ជំនន់ទឹកភ្លៀង បានញ៉ាំងអោយគណៈកម្មាធិការជាតិរៀបចំការបោះឆ្នោត បានពន្យាពេល៣ថ្ងៃថែមទៀតដល់ ខេត្តខ្លះ ដើម្បីការធ្វើបច្ចុប្បន្នភាពបញ្ជីឈ្មោះបោះឆ្នោតឆ្នាំ២០១៣។
ការសម្រេចពន្យាពេល៣ថ្ងៃបន្ថែមទៀតនោះ នឹងធ្វើសម្រាប់ឃុំសង្កាត់ ចំនួន២១១ចំណុះ ខេត្តចំនួន១០ដែលរងនឹងទឹកជំនន់រួមមាន បន្ទាយមានជ័យបាត់ ដំបង កំពង់ចាម កំពង់ឆ្នាំង កំពង់ធំ កណ្តាល ក្រចេះ ស្ទឹងត្រែង និងខេត្តឧត្តរមានជ័យ។
អគ្គលេខាធិការ គ.ជ.ប លោក ទេព នីថា បានមានប្រសាសន៍ថា មូលហេតុនៃការបន្ថែម រយៈពេលនេះដោយ សារ ឃុំ-សង្កាត់ទាំងនោះ ត្រូវបានលិចលង់ ដោយទឹកជំនន់ និងទឹកភ្លៀង ដែលធ្វើឲ្យរាំងស្ទះ ដល់ដំណើរ ការ ពិនិត្យ បញ្ជីឈ្មោះ និងចុះឈ្មោះបោះឆ្នោត។
សូមបញ្ជាក់ថា ការពិនិត្យបញ្ជីឈ្មោះ និងចុះឈ្មោះបោះឆ្នោត ឆ្នាំ២០១៣ មានរយៈពេល២០ថ្ងៃ ចាប់ពីថ្ងៃទី១ដល់ ថ្ងៃទី២០ ខែតុលា ឆ្នាំ២០១៣។ដូចនេះ ឃុំ-សង្កាត់ ដែលត្រូវបានបន្ថែម ៣ថ្ងៃទៀត ដើម្បីបញ្ចប់ការពិនិត្យ បញ្ជី ឈ្មោះ និងចុះឈ្មោះបោះឆ្នោត ត្រឹមថ្ងៃទី២៣ ខែតុលា ឆ្នាំ២០១៣៕
