ភ្នំពេញ ៖ តាមប្រភពមន្ត្រីរាជការនៃ ក្រសួងពីរ គឺក្រសួងរ៉ែនិងថាម ពល និងក្រសួងធនធានទឹកនិង ឧតុនិយម បានបង្ហើបប្រាប់ថា សង្គ្រាមដណ្តើមលាភសក្ការៈ រវាងលោក ស៊ុយ សែម និង លោក លឹម គានហោ ជិតផ្ទុះហើយ។ ហើយភ្លើងសង្គ្រាមនោះ គឺផ្តើមពីការចង់បានតួនាទីគ្រប់ គ្រងអាជីវកម្មខ្សាច់ដែលគេគិត ថាជាប្រភពចំណូលយ៉ាងច្រើន សន្ធឹកសន្ធាប់ ។
ប្រភពខាងលើបានរាយការណ៍ថា សព្វថ្ងៃនេះលោក ស៊ុយ សែម រដ្ឋមន្ត្រីក្រសួងរ៉ែនិង ថាមពល និងលោក លឹម គាន ហោ រដ្ឋមន្ត្រីក្រសួងធនធានទឹក និងឧតុនិយមចាប់ផ្តើមមើលមុខ គ្នាអត់ត្រង់ ហើយបានរិះរកគ្រប់ វិធីដើម្បីផ្តួលគ្នាដណ្តើមសិទ្ធិ ផ្តាច់មុខក្នុងការគ្រប់គ្រងអាជីវ កម្ម ខ្សាច់នៅកម្ពុជា ។
បើតាមប្រភពដដែលបាន បញ្ជាក់ថា ពីមុនលោក លឹម គានហោរួមទាំងសហការីរបស់ លោកហាក់គ្រប់គ្រងទាំងស្រុង លើអាជីវកម្មខ្សាច់ទាំងអស់នៅ កម្ពុជា ។
ជុំវិញនៃការគ្រប់គ្រងបែប ជិះសេះលែងដៃនោះបានធ្វើឱ្យ លោក លឹម គានហោ ពិសេស លោក ចាន់ យុត្ថា ដែលជាមនុស្ស ជំនិត ឬជាដៃស្តាំលោក លឹម គានហោ រកចំណូលបានក្រាស់ ក្រែលសម្រាប់ខ្លួនឯងផងនិង សម្រាប់ជាដង្វាយទៅឱ្យលោក លឹម គានហោ ផងដែរ ។
ផ្ទុយទៅវិញ រឿងខ្សាច់អ្នកណាក៏ដឹងដែរថា ការធ្វើអាជីវ កម្មខ្សាច់ គឺអនាធិបតេយ្យរក លេខដាក់គ្មានព្រោះតែអាជីវករ បានយកលុយទៅបុកក្រសួងធន ធានទឹក និងឧតុនិយម សំខាន់ មនុស្សជំនិតរបស់លោក លឹម គានហោ ដើម្បីបានប្រកបអាជីវ កម្មបូមខ្សាច់ដោយសេរីមិនខ្វល់ អំពីការបង់ថវិកាជូនរដ្ឋនោះ ឡើយ ។ និយាយរួមគឺគ្រាន់តែ យកលុយទៅញាត់ហោប៉ៅមន្ត្រី ជំនិតលោក លឹម គានហោ គឺ ជាការស្រេចហើយចង់បើក អាជីវកម្មធំប៉ិនមេឃក៏អត់បញ្ហា ដែរ ។
ដោយឡែក មកដល់បច្ចុប្បន្ន នេះការគ្រប់គ្រងអាជីវកម្មខ្សាច់ ត្រូវធ្លាក់លើដៃលោក ស៊ុយ សែម ដែលអនាធិបតេយ្យលើសពី ក្រសួងធនធានទឹកដែលកាន់ កាប់ដោយឪពុកក្មេកនិងកូន ប្រសារ លឹម គានហោ និង លោក ចាន់ យុត្ថា ទៅទៀត ។
ជាងនេះទៅទៀត អ្វីដែលគួរឱ្យភ្ញាក់ផ្អើលខ្លាំងណាស់ គ្រាន់តែទទួលបានអំណាចនៃ ការគ្រប់គ្រង់មិនទាន់ទាំងបាន មួយសប្តាហ៍ផង ក្រុមលោក ស៊ុយ សែម ចាប់ផ្តើមយុទ្ធវិធី ប្រមូលលុយតាមរយៈអាជីវកម្ម ខ្សាច់បានយ៉ាងច្រើនសន្ធឹកសន្ធាប់ សម្រាប់ដាក់ចូលហោប៉ៅដោយ មិនចាំបាច់ខ្វល់ការរិះគន់ពីសាធា រណៈជននោះឡើយជាមួយ ដន្លងកំពង់ផែ ហ៊ឺ បាវី ដោយពុំ ចាំបាច់ដាក់ឱ្យមានការដេញថ្លៃ ទាល់តែសោះ ។
ជុំវិញករណីមិនប្រក្រតីនេះ បើតាមពត៌មានមាត់ចាបមាត់ ព្រាបឱ្យដឹងថា គ្រាន់តែលោក ស៊ុយ សែម ប្រគល់សិទ្ធិឱ្យអគ្គ- នាយកដ្ឋានកំពង់ផែស្វយ័តភ្នំពេញ ធ្វើអាជីវកម្មខ្សាច់តាមដងទន្លេ មេគង្គមួយប្រ៉ាវ គឺចំណូលរាប់ លានដុល្លារ បានហូរចូលតាម ខ្សែលោក ស៊ុយ សែម ដោយ រលូនគ្រប់ទឹកយ៉ាងត្រូវប៉ាន់បំផុត។
ផ្ទៃក្នុងព័ត៌មានដែលផ្តល់ដោយមន្ត្រីរាជការនៃក្រសួងរ៉ែ និងថាមពល បានឱ្យដឹងថា ដំ- ណើរការនៃការដេញថ្លៃអាជីវ កម្មខ្សាច់ដែលរៀបចំដោយ ក្រសួងរបស់លោក ស៊ុយ សែម នេះកំពុងបង្ហាញនូវភាពមិនប្រ ក្រតីជាច្រើន ។
ទន្ទឹមនោះក្រសួង សេដ្ឋកិច្ច និងហិរញ្ញវត្ថុក៏បានចេញលិខិត បែបបព្រមានមួយផងដែរទាក់ ទងការដេញថ្លៃអាជីវកម្មខ្សាច់ នេះ ។ ប៉ុន្តែការព្រមាននោះមិន បានធ្វើឱ្យក្រុមលោក ស៊ុយ សែម ព្រឺរោមឬយកត្រចៀកស្តាប់នោះ ទេ ហើយចេះតែរៀបចំបន្តការ ដេញថ្លៃចងមុងធ្វើព្រងើយ អញ្ចឹងទៅ ។
ដូចជាយោងតាមប្រភពព័ត៌មានក្រៅផ្លូវការមួយឱ្យដឹងថា មហាអំណាចទាំងពីរនេះកំពុង តែរិះរកគ្រប់វិធីដើម្បីប៉ែងជើង គ្នាហើយវិធីដែលគេបង្កឱ្យកើត ឡើងនោះគឺដើម្បីផ្តល់ជាដំណឹង អាក្រក់ដល់ សម្តេចតេជោ ហ៊ុន សែន ខណៈដែលដំណឹងអាក្រក់នោះអាចនឹងផ្តល់ប្រយោជន៍ឱ្យ ពួកគេរៀងៗខ្លួន ។
ជាករណីហួសចិត្តប្រភព នោះបញ្ជាក់ថាព្រោះតែលាភ សក្ការៈទទួលបានអំពីអាជីវកម្ម ខ្សាច់បានធ្វើឱ្យមន្ត្រីជំនិតលោក រដ្ឋមន្ត្រីទាំងពីរនោះមិនខ្វល់អំពី ការរិះគន់ ឬសើចចំអកពីសាធា រណៈជននោះឡើយ ។ ដូច្នេះ ហើយទើបគេរិះរកនិងគាស់ រំលើងឱ្យឃើញចំណុចខ្សោយ រៀងៗខ្លួនដើម្បីឈានដល់ការ ផ្តួលគ្នានាពេលខាងមុខ ។ ប្រភព នោះឱ្យដឹងថា ក្រុមដែលពុះ កញ្ជ្រោលខ្លាំងនោះគឺក្រុមគាំទ្រ លោក លឹម គានហោ ដែលពី មុនធ្លាប់តែសើមមាត់សើមករ លុយណែនហោប៉ៅបានមកពី អាជីវកម្មខ្សាច់ ។ ហើយឥឡូវ លុយជាច្រើនសន្ធឹកសន្ធាប់ត្រូវ ធ្លាក់លើក្រុមលោក ស៊ុយ សែម ទៅវិញ ។ ដូច្នេះពួកគេមិនអាច សម្ងំនៅស្ងៀមបានឡើយហើយ ខ្នះខ្នែងរកគ្រប់វិធីដើម្បីចាប់ កំហុសក្រុមលោក ស៊ុយ សែម។
ជាក់ស្តែង ប៉ុន្មានថ្ងៃមកនេះ ក្រុមលោក លឹម គានហោ បាន ធ្វើការទាក់ទងទៅបណ្តាញ សារពត៌មានដ្បើមីឱ្យជួយចុះ ផ្សាយនូវពត៌មានមិនប្រក្រតីនៃ ការដេញថ្លៃអាជីវកម្មខ្សាច់ ខណៈដែលការដេញថ្លៃនោះក៏ លេចចេញពត៌មានមិនសូវល្អ ថែមទៀត ហើយបានធ្វើឱ្យលោក នាយករដ្ឋមន្ត្រី ហ៊ុន សែន ខក ចិត្តនិងឈឺក្បាលយ៉ាងខ្លាំងជុំវិញ រឿងលោក ស៊ុយ សែម ដែល គេគិតថាពេលដករឿងខ្សាច់នេះ ពីលោក លឹម គានហោ គិតថា គាត់បន្ថយអំពើពុករលួយនេះ ត្រឡប់ជាប្រព្រឹត្តអំពើពុករលួយ លើសពីអាជ្ញាធរទន្លេសាបទៅ ទៀត ។
ពេលនេះ តាមផ្ទៃក្នុងដែល ដឹងរឿងពុករលួយរឿងខ្សាច់ក្នុង ក្រសួងរ៉ែ និងថាមពល បាន ទម្លាយទៀតគេចាំមើលថា តើ លោកនាយករដ្ឋមន្ត្រី ហ៊ុន សែន និងមានវិធានការបែបណាបើ គ្រាន់តែលោក ស៊ុយ សែម កាន់ការងារពីរបីថ្ងៃសោះ បែក ធ្លាយអំពើពុករលួយួនិងបក្ខពួក គ្រួសារនិយមលើសដើមទៅ ទៀត ហើយគេចាំមើលថា តើ លោកនាយករដ្ឋមន្ត្រី ហ៊ុន សែន និងដោះស្រាយយ៉ាងណា ។
បញ្ហានេះដែរ គេមិនសង្ឃឹមថា អំពើពុករលួយដែលចាក់ ស្រេះជុំវិញលោក ស៊ុយ សែម ដែលកាន់ក្រសួងរ៉ែ និងថាមពល យូរឆ្នាំនោះបានទេ ហើយបើ ទោះជាអង្គភាពប្រឆាំងអំពើពុក រលួយរបស់លោក ឱម យ៉ិនទៀង ក៏គេគ្មានសង្ឃឹមថា និងចាត់ការ អំពើពុករលួយក្រោមការដឹកនាំ របស់លោក ស៊ុយ សែម និងហ៊ី បាវី បានដែរ ៕
