ស្វាយរៀង ៖ ថ្មីៗត្រូវបានគេរកឃើញអាចជាអំពើពុករលួយកើតឡើងបែបលក្ខណះប្រព័ន្ធ សម្រាប់សមត្ថកិច្ចគ្រប់ជំនាញនៅ ទីនោះ ក្នុងការផ្តល់ឱកាសអោយឈ្មួញដឹកជញ្ជូនឈើឆ្លងទៅកាន់ប្រទេសវៀតណាមយ៉ាងអនាធិបតេយ្យមិនថាពេលយប់ឬ ថ្ងៃនោះទេ។ នេះបើតាមការអះអាងពីក្រុមឈ្មួញដ៏ច្រើនទៀត ដែលពួកគេធ្លាប់ដឹកឈើឆ្លងកាត់ ប៉ុន្តែបច្ចុប្បន្នសមត្ថកិច្ចគ្រប់ ស្ថាប័ន ពិសេសគយ នឹងនគរបាលអន្តោប្រវេសន៍ថ្នាក់ខេត្ត ទុកលទ្ធភាពឱ្យតែឧកញ៉ាៗប៉ុន្មានរូបមានសិទ្ធដឹកឈើឆ្លងកាត់ច្រក នេះប៉ុណ្ណោះ។
តាមមន្ត្រី ពួកគេនិយាយថា ឧកញ៉ាទាំងនោះ មានសិទ្ធអោយដៃជើងបក្ខពួកដឹកឈើប្រណិតពីតាមបណ្តាខេត្តនាៗ ដូចជាមកពីខេត្ត ឧត្តរមានជ័យ ព្រះវិហារ សៀមរាប កំពង់ធំ មណ្ឌលគិរី រតនគិរី ក្រចេះ ស្ទឹងត្រែង នឹងខេត្តកំពង់ចាម ឆ្លងទៅវៀតណាមដោយសេរី បន្ទាប់ពីឈើធ្លាប់ចេញតាមច្រកទន្លេចាម ស្រុកមេមត់ ខេត្តត្បូងឃ្មុំ បានផ្អាកដំណើរពេញមួយ ខែកុម្ភះនេះ ហើយការដឹកជញ្ជូននេះបើក្រៅពីឈើក្រុមឧកញ៉ាៗដែលធ្លាប់ទំនាក់ទំនងគ្នាប្រឈមនឹងការបង្ក្រាប។
ជាងនេះតាមមន្ត្រីទម្លាយថា ច្រកខ្មុង នឹងច្រករបៀងសំរោងស្ថិតក្នុងស្រុកចន្ទ្រា ខេត្តស្វាយរៀងគេពុំបានបញ្ជាក់ថា ឧកញ៉ាទាំងដ៏ច្រើនរូបត្រូវបង់ថ្លៃក្បាលឡានឬក្នុង១ខែប៉ុន្មានទេ គឺសមត្ថកិច្ចច្រកបានបើកទូលាយ រហូតដល់គេហ៊ានចោទថា ប្រភពឈើល្មើសច្បាប់កើតមាននៅទីនោះ ជាអំពើពុករលួយលក្ខណះប្រព័ន្ធរបស់សមត្ថកិច្ច-អាជ្ញាធរ-ជំនាញរដ្ឋបាលព្រៃឈើហែកប្រយោជន៍ចែកគ្នាយូរមកហើយ។
ផ្ទុយទៅវិញ ពាក់ព័ន្ធបទល្មើសនេះ មានមន្ត្រីមាត់អត់គ្របខ្លះបញ្ជាក់ថា អ្នករកស៊ីឈើមិនមែនពួកគេថ្លើមធំ ព្រហើន ចំពោះក្រសែភ្នែកសមត្ថកិច្ច អាជ្ញាធរ ជំនាញដល់ថ្នាក់ដឹកជញ្ជូនឈើតាមអំពើចិត្តស្ទើរខូងផ្លូវបែបនេះទេ ការពិតជាវប្បធម៍រំលែកប្រយោជន៍ចែកគ្នារស់តែប៉ុណ្ណោះ។
ម្យ៉ាងទៀត បើមិនបទបែនចូលស្ទឹងតាមបត់ របត់តាមសង្គមពុករលួយទេ លាភក៏ត្រូវបាត់ មុខតំណែងក៏មិនហ្នឹងន៍ ម្លោះហើយបើឧកញ៉ាៗជំនួញឈើទិញទឹកចិត្តមេៗលើៗបានហើយ រឿងអីសមត្ថកិច្ចថ្នាក់ក្រោមពាក់ព៍ន្ធច្រកនេះហ៊ាន ថ្លើមធំ បង្ក្រាប ឬបោះលាភគ្រវែងចោល? សមត្ថកិច្ចបង្ហើបថា ថ្នាក់ខេត្ត សមត្ថកិច្ចប្រដាប់អាវុធ ជំនាញរដ្ឋបាល បានចាត់តាំង កេណ្ឌប្រមូលសែស្រឡាយបក្ខពួករបស់គេមកកាន់ការទីនេះ ធ្វើការបែបពុករលួយលក្ខណះជាប្រព័ន្ធឈរជើងកន្លែង ប្រភពសេដ្ឋកិច្ចនៃច្រករបៀងទាំង២នេះអស់ហើយ ដោយឡែកសមត្ថកិច្ចដ៏ទៃផ្សេងទៀតម្នាក់ៗ ដើរតួរបៀបជាដើម ត្រែងខ្យល់បក់ទៅណា យោលទៅហ្នឹង តែប៉ុណ្ណោះដើម្បីក្រពះ។
បញ្ហានេះ គេបានរិះគន់ទៅលើមេខេត្តស្វាយរៀង ជៀង អំ ថា ទុកច្រកខ្មុង នឹងច្រកសំរោងជាលុយខ្មៅក្នុងការកើបចំណូល ដាក់ហោប៉ៅ ។
គួររំលឹកថា ច្រកខ្មុង និងច្រកសំរោង គឺជាច្រកទ្វេរភាគីសម្រាប់ជាសហប្រតិបត្តិរវាងកម្ពុជា-វៀតណាម លើគោលការណ៍រួមគ្នា បង្ក្រាបបទល្មើសឆ្លងដែន ការពារសន្តិសុខ ពង្រីកពង្រឹងការនាំចេញ-ចូលទំនិញ កសិផលនោះទេ បានប្រែក្លាយទៅជាសមត្ថកិច្ចច្រកទុកលទ្ធភាពអោយឈ្មួញឆ្លងឈើល្មើសច្បាប់យ៉ាងពេញបន្ទុកមិនគួរបើក្រសួងមហាផ្ទៃមើលរំលងនោះទែ ។
ករណីនេះ ប្រភពគួរអោយជឿទុកចិត្តបានអោយដឹងថា ឈើឆ្លងកាត់ច្រកទាំងនេះ ក្រុមឧកញ៉ាៗប្រើមធ្យោបាយដឹកជញ្ជូនសុទ្ធតែឡានយីឌុប ផ្ទុកលើសទំងន់ បំផ្លាញផ្លូវធ្ងន់ធ្ងរបំផុត។ដូច្នេះថ្នាក់លើខិតខំកសាង អភិវឌ្ឍន៍ ជួយដល់សង្គមជាតិជូនប្រជាពលរដ្ឋដល់ស្លាប់ទាំងខ្លួនទៀតក៏មិនអាច សល់កិត្តិយស ខណះគ្រប់បែបយ៉ាងដោយសារស្នាដៃឈ្មួញល្មើសច្បាប់ ក៏ដូចជាអស់លោកនៃមន្ត្រីពាក់ព័ន្ធស្រេកឃ្លាន អំពើពុករលួយមួយចំនួនមានចេតនាទុច្ចរិតព្យាយាមគិតតែប្រយោជន៍ផ្ទាល់ខ្លួនដែលលោក ជៀង អំ គេចពុំផុតពីការរិះគន់នោះទេ ។
បើតាមការឱ្យដឹង ជាក់ស្តែងគ្រាន់ដៃជើងឧកញ៉ាទ្រី ភាពដឹកឈើឆ្លងទៅច្រកខាងលើនេះ ម្តងៗចាប់ពី ១០ឡាន ទៅ ២០ឡានយីឌុប ល្មើសទាំងដឹកជញ្ជូនលើសច្បាប់ ថែមទាំងផ្ទុកលើសទំងន់បំផ្លាញផ្លូវជាតិយ៉ាងពេញបន្ទុកដែលមិនគួរ ថ្នាក់លើមើលរំលងនោះទេ ។
ជាភស្តុតាង ស្រាប់យ៉ាងតិចរថយន្តដឹកឈើប្រភេទយីឌុបរបស់ក្រុមហ៊ុនទ្រីភាពជាង១០គ្រឿងត្រូវក្រុម សមត្ថកិច្ចស្ថានីយ៍ជញ្ជីងថ្លឹងរថយន្តខេត្តព្រៃវែងឃាត់ករណីផ្ទុកលើសទំងន់។ ហើយក្រុមឈ្មួញបញ្ជាក់ថា ច្រកខ្មុង ច្រកសំរោង ស្រុកចន្ទ្រា គឺជាច្រកនាំឈើសម្រុកចេញទៅយួន ។
