទួលស្កាល់នូវ ចំណាត់ការរបស់លោកមិនដូច យាយធី ពោលអំនួតអួតអាង បាញ់បោះច្បាប់ព្រៃនោះទេ ។
