លោក អ៊ុច សំអន ដែលបានឡើងកាន់តំណែងជាអភិបាលខេត្តកំពង់ធំ ជំនួសលោក ឈុន ឈន់ គឺបទល្មើសបំផ្លាញព្រៃឈើក្នុងតំបន់ព្រៃឡង់ ពុំមានការថយចុះឡើយ។ ផ្ទុយទៅវិញបទល្មើសបំផ្លាញព្រៃឈើក្នុងខេត្តកំពង់ធំ ក៏ដូចជាសកម្មភាពដឹកជញ្ជូនធ្វើអាជីវកម្មខុសច្បាប់ក្នុងខេត្តកំពង់ធំ នៅតែបន្តកើតមានយ៉ាងពេញបន្ទុកដូចមុនដដែល ពុំមានអ្វីជាការកែទម្រង់ឱ្យបានប្រសើរនោះទេ។ មជ្ឈដ្ឋានប្រជាពលរដ្ឋមួយចំនួនសង្ស័យថា ប្រហែលលោក អភិបាលខេត្តថ្មី ទទួលបានផលប្រយោជន៍ពីបទល្មើសកាប់បំផ្លាញព្រៃឈើ និងដឹកឈើធ្វើអាជីវកម្មខុសច្បាប់ទើបបណ្តោយឱ្យបទល្មើសកើតឡើងឥតឈប់ឈរ។
ប្រជាសហគមន៍ការពារព្រៃឡង់បានឱ្យដឹងថាព្រៃឈើដែលស្ថិតនៅតំបន់ជាប់ព្រំប្រទល់ខេត្តព្រះវិហារ ខេត្តកំពង់ធំ ខេត្តក្រចេះ និងខេត្តស្ទឹងត្រែង កំពុងតែប្រឈមនឹងការកាប់បំផ្លាញយ៉ាងមហន្តរាយ ក្នុងនោះក្រុមហ៊ុនស៊ីអស៊ីខេ របស់វៀតណាមដែលទទួលបានដីសម្បទានសេដ្ឋកិច្ចនៅតំបន់ព្រៃឡង់បានធ្វើសកម្មភាពកាប់ព្រៃនៅក្រៅដីសម្បទានរបស់ខ្លួន អារច្រៀកដឹកជញ្ជូនធ្វើអាជីវកម្មខុសច្បាប់យ៉ាងគគ្រឹកគគ្រេងជារៀងរាល់ថ្ងៃ។ មន្ត្រីបរិស្ថាន មន្ត្រីរដ្ឋបាលព្រៃឈើ និងសមត្ថកិច្ចពាក់ព័ន្ធបានដឹងយ៉ាងច្បាស់ជុំវិញបទល្មើសបំផ្លាញព្រៃឈើ ប៉ុន្តែដើម្បីផលប្រយោជន៍ ទើបពួកគេធ្វើមិនដឹងមិនឮ។
អភិបាលខេត្តកំពង់ធំលោក អ៊ុត សំអន បានទទួលស្គាល់ថាលោក ក៏បានទទួលព័ត៌មានពីការកាប់បំផ្លាញព្រៃឈើ នៅក្នុងតំបន់ព្រៃឡង់នោះដែរ ហើយថាអាជ្ញាធរខេត្តកំពុងចាត់វិធានការទប់ស្កាត់ ករណីនេះ។ តែកាលនិយាយរបស់លោកអភិបាលខេត្តគ្រាន់តែល្អ មើលប៉ុណ្ណោះគឺលោកមិនមានសមត្ថភាពបង្រ្កាបទេពីព្រោះជាងឆ្នាំងបាយរបស់គាត់។
ប្រសិនបើគ្មានការបើកដៃពីមន្ត្រីអាជ្ញាធរខេត្ត និងសមត្ថកិច្ចជំនាញពាក់ព័ន្ធទេនោះគឺក្រុមហ៊ុនឯកជន និងក្រុមជនល្មើសមិនហ៊ានធ្វើអ្វីៗស្រេចតែអំពើចិត្តបានឡើយ។
អត្ថបទដោយៈ ឈ្លបការណ៏
