ស្វាយរៀង ៖ គួរពិនិត្យ និងចាប់អារម្មណា៍ថ្មីពីសំណាក់អគ្គនាយក និងនាយកដ្ឋានអន្តោប្រវេសន៍ ចំពោះចំណាត់ការដ៏ ធូររលុងរបស់ក្រុមប៉ូលិសអន្តោប្រវេសន៍ច្រកទ្វារអន្តរជាតិបាវិត ដែលឃុបឃិតជាមួយភ្ញៀវ VIP ឱ្យឆ្លងដែនកំសាន្ត និងភ្ញៀវ VIP ជាក្រុមជំនួញ ។ ហើយដែលករណីធូររលុងនោះ បានបង្កើតជាបក្ខពួក និងអំពើពុករលួយយ៉ាងពេញ បន្ទុកផង ក៏ដូចជា បានធ្វើឱ្យប៉ះពាល់ដល់សុខភាពសាធារណៈផង ពីទង្វើរបស់លោក ខាត់ សារ៉ាត់ ដែលជានាយប៉ុស្តិ៍ អន្តោប្រវេសន៍ដែលគួរត្រូវបានស៊ើបអង្កេត ! ។
ថ្មីៗនេះនៅច្រកទ្វារអន្តរ្តជាតិបាវិត គេសង្កេតឃើញភ្ញៀវទេសចរជាតិ អន្តរជាតិទាំងក្រុមជំនួញបានសម្រុកចូលចេញ មកក្នុងប្រទេសកម្ពុជាច្រើនជាងសព្វមួយដង ដែលគេឃើញសកម្មភាពអ៊ូរអរយ៉ាងមមាញឹកបំផុតទាំងការនាំទំនិញ ចូលស្រុក ។ ប៉ុន្តែអ្វីដែលគួរឱ្យកត់សម្គាល់នោះ គឺភ្ញៀវទេសចរប្រមានជាង ២០ភាគរយ គឺពុំបានត្រួតពិនិត្យ និងពុំ បានចុះពីលើរថយន្តដើម្បីឱ្យមន្ត្រីជំនាញនៅច្រកបាវិតនោះ ត្រួតពិនិត្យឡើយ ជាពិសេសគឺមន្ត្រីចត្តាឡីស័ក និងមន្ត្រី អន្តោប្រវេសន៍ក្រោមការដឹកនាំរបស់លោក ខាត់ សារ៉ាត់ នោះតែម្តង ដែលជាដើមចមឱ្យមានអំពើពុករលួយ និង ការធួររលុងនោះ ។
ប្រភពមន្ត្រីនៅមាត់ច្រកទ្វារព្រំដែនអន្តរជាតិបាវិតនេះបានប្រាប់ថា មូលហេតុដែលភ្ញៀវទាំងនោះមិនចុះពីរថយន្ត ដោយសារមានអ្នករត់ការពីសំណាក់ព្រូរថយន្ត ឬសម្របសម្រួលពីមន្ត្រីប៉ូលិស អន្តោប្រវេសន៍ ហើយទើបមន្ត្រី ជំនាញមិនបានពិនិត្យសុខភាពភ្ញៀវអន្តរជាតិដែលជិះក្នុងរថយន្តក្រុងនោះ ។ ហើយបញ្ហានោះ ត្រូវបានគេទម្លាយថា ជាកំអែលចាស់ stye អំពើពុករលួយរបស់នាយប៉ុស្តិ៍ចាស់ អ៊ឹង សុងយូ ។ ហើយត្រូវបានលោកនាយ ខាត់ សារ៉ាត់ អនុវត្តបន្ត គឺដោយសារមានការស្នើសុំពីលោកនាយប៉ុស្តិ៍នគរបាល អន្តោប្រវេសន៍ច្រកទ្វារព្រំដែនអន្តរជាតិបាវិតឱ្យ ជួយសម្រួលដោយអះអាងថា ជាភ្ញៀវ VIP នោះងាយស្រួលប្រព្រឹត្តអំពើពុករលួយតែម្តង ។
តាមការអះអាងរបស់ប្រភពមន្ត្រីបានទម្លាយឱ្យដឹងទៀតថា បច្ចុប្បន្ននោតាមតំបន់ច្រកទ្វារព្រំដែន គឺមន្ត្រីប៉ូលិស អន្តោប្រវេសន៍ គឺមានអំណាចខ្លាំងណាស់ ដែលជាក់ស្តែងមេប៉ុស្តិ៍ ខាត់ សារ៉ាត់ ត្រួតពិនិត្យជំនាញផងក៏គាត់ រីឯ សម្របសម្រួលឆ្លងដែនរត់ការនាំទំនិញចេញចូលផង ក៏គាត់ដែរ ។ ហើយបើទោះជាខុសជំនាញក៏អន្តោប្រវេសន៍ មានអំណាចដែរ ព្រោះត្រួតពិនិត្យមនុស្សឆ្លងដែន និងរាយការឱ្យជំនាញចាប់បង្ក្រាប ឬទប់ស្កាត់តែម្តង ប្រសិនជា ធ្វើឱ្យលោកមេប៉ុស្តិ៍មិនសប្បាយចិត្ត ឬជំនាញណាមួយ និងឈ្មួញណាមួយដែលមិនផ្តល់ដំណឹងឱ្យខ្លួនដឹងមុនពីករណី ទំនិញឆ្លងដែននោះ ។
គួរបញ្ជាក់ថា ចាប់តាំងពីជំងឺ MERS ដែលជាប្រភេទជំងឺផ្លូវដង្ហើមដ៏កាចសាហាវបានផ្ទុះកើតនៅប្រទេសកូរ៉េ និងបានបន្ត ឆ្លងទៅដល់ប្រទេសមួយចំនួននៅអាស៊ី ជាពិសេសប្រទេសថៃនោះរាជរដ្ឋាភិបាល ជាពិសេសក្រសួងសុខាភិបាល ជាពិសេស ក្រសួងសុខាភិបាលបានយកចិត្តទុកដាក់យ៉ាងខ្លាំងទៅលើការរឹតបន្តឹងនៅតាមមាត់ច្រកទ្វារព្រំដែនអន្តរជាតិទាំងអស់ទូទាំង ព្រះរាជាណាចក្រកម្ពុជា ដោយចាត់ឱ្យមន្ត្រីចត្តាឡីស័កសហការជាមួយប៉ូលីស អន្តោប្រវេសន៍ត្រួតពិនិត្យសុខភាពរាល់ភ្ញៀវ ទេសចរទាំងអស់ដែលចូលមកកម្ពុជា ជាពិសេសមកពីកូរ៉េ ។
ផ្ទុយពីការណែនាំនេះ នៅឯច្រកទ្វារព្រំដែនអន្តរជាតិបាវិត បែរជាមានការសម្រួលឱ្យភ្ញៀវទេសចរបរទេសឆ្លងចូលមកដោយ មិនចាំបាច់ត្រួតពិនិត្យសុខភាពទៅវិញ ដោយគ្រាន់តែមានហេតុផលថា ជាភ្ញៀវ VIP ។ ហើយដែលបញ្ហានេះ គេបានទម្លាក់ ទៅលើនាយប៉ុស្តិ៍ច្រកទ្វារអន្តរជាតិបាវិតថា ជាអ្នកអនុញ្ញាត និងជាអ្នកទទួលខុសត្រូវ ។
បើតាមមន្ត្រីមួយចំនួននៅមាត់ច្រកទ្វារព្រំដែនអន្តរជាតិខាងលើ បានលួចខ្សឹបប្រាប់ថា បើភ្ញៀវ VIP ទាំងនោះមានជំងឺ MERS ហើយនាំយកជំងឺនេះទៅចម្លងដល់ប្រជាពលរដ្ឋខ្មែរនៅក្នុងប្រទេស តើនរណាជាអ្នកទទួលខុសត្រូវ ? ឬមន្ត្រីអស់នោះ មិនចេះឆ្លង មិនចេះស្លាប់ទេ ។
ផ្ទុយទៅវិញក្រុមមន្ត្រីផ្ទៃក្នុងច្រកទ្វារបាវិត បានទម្លាយទៀតអារឿងប៉ះពាល់សុខភាពនោះ វាគឺជារឿងធំហើយ ប៉ុន្តែនៅមាន អាថ៌កំបាំងមនុស្សបទល្មើសចេញចូលឆ្លងដែនដែលជនសង្គមងងឹតអស់នោះ គឺមានតែក្រុមប៉ូលិស អន្តោប្រវេសន៍របស់ ខាត់ សារ៉ាត់ ប៉ុណ្ណោះ ទើបដឹងថា ធ្វើម្តេចអាចឆ្លងដែនបាន តាមរយៈពួកគាត់ ករណីអត់អ្តសញ្ញាណប័ណ្ណ អត់ប៉ាស្ព័រ គ្មានអត្តសញ្ញាណ អាចឆ្លងបានទាំងក្រោមលេសភ្ញៀវ VIP ដែលមានការរត់ការព្រូ តៃកុងឡានក្រុងចេញមុខសម្រួលឱ្យ និងជួនកាលតាមរយៈមន្ត្រីប៉ូលិស អន្តោប្រវេសន៍ចេញមុខសម្រួលការងារឱ្យតែម្តង ។
បញ្ហាសំខាន់ដែលអ្នករត់ការទូទៅមនុស្សរបស់ប៉ូលិស អន្តោប្រវេសន៍ស្និទ្ធិឆ្លើយទាមទារថា អ្នកមានប៉ាស្ព័រអស់សុពលភាព ៣០-៦០ដុល្លារ ឃ្លាទាំងប៉ុស្តិ៍ខ្មែរ ប៉ុស្តិ៍យួនផង ។ ហើយឯជនគ្មានអត្តសញ្ញាណធម្មតា មានអត្តសញ្ញាណប័ណ្ណ អត់ប៉ាស្ព័រ ៣០-៤០ដុល្លារ ជ្រកក្រោម VIP គឺពុំបាច់ចុះទេ ! OK តែចំពោះភ្ញៀវគ្មានអត្តសញ្ញាណពិតប្រាកដវិញ OK តាមរូបភាព VIP ជាក់ស្តែង ១០០០ដុល្លារ ទៅ ៥០០០ដុល្លារ គ្មានបញ្ហា ។
មានការលើកឡើងថា ចំពោះភ្ញៀវដែលនៅខេត្តឆ្ងាយក៏គេសម្រួលឱ្យបានដែរ គ្រាន់តែចេញលិខិតស្នាម បញ្ជាក់ឱ្យថាអ្នករស់ នៅតំបន់តាមព្រំដែនក្នុងខេត្តស្វាយរៀង ពីសាលាខេត្ត ៣០ដុល្លារ ពុំទាន់ស្រេច ដល់ អន្តោប្រវេសន៍សួររកអត្តសញ្ញាណប័ណ្ណ ទៀតមានគ្មាន អត់បញ្ហាថែម ៣០-៥០ដុល្លារ ទៀតតាម stye របស់ប៉ូលិស អន្តោប្រវេសន៍គោះយ៉ាងត្រូវប៉ាន់ ដោយពុំខ្វល់ ពីអសន្តិសុខគោលនយោបាយបើកចំហជើងមេឃរដ្ឋាភិបាលសូម្បីបន្តិចឱ្យតែគោះបានលុយ គឺមន្ត្រី អន្តោប្រវេសន៍ច្រកទ្វារ នេះឥតខ្វល់ ។ ជាពិសេសរឿងឈឺចាប់ដែលជនរងគ្រោះចង់ឆ្លងដែនរបៀបឆក់កណ្តៀតប្រញាប់គ្មានប៉ាស្ព័រនោះ ត្រឡប់ជា ត្រូវបានអាជ្ញាធរច្រកទ្វារយួនព្រមាន និងស្តីបន្ទោសតែម្តងពីបទក្លែងបន្លំឯកសារឆ្លងដែន ឬខាំឯកសារឆ្លងដែនពុំត្រូវគ្នា ព្រោះថា រឿងដែលប្រជាពលរដ្ឋយំនោះ គឺអត្តសញ្ញាប័ណ្ណមកពីខេត្តផ្សេងតែលិខិតឆ្លងដែនអនុញ្ញាតបញ្ជាក់ថា ជាប្រជាពលរដ្ឋ រស់នៅក្នុងខេត្តស្វាយរៀងយ៉ាងគ្មានទំនងសោះ ដែលបញ្ហានេះគឺជាការទទួលខុសត្រូវទាំងស្រុងរបស់ ប៉ូលិស អន្តោប្រវេសន៍បាវិតនោះតែម្តង ដែលធូររលុងអសមត្ថភាព និងមុខលុយជាធំ ។
តែផ្ទុយទៅវិញចំពោះជនគ្មានអត្តសញ្ញាណប័ណ្ណពិតប្រាកដនោះ បែរជាជ្រកក្រោមមុខភ្ញៀវ VIP យ៉ាងសុខសាន្តឆ្លងដែនទៅ មកសុវត្ថិភាពដែលមិនគួរក្រសួងមហាផ្ទៃមើលរំលងភាពអសកម្មពុករលួយរបស់មន្ត្រីមេ អន្តោប្រវេសន៍ច្រកទ្វារអន្តរជាតិ បាវិត និងទុក្ខវេទនារបស់ប្រជាពលរដ្ឋក្រីក្រអ្នកជំងឺឆ្លងដែននោះទេ ។
ពាក់ព័ន្ធនឹងបញ្ហានេះក្រុមអ្នកសារព័ត៌មានបានព្យាយាមសុំការបំភ្លឺពីមន្ត្រីនគរបាល អន្តោប្រវេសន៍ច្រកព្រំដែនអន្តរជាតិបាវិត ដែរ ប៉ុន្តែមន្ត្រីទាំងនោះបានឆ្លើយដាក់គ្នាពីមួយទៅមួយគ្មានអ្នកណាហ៊ានបកស្រាយទេ ព្រោះខ្លាចនិយាយទៅខុសនាំឱ្យមេ ខាត់ សារ៉ាត់ ស្តី បន្ទោស និងដកតំណែង ។ រីឯលោក លឹម សៀងហេង ប្រធានទីស្នាក់ការច្រកទ្វារអន្តរជាតិបាវិតក៏បានទទួល ស្គាល់ថា ហានិភ័យនៃការឆ្លងជំងឺ MERS នេះដែរ ប៉ុន្តែរឿងអ្វីផ្សេងលោកអត់ដឹង និងគ្មានអំណាចទេ ! ផ្ទុយទៅវិញរឿងទប់ ស្កាត់ជំងឺបរទេសឆ្លងដែនវា គឺជារឿងមួយហើយ ប៉ុន្តែរឿងអំពើពុករលួយឃុបឃីតជាមួយឈ្មួញ រត់ការឃ្លាសម្របសម្រួល នាំទំនិញចូល និងករណីធ្វើជាត្រីងៀតឆ្លៀតពង គាបជម្រិតធ្វើបាបប្រជាពលរដ្ឋឆ្លងដែននិងអ្នកជំងឺ និងជនសង្គមងងឹតឆ្លង ដែនជ្រកក្រោម VIP តាមតែទំនើងចិត្តនោះ គួរតែក្រសួងសាម៉ីពាក់ព័ន្ធ និងក្រសួងមហាផ្ទៃដាក់ការស្រាវជ្រាវពីសកម្មភាព របស់មេ អន្តោប្រវេសន៍ច្រកទ្វារបាវិត ខាត់ សារ៉ាត់ ជាបន្ទានផង ។ ដោយ៖ សេរីភាព
