សេចក្តីជូនដំណឹងរបស់សាលារាជធានីភ្នំពេញ ចុះថ្ងៃទី១៦ ខែតុលា បានឲ្យដឹងថា សាលារាជធានីភ្នំពេញបានហាមឃាត់រថយន្តកុងតឺន័រនិងដឹកជញ្ជូនទំនិញធុនធ្ងន់គ្រប់ប្រភេទរបស់ក្រុមហ៊ុនឯកជន និងរដ្ឋជាពិសេសរថយន្តកុងតឺន័រមិនត្រូវធ្វើចរាចរណ៍ចេញ-ចូលក្នុងរាជធានីភ្នំពេញ ចាប់ពីម៉ោង៥ព្រឹកដល់ម៉ោង៩យប់។
យើងតាមសេចក្តីជូនដំណឹងដដែលបានឲ្យដឹងថា ការហាមឃាត់នេះ គឺធ្វើឡើងដើម្បីរក្សាសណ្តាប់ធ្នាប់ជៀសវាងការកកស្ទះគ្រោះថ្នាក់ចរាចរណ៍ និងរបៀបរៀបរយ និងសុវត្ថិភាពចរាចរណ៍ក្នុងរាជធានីភ្នំពេញ។
ចំនែកឯសម្រាប់រថយន្តដឹកជញ្ជូនអ្នកដំណើរភ្នំពេញ និងបណ្តាខេត្ត ដូចជារថយន្តក្រុងនិងរថយន្តតាក់ស៊ីសាលារាជធានីភ្នំពេញ នឹងធ្វើការណែនាំ។
នៅក្នុងសេចក្តីជូនដំណឹងរបស់សាលារាជធានីភ្នំពេញ ក៏បានព្រមានចាត់វិធានការតឹងរឹងតាមច្បាប់ចរាចរណ៍ផ្លូវគោក ចំពោះយានយន្តផ្ទុកទំនិញលើសទម្ងន់រថយន្តកែច្នៃ និងរថយន្តដឹកសំពីងសំពោងផងដែរ៕
